1. Mose 2:17 - O Debleskro Drom 2021 (Sinte)

¹⁷ Kokres ko ruk, kai della goswepen, hoi hi latcho un hoi hi tchilatcho, kolestar te chas tu gar. Te chah kolestar, mereh.”

O Debleskro Lab 2024 (Sinte-Manouche)

¹⁷ Kokres ko rouk, kay della gosvepen, hoy hi lačo oun hoy hi čilačo, kolestar te rhas tou gar. Te rhah kolestar, mereh.”

1. Mose 2:17 ပူးပေါင်းရင်းမြစ်များ

1. Mose 2:9

Un o baro Dewel, maro rai, mukas bud ruka baro te well dran i phub. Kolla his shukar. Un lengre rukengre his latcho chapaske. Mashkral i baar his ko ruk tardo, kai della djipen, ninna ko ruk, kai della goswepen, hoi hi latcho un hoi hi tchilatcho.

1. Mose 20:7

Un kanna, de koi romjat pale o romeste! Job hi i Debleskro rakepaskro. Un te mangell o Abraham tuke, atcheh tu djido. Te deh lat gar pale, hunte meress un lauter, hoi tiro hi.”

1. Mose 3:11

Un o Dewel putchas lestar: “Koon penas tuke, te hal nango? Chal tu ko rukestar, kai penom tuke soreles, te chas gar lestar?”

1. Mose 3:17

Un ap o romeste penas o Dewel: “Tu shunal ap tiri romjate un chal ko rukestar, kai penom tuke: ‘Ma cha kolestar.’ Doleske well bibacht ap i hachetikri phub. Tu budress phares ap i phub, te well tut chapaske, jaake rah har djiweh.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

1. Rajengro liil 2:37

Djin, an ko diwes, kai tu djah win un nasheh pral o pani Kidron, hunte meress. An ko diwes well tiro rat pral tute.”

1. Rajengro liil 2:42

Kote bitchras o baro rai jekes pash leste, un mukas les te kharell, un penas ap leste: “Penom me tuke gar: Pash o baro Debleste dau man sowel, te djas tu gar dran o foro Jerusalem – gar kate un gar kote! Me dom tut trad un penom tuke: Tu hunte djiness, ap ko diwes, kai mukeh kau foro, hunte meress. Un tu penal ap mande: ‘Jaake hi mishto mange. Me haiwom les.’

Ezekiel 18:13

Te patsell lo lowe win, lell lo peske budeder lowe pale. Nai atchell sawo mensho djido? Na-a! Koon sawo djungelo koowa kras, hunte merell. Job hunte lell peskri phagi!

Ezekiel 18:32

Mange hi gar shukar, te hunte merell jek, penell o baro Dewel, maro rai. Doleske mukenn tumare tchilatche dromma, un djiwenn!

Ezekiel 18:4

Djinenn, man hi o djipen hakenestar an miro wast – o dadeskro djipen jaake har o tchaweskro djipen. Kokres kowa, kai anell doosh ap peste, hunte merell.

Ezekiel 33:14

Un te penau ap o tchilatcheste: Tu meress! Un job mukell peskro tchilatcho drom un krell kanna, hoi mishto un latcho hi,

Ezekiel 33:8

Te penau me ap i tchilatcheste: Tu tchilatcho, hunte meress! Palle hunte peness tu leske kowa, un dess les trad, jaake te nai djal lo peskro tchilatcho dromestar tele. Te peneh tchi, lell lo peskri phagi un hunte merell. Ap tute penau me palle: Tut hi doosh ap leskro merepen.

4. Mose 26:65

O baro Dewel penas lenge, kai jon hunte merenn an o mulo tato them. Un jaake atchan kek lendar djido har kokres o Kaleb, koleskro dad o Jefunne his, un o Josua, koleskro dad o Nun his.

Remarja 1:32

Jon djinenna, o Dewel dell kolen i phagi, kai jaake djiwenna. Un koi phagi hi o merepen. Ninna te djinenn le kowa, krenn le ko tchilatcho koowa, un sharenn kolen, kai kowa ninna krenna.

Remarja 6:16

Tumer djinenna: Koon tumaro rai hi, ap koleste hunte shunenn. Koleskre budepangre han tumer. Te shunenn tumer ap o tchilatchepen, palle hi o tchilatchepen o rai pral tumende, un tumer merenna. Te shunenn tumer ap o Debleste, palle krell lo tumen tchatcho.

