1. Mose 19:38 - O Debleskro Drom 2021 (Sinte)

³⁸ Un i terneder tchai anas ninna i tchawes ap i phub. Koles das joi ko lab Ben-Ammi. Kolestar wenna kol menshe, kai hi kau diwes i Ammonarja.

O Debleskro Lab 2024 (Sinte-Manouche)

³⁸ Oun i terneder čay anas ninna i čaves ap i phoub. Koles das yoy ko lab Ben-Ammi. Kolestar venna kol menshe, kay hi kava dives i Ammonarya.

1. Mose 19:38 ပူးပေါင်းရင်းမြစ်များ

1. Mose 20:1

Un o Abraham djas dureder un was an o them Negev. Job atchas mank kol dui forja Kadesh un Shur un djiwas an o foro Gerar.

Debleskri gili 83:9

Ninna o Assur tchiwas pes ap lengri rig. Jon wan jek mussi i menshentsa, kai wenna pal o Lot.

Jesaja 11:14

Palle djan le khetne bari sorjah ap i Filistarja, kai kote djiwenn, kai o kham tele djal. Un khetne randenn le kolen win, kai an i themma djiwenn, kai o kham pre djal. I themma Edom un Moab lenn le dren. Un i Ammonarja hunte krenn, hoi jon penenn.

Zefanja 2:8

Me shunom, har praassan i menshe an i themma Moab un Ammon, mire menshen, un san pral lende, un kran pen bares un penan, te lenn le penge lengro them.

Zefanja 2:9

Me, o baro Dewel, kai hom o rai pral o bolepen un i phub un o Israeleskro Dewel, me dau man sowel pash miro djipen: Ko diwes wella, kai djal kol themenge Moab un Ammon har i forjenge Sodom un Gomorra. Hako tsireske wenn kal themma i mulo them, kai loneskre grube hi, un diwjo senlepen bares wella. Kolla, kai mire menshendar djido atchan, jon randenn len win, un lenn penge ninna lengro them.

5. Mose 2:19

Un tu weh pash o them, kai i Ammonarja djiwenn, kol menshe, kai wenna pal o Lot. Kolenge kress kek tchilatchepen! Un muk tut ap kek tchingepen lentsa dren. Me dau tut kek kotar lengro themestar, hoi dom lende.”

5. Mose 2:9

Un o baro Dewel penas ap mande: “Kre i menshenge an o them Moab kek tchilatchepen, un ma muk tut an i tchingepen lentsa dren! Ma bistrenn, jon hi i menshe, kai wenna pal o Lot. Lenge dom o foro Ar un ko them trujel, te djiwenn le kote. Me kamau tut tchi lengro themestar te dell.”

5. Mose 23:3

Kek mursh, koleskri dai gar romedini hi, nai well kote tumentsa khetne, kai o baro Debleskre menshe khetne wenna. Ninna leskre tchawe nai wenn gar kote, jaake rah har deesh familje jek pal i wawar djiwenna.

Čačepangre 10:6

Un i Israelitarja kran pale kowa, hoi tchilatches his glan o baro Debleskre jaka. Un jon mangan i wawar deblen an: ko debles, kai kharell Baal, un i debletsa, kai kharell Astarte, un kol deblen, kai mangenn kol menshe an, kai djiwenn an Syria, an Sidon, an Moab, an Ammon un an Filistia. Un i Israelitarja mukan o baro Debles un mangan les buder gar an.

1. Samuel 14:47

Har was o Saul o baro rai pral o Israel, djas lo an o kurepen lauterentsa, kai djiwan trul o them Israel un kaman les tele te rikrell. Kolla his i menshe dran o them Moab, Ammon un Edom, ninna i bare raja an o them Zoba, un i Filistarja. Un kai lo ninna djas, kote was lo o sorleder.