1. Mose 19:17 - O Debleskro Drom 2021 (Sinte)

¹⁷ Har jon glan o foro his, penas ko jek bolepaskro ap o Lot: “Naash, te atchess tu djido! Ma dik pal tute! Ma atch tardo kate an kau them pash o pani Jordan! Naash ap kol berge, te wess tu gar maredo!”

O Debleskro Lab 2024 (Sinte-Manouche)

¹⁷ Har yon glan o foro his, penas ko yek bolepaskro ap o Lot: “Naash, te ačess tou djido! Ma dik pal toute! Ma ač tardo kate an kava them pash o pani Yordan! Naash ap kol berge, te vess tou gar maredo!”

1. Mose 19:17 ပူးပေါင်းရင်းမြစ်များ

1. Mose 13:10

O Lot dikas ap o tselo them pash o pani Jordan. Kowa his halauter sapeno. Bis pash o foro Zoar his ko them har o baro Debleskri baar un har o them Egiptia. Kowa his glan ko tsiro, kai kol forja Sodom un Gomorra chatchedo wan.

1. Mose 14:10

An i tala Siddim his bud chebja an i phub, kai pherdo teera his. I raja pral i forja Sodom un Gomorra pengre lurdentsa hunte nashan penge. Un bud peran an kol chebja. Un kol wawar, kai pral atchan, nashan an i berge.

1. Mose 18:22

Un kol dui mursha rissran pen trujel un djan an o foro Sodom. O baro Dewel atchas glan o Abrahameste tardo.

1. Mose 19:18

“Ach, na-a, miro Rai”, penas o Lot.

1. Mose 19:22

Kanna naash sik kote! Me nashte krau tchi, bis te tu an ko foro hal.” Dran kowa hi o lab ko forestar Zoar.

1. Mose 19:26

Un o Loteskri romni dikas pal peste. Dran late was i loneskro bar.

1. Mose 19:30

O Lot trashas, te atchell lo an o foro Zoar. Doleske djas job peskre dui tchentsa dran ko foro an i berge. Un job djiwas peskre dui tchentsa an i grotta.

1. Rajengro liil 1:12

Kanna, shun, hoi tuke penau, te nai rikress tu tiro djipen un o djipen tiro tchawestar Salomo.

1. Rajengro liil 19:3

Un har o Elija kowa shunas, tapras les i daar, un job nashas peske, te atchell lo djido. Jaake was lo an o foro Beersheba. Ko his i foro an o them Juda. Un kote mukas lo peskro budepaskres.

Debleskri gili 121:1

I gili te giwell ap o drom an Jerusalem. Me dikau pre ap i berge. Kