1. Mose 20:1 - O Debleskro Drom 2021 (Sinte)

¹ Un o Abraham djas dureder un was an o them Negev. Job atchas mank kol dui forja Kadesh un Shur un djiwas an o foro Gerar.

O Debleskro Lab 2024 (Sinte-Manouche)

¹ Oun o Abraham djas doureder oun vas an o them Negev. Yob ačas mank kol douy forya Kadesh oun Shour oun djivas an o foro Gerar.

1. Mose 20:1 ပူးပေါင်းရင်းမြစ်များ

1. Mose 10:19

Lengro tselo them djas pral pash o foro Sidon un tele pash o foro Gaza. Un ap koi rig, kai o kham pre-djala, djas lo pash o foro Gerar un dureder pash kol forja Sodom, Gomorra, Adma, un Zebojim pash o foro Lesha.

1. Mose 12:9

Pal kowa djas job dureder un was pash ko them Negev.

1. Mose 13:1

O Abram djas dran o them Egiptia: job un leskri romni un halauter hoi les his, un leskro phraleskro tchawo Lot. Un jon djan an o them Negev.

1. Mose 14:7

Koi pal rissran pen kol star bare raja trujel un wan an ko foro En-Mishpat. Kowa hi kanna Kadesh. Un jon maran i tsele menshen an ko them, kai i Amalekarja djiwan, ninna i Amorarja, kai an Hazezon-Tamar djiwan.

1. Mose 16:1

O Abrameskri romni, i Sarai, anas leske kek tchawen ap i phub. Pash late budras i budepaskretsa dran o them Egiptia. Lakro lab his Hagar.

1. Mose 16:14

Doleske kharell ko pani, kai joi his Beer-Lachai-Roi. Kowa hi tchiddo mank kol forja Kadesh un Bered.

1. Mose 16:7

Un o baro Debleskro bolepaskro hatsas lat pash i pani, hoi wella dran i phub. Ko pani his an o mulo tato them pash o drom, hoi djala an Shur.

1. Mose 18:1

Un o baro Dewel mukas pes te dikell o Abrahamestar pash kol bare ruka ‘Mamre’, har o diwes tato his un o Abraham glan peskro plachteno kheer beshdo his.

1. Mose 21:34

Un o Abraham atchas i rah tsiro an o them Filistia.

1. Mose 24:62

An ko tsiro djiwas o Isaak an o them Negev pash o pani ‘Lachai-Roi’.

1. Mose 25:18

Leskre tchawe, kai pal leste wan, djiwan an o them mashkral Hawila un Shur. Shur hi tchiddo glan o them Egiptia ap o drom, hoi djala an Assur. Jaake was tchatcho, hoi pral o Ismael penlo was: ‘Job lell peske i kotar them gar dur peskre phralendar, te choirell lo len.’

1. Mose 26:1

His i tsiro, kai was i bari bok an o them, jaake har an o Abrahameskro tsiro. Doleske djas o Isaak an o foro Gerar pash o Abimelech. Kowa his o baro rai pral i Filistarja.

1. Mose 26:20

Koi tchingran i bakrengre dran o foro Gerar ap o Isaakeskre bakrengre un penan: “Kau pani hi maro.” Koi das o Isaak koi brunna ko lab ‘Esek’.

1. Mose 26:26

Un o Abimelech was dran o foro Gerar peskro maleha Ahussat un peskro pralstuno lurdeha Pichol pash o Isaak.

1. Mose 26:6

Jaake atchas o Isaak an o foro Gerar.

Debleskri gili 29:8

Te rakrell o baro Dewel, trissell o mulo tato them. O baro Dewel mukell te trissell o mulo tato them, hoi kharella Kadesh.

2. Mose 15:22

Un i Israelitarja mukan o Baro Lolo Pani pal pende. Un o Mose anas len an o mulo tato them, hoi kharella Shur. Un jon djan triin diwessa trujel an o mulo them, un hatsan kek pani.

4. Mose 13:26

Un wan pash o Mose un o Aron un pash kol tsele Israelitarja, kai atchan an o mulo tato them Paran pash i panjeskro kotar them, hoi kharella Kadesh. Un jon penan lenge kowa, hoi jon dikan, un sikran lende kol drake, phabja un faige dran ko them.

4. Mose 20:16

Un mer dam pal o baro Debleste gole. Kowa shunas men un bitchras i bolepaskres. Un job anas men dran o them Egiptia win. Kanna ham an Kadesh, i foro gar dur tiro themestar.

5. Mose 1:19

Mer kram, hoi maro baro Dewel menge penas, un djam dureder un mukam i berga Horeb pal mende, un kram men ap o drom an o pralstuno them, kai i Amorarja djiwan. Ap maro drom hunte djam an o baro mulo them trujel, hoi jaake dareno hi, har tumer dikan, un wam pash o foro Kadesh-Barnea.

5. Mose 32:51

Tumer dui nai djan gar an o them dren doleske, kai shunan gar ap mande, har hans pash ko pani, hoi kharell Meriba-Kadesh an o mulo them Zin. Un i Israelitarja dikan, har hadan tumer man gar, un mukan man gar te sikrell, te hom me o tchatcho Dewel.

1. Samuel 15:7

Un o Saul das i Amalekarjen an o tselo them mank Hawila un Shur, hoi glan o them Egiptia tchiddo hi.