1. Mose 2:5 - O Debleskro Drom 2021 (Sinte)

⁵ Ap ko tsiro, har o baro Dewel, maro rai, i phub un o bolepen kras, his kek ruka ap i phub, witar kek senlepen. O baro Dewel, maro rai, das kek brishin ap i phub. Un his kek mensho koi, kai budras ap i phub.

O Debleskro Lab 2024 (Sinte-Manouche)

⁵ Ap ko tsiro, har o baro Devel, maro ray, i phoub oun o bolepen kras, his kek rouka ap i phoub, vitar kek zenlepen. O baro Devel, maro ray, das kek brishin ap i phoub. Oun his kek mensho koy, kay boudras ap i phoub.

1. Mose 2:5 ပူးပေါင်းရင်းမြစ်များ

1. Mose 2:6

I sapeno ducho was dran i phub un kras lauter sapenes.

1. Mose 3:23

Un o baro Dewel, maro rai, bitchras les win dran i baar ‘Eden’, te budrell job ap i hachetikri phub. Dran i tchik i phubjatar was o mensho kerdo. Un kanna hunte budrell job koi pre.

1. Mose 4:12

Te kreh tiri budi ap i hachetikri phub, well kote tchi tuke baro. Tu hunte djas trujel ap i phub. Tut wella kek them, kai khere hal.”

1. Mose 4:2

Un pal kowa anas joi i duito tchawes ap i phub. Koles das li o lab Abel. O Abel was i bakrengro. O Kain was i hacho un budras ap i hachetikri phub.

Hiob 5:10

Job dell brishin ap i phub, un mukell pani ap o them te perell.

Debleskri gili 104:14

Tu mukeh i viechenge o khass bares te well, un djob un senlepen i menshenge. Jaake anell lenge i phub lengro chapen win:

Debleskri gili 135:7

Job mukell wolke pral i phub pre te djal, dell brishin ap i phub, ninna koi jag, hoi ap o bolepen pre un tele karje dell. Job anell o baro ducho win, hoi pral i phub phurdell.

Jeremia 10:12

Job, o baro Dewel, kras i phub peskri sorjah. Dran peskro goswepen tchiwas lo i phub soreles tardo, un kras o bolepen koi pral.

Jeremia 10:13

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Jeremia 14:22

Kek dewel, koles i menshe an wawar themma an-mangenna, nai bitchrell brishin! Witar gar dell o bolepen dran peste brishin! Na-a, maro baro Dewel, tu hal kowa, kai krell sawo koowa. Doleske dikah ap tute.

Mateo 5:45

Jaake han tumer tchatchepah tchawe o baro Deblestar, kai hi tumaro dad an o bolepen. Job mukella o kham pre te djal kol tchilatchenge un kol latchenge. Un job dell brishin ap kolende, kai pal o tchatchepen djiwenna, ninna ap kolende, kai tchilatcho koowa krenna.

Hebrearja 6:7

Mer menshe ham har i phub, ap late bud kope o brishin das. O Dewel dikell latches ap koleste, kai hi har koi phub, hoi lell o brishin an peste dren, un anell latcho koowa win kolenge, kai budrenn koi.