1. Mose 19:3 - O Debleskro Drom 2021 (Sinte)

³ Job mukas gar tele, te mangell lo len, bis te djan jon leha an leskro kheer. Un job kras lenge i chapen un pekas lenge maro, kai kek shutlo jarro dren hi. Un jon chan.

O Debleskro Lab 2024 (Sinte-Manouche)

³ Yob moukas gar tele, te mangell lo len, bis te djan yon leha an leskro kheer. Oun yob kras lenge i rhapen oun pekas lenge maro, kay kek shoutlo yarro dren hi. Oun yon rhan.

1. Mose 19:3 ပူးပေါင်းရင်းမြစ်များ

1. Mose 19:2

Un penas: “Mire raja, awenn an miro kheer! Me mangau tumen, atchenn i rati pash mande! Thowenn tumare herja! Un djan taissarlakro tumaro drom!” “Na-a”, penan le, “mer kamah i tseli rati win te atchell.”

1. Mose 21:8

Un ko tchawo was bareder un pijas buder gar ap i betch. Ap ko diwes, har job buder gar ap i betch pijas, kras o Abraham i baro chapen.

1. Mose 24:31

Un o Laban penas ap leste: “Am kai dren! I soor un i bacht o baro Deblestar hi ap tute tchiddo. Hoske hal tu win tardo? Me krom tuke o kheer djudjo. Un i khamelenge hi ninna platsa.”

1. Mose 26:30

Koi kras o Isaak lenge i chapen, te chan un pijan le.

2. Rajengro liil 4:8

His i diwes, kai djas o Elisa an o gab Shunem. Koi his i braweli djuwel. Koja mangas lestar, te chal job pash late. Un hako kopo, har was job an ko gab, djas job pash late un chas koi.

2. Mose 12:15

Efta diwessa chan tumer maro, kai kek shutlo jarro dren hi. Ap o ersto diwes tchiwenn tumer o shutlo jarro krik. Kowa, kai an kol efta diwessa maro chal, kai shutlo jarro dren hi, kowa well pale-tchiddo, un hunte djiwell buder gar mank i Israelitarja.

2. Mose 12:39

I Israelitarja mukan o them Egiptia jaake sik, te nai tchiwan le kek chapen penge khetne, te lan le les lentsa ap o drom. Kokres kol mare, hoi gar peklo his, lan le peha. Kolla mare, kai kek shutlo jarro dren hi, pekan le kanna.

Louka 11:8

Me penau tumenge: Job stell pre un dell les jaake bud, har ko wawares hunte well. Kowa krell lo gar doleske, kai hi o wawar leskro maal. Kowa krell lo doleske, kai mangas les o wawar jaake bud un mukas gar tele.

Louka 14:23

Un ko rai penas ap koleste: Dja win ap i dromma glan o foro un pash i burra ap o them, kai menshe beshdo hi, un pen lenge, te wenn le pash mande. Rake lenge an o dji, te wenn jaake bud menshe har djala an miro kheer!

Louka 5:29

Un o Levi kras o Jesuseske an peskro kheer i baro chapen. Un bud kolendar, kai lan i biboldendar lowe i Remarjengre rajenge dren, chan lentsa khetne. Un ninna wawar menshe his koi.

Johanni 12:2

Koi kran le leske i chapen. I Marta anas lenge ko chapen. O Lazaro his jek lendar, kai chas leha.

1. Korintarja 5:8

Un jaake har tchiwan jon ko shutlo jarro krik un chan sau maro, kai kek shutlo jarro dren his, jaake hunte djiwas mer maro newo djipen an o djudjepen un an o tchatchepen. Mer hunte mukas maro phuro djipen, un djiwas buder gar an o tchilatchepen.

2. Korintarja 5:14

O baro kamlepen, hoi o Jesus Kristo men das, bitchrell men pash i menshende. Un mer djinah, te meras jek menge, hi kowa jaake, har te merans le lauter.

Hebrearja 13:2

Te well jek pash tumende, ma bistrenn, te lenn les an tumaro kheer! His menshe koi, kai lan bolepangre an pengro kheer, un djinan les gar.

Čačepangre 6:19

Kote djas o Gideon koi, un las i terni busni, un maras lat, un kras o chapaske. Palle las lo i baro gono jarro un kras lestar mare, an kolende kek shutlo jarro his. Un o mass tchiwas lo an i kashteno tcharo. Un i summi, an kolate o mass keras, tchiwas lo an i piri. Un jaake anas lo les win pash leste tel ko baro ruk, un tchiwas les leske glan.

1. Samuel 28:24

Un koi djuwjat his i terni thulli grumni; kolat maras li sik, te krell li lenge i chapen. Palle las li jarro un kras lestar maro, kai kek shutlo jarro dren his, un pekas les.