Remarja 6:23

Kowa, kai krell o tchilatchepen, lell peskri phagi. Koi phagi hi o merepen. Kowa, kai patsell ap o Jesus Kristeste, maro rajeste, koles dell o Dewel tchitcheske o djipen, hoi gar pre-herella.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

1. Korintarja 15:22

Jaake har was o Adamestar, kai hunte merenn lauter, jaake well o Jesus Kristestar, te krell o Dewel len lauter djido:

1. Korintarja 15:56

O merepen lell peskri soor dran o tchilatchepen, hoi o mensho krella. Hoi tchilatcho hi, djinah mer dran o Moseskre lila, kai tchinlo hi, har te djiwas.

Galatarja 3:10

Kol wawar, kai rikrenn pen ap o Moseskre laba, un kamenn jaake tchatcho te well glan o Debleste, kolla hi tel o Debleskro praassepen. O Debleskro lab penella: Hakeno hi praassedo, koon gar lauter krella, hoi o Moseskre laba penenna. Un kek mensho hi koi, kai krell lauter, hoi o Moseskre laba penenna.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

5. Mose 27:26

“Praassedo well kowa, kai rikrell gar kal tsele tchatchepaskre laba.” Un i tsele menshe hunte penenn: Amen!

5. Mose 30:15

Dikenn, me mukau tumen kau diwes win te rodell mank o latchepen un o tchilatchepen, mank o djipen un o merepen.

5. Mose 30:19

Kau diwes dau gole ap o bolepen un ap i phub, te dikenn le: O djipen un o merepen tchiwom me glan tumende, o Debleskri bacht un i bibacht. Jaake rodenn tumenge o djipen win, te atchenn djido, tumer un kolla, kai tumendar wenna.

Kolossarja 2:13

An o phuro tsiro, har tumer an o tchilatchepen djiwan, hans mulo o Debleske, un hans gar leskre menshe. Kanna kras o Dewel tumen o Jesus Kristeha djido, un las tumari tseli doosh tumendar.

1. Timoteo 5:6

Hi wawartchandes pash i djuwjate, kolakro rom buder gar djiwella, un kai dikell ap peste kokres, te well lat i shukar djipen. Kolakro patsepen hi mulo.

Jakobo 1:15

Te shunah ap maro shero, krah mer ko tchilatcho koowa. Un te was ko tchilatcho koowa baro, anell kowa menge o merepen.

1. Johanni 5:16

Te dikeh tu, te kras i wawar patslo i tchilatcho koowa, palle hunte mangess tu o Debles leske! Un o Dewel dell les o djipen. Della ninna i doosh, hoi anell an o merepen. Un me penau gar, te mangess tu o Debles kolenge, kai koi doosh ap pende lan.

Debleskro tsiro 2:11

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, kowa merell gar o duito kopo.”

Debleskro tsiro 20:14

Un o merepen un o mulengro them wan an i bari jag witsedo, ninna hakenes, koneskro lab gar an o djipaskro liil dren tchinlo hi. Koon an i bari jag witsedo wella, merell o duito kopo.

Debleskro tsiro 20:6

Bachtele hi kolla, kai hi mank kolende, kai wenn glanstunes i mulendar djido. Jon hi o Debleskre menshe, un merenn gar o duito kopo. Jon hi i rashaja o baro Deblestar un o Jesus Kristestar. Un khetne leha hi le raja pral lauter jek sero bersh.

Debleskro tsiro 21:8

Kol wawar djan an i bari jag, hoi soreles chatchella un khandella. Kote merenn le o duito kopo. Jon hi kolla, kai i darjatar gar mantsa djan, kolla, kai phukran ap pengro patsepen, kolla, kai djungelo koowa kran, kolla, kai maran wawaren, kolla, kai lubran pen trujel, kolla, kai bengeskro koowa kran, kolla, kai mangan wawar koowa an har o Debles, un i tsele chochene.

1. Samuel 14:39

Ninna te wals kowa miro tchawo Jonatan, hunte merals lo. Kowa dau me man sowel pash o djido Debleste, kai ap o Israeleskri rig hi.” Un kek i tsele lurdendar penas tchomone.

1. Samuel 14:44

Un o Saul penas: “O Dewel nai dell man i phagi, te mukau tut te djiwell!”

1. Samuel 20:31

Jaake rah har o Isajeskro tchawo ap kai phub djiwella, jaake rah hunte daress tu tiro djipaske, un weh gar o baro rai. Kanna bitche jekes koi, te anell lo les pash mande. Job hunte merell.”

1. Samuel 22:16

“Ahimelech”, penas o baro rai, “tu hunte meress, tu un tiro dadeskro tselo kheer!”