1. Mose 2:22 - O Debleskro Drom 2021 (Sinte)

²² Un job kras i djuwjat dran ko kokalo o romestar. Un anas lat pash o romeste.

O Debleskro Lab 2024 (Sinte-Manouche)

²² Oun yob kras i djouvyat dran ko kokalo o romestar. Oun anas lat pash o romeste.

1. Mose 2:22 ပူးပေါင်းရင်းမြစ်များ

1. Mose 2:19

Un o baro Dewel, maro rai, kras dran tchik i tsele viechen ap o them un i tsele tchirklen an o bolepen. Un job anas len pash o romeste, te dikell lo, hawo lab job len della.

Debleskri gili 127:1

I gili o Salomestar te giwell ap o drom an Jerusalem. Te krell o baro Dewel gar o kheer, palle budrenn i budepangre tchitcheske. Te dell o baro Dewel gar jak ap o foro, palle hi tchitcheske, te denn mursha jak ap o foro.

Gosewe laba 18:22

Koon i romjat hatsas, hatsas i bacht. O baro Dewel dikas latches ap leste.

Gosewe laba 19:14

I kheer un lowe lell o tchawo peskro dadestar pal koleskro merepen. I romni, kai an peskro dji dikell, glan te rakrell li, well o baro Deblestar.

1. Timoteo 2:13

Hoske penau kowa? Doleske: O Adam was glan i Eva kerdo.

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.