1. Mose 20:16 - O Debleskro Drom 2021 (Sinte)

¹⁶ Un ap i Sara penas job: “Shun, me dom tiro phrales 1.000 (jek sero) rupene beme. Kol lowe sikrenn kolende, kai pash tute hi, kai tu hunte ladjess gar. Jaake hal tu tchatcho glan i menshengre jaka.”

O Debleskro Lab 2024 (Sinte-Manouche)

¹⁶ Oun ap i Sara penas yob: “Shoun, me dom tiro phrales 1.000 (yek zero) roupene beme. Kol love sikrenn kolende, kay pash toute hi, kay tou hounte ladjess gar. Yaake hal tou čačo glan i menshengre yaka.”

1. Mose 20:16 ပူးပေါင်းရင်းမြစ်များ

1. Mose 20:17

Har o Abimelech o Abrahameskri romjat las, kras o baro Dewel, kai kek djuwel an o Abimelecheskro kheer i ternepen lella. Un kanna mangas o Abraham o Debles lenge. Un o Dewel kras o Abimeleches sasto un leskri romjat un i djuwjen, kai leske budran, jaake, te lan le pale tchawe.

1. Mose 20:5

O Abraham penas ap mande: ‘Joi hi miri pheen.’ Un joi penas ninna: ‘Job hi miro phraal.’ Me djinom gar, kai joi romedino hi. Miro dji un mire wasta hi djudjo.”

1. Mose 24:65

“Koon hi ko mursh, kai kote pash mende wella?” “Kowa hi miro rai”, penas o budepaskro. Koi tchiwas joi i diklo glan peskro mui, te khatrell li peskro mui.

1. Mose 26:11

Koi pal penas o Abimelech ap lauterende: “Koon kol murshes ninna leskri romjat an-tapella, ko hunte merella.”

Gosewe laba 12:1

Koleske, kai kamell gosewo te well, hi shukar, te well leske penlo, hoi lo gar mishtes kras. Kowa, kai mukell pes tchi te penell, atchell dinelo.

Gosewe laba 25:12

I gosewo mensho, kai trad dell, un i kand, hoi ap leste shunell, kolla hi har i sonakaskri gustri un i sonakaskri werkli trul i meen.

Gosewe laba 27:5

Feteder hi, te well jekeske an o mui penlo, hoi lo gar mishto kras, har te penell jek leske gar, te kamell lo les o djijestar.

Jona 1:6

Kote was ko rai pral kau shiffo pash leste un putchas lestar: “Hoi hi kanna tuha? Hoske soweh tu? Ste pre, un khare tiro debles an! Nai well, tiro dewel dikell kamles ap mende, te meras gar!”

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!