1. Mose 19:21 - O Debleskro Drom 2021 (Sinte)

²¹ “Mishto”, penas job ap o Loteste. “Me shunau ap tute an ko koowa. Me dau i menshen an ko foro gar mulo.

O Debleskro Lab 2024 (Sinte-Manouche)

²¹ “Mishto”, penas yob ap o Loteste. “Me shounau ap toute an ko koova. Me dau i menshen an ko foro gar moulo.

1. Mose 19:21 ပူးပေါင်းရင်းမြစ်များ

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 18:24

Te hi an ko foro 50 (paash-sheel) menshe, kai krenn, hoi mishto un tchatcho hi, kameh tu kolen ninna te marell? Te hatseh kote 50 (paash-sheel) menshen, kai kek tchilatchepen kran, de o fores kek phagi!

1. Mose 19:20

Dik! Koi hi i foro gar dur. Koi nashau me, te atchap djido. Ko hi i tikno foro.”

1. Mose 19:22

Kanna naash sik kote! Me nashte krau tchi, bis te tu an ko foro hal.” Dran kowa hi o lab ko forestar Zoar.

1. Mose 4:7

Kowa hi jaake: Te kreh, hoi mishto hi, nai dikeh tu i menshen an i jaka. Te kreh, hoi gar mishto hi, hi o tchilatchepen gar dur tutar, un kamell rai pral tute te well. Tu hunte wess rai pral o tchilatchepen.”

Debleskri gili 102:17

O baro Dewel tchiwell o foro Zion pale pre, un mukell pes te dikell an peskro railepen.

Debleskri gili 145:19

Kolenge, kai o djijestar ap leste shunenna, krell lo, hoi jon mangenna, un shunell, har denn le gole, un well ap lengri rig.

Debleskri gili 34:15

Rikrenn tumen pale dran o tchilatchepen un krenn o latchepen! Tumari tseli sorjah krenn lauter, te well kek tchingepen mank tumende!

2. Mose 33:17

O baro Dewel penas ap o Moseste: “Ninna kawa, hoi tu mandar mangal, kamau me te krell. Tu hal latches glan mire jaka, me prindjrau tut un djinau tiro lab.”

Jeremia 14:10

Jaake penas o baro Dewel kal menshendar: Jon nashenn jek rigjatar ap i wawar, jaake har kamenn le. Doleske dikell o baro Dewel gar latches ap lende. Leske well an o shero, hawo tchilatcho koowa jon kran. Un lengri doshake dell job len i phagi.

Mateo 12:20

Job hi latcho ap koleste, kai hi les buder gar bud soor. Job phagell les gar har i kasht, kai hi an-phagedo. Ninna i momeli, hoi gomme i tikno kotar chatchella, krell lo gar win. Jaake hi lo, bis te hi peskro tchatchepen pral halauter tardo.

Louka 11:8

Me penau tumenge: Job stell pre un dell les jaake bud, har ko wawares hunte well. Kowa krell lo gar doleske, kai hi o wawar leskro maal. Kowa krell lo doleske, kai mangas les o wawar jaake bud un mukas gar tele.

Hebrearja 2:17

Doleske hunte was o Jesus an lauter jaake, har leskre phrala, te well les i baro dji lenge, un te well lo lenge i tchatcho baro rashai glan o Debleste, te mangell lo leskre menshenge, te lell job i doosh lendar krik.

1. Samuel 25:35

Un o David las lauter dran lakro wast, hoi joi leske anas, un penas ap late: “Dja pale khere un ma dare! Kowa, hoi tu mandar mangal, krau me jaake.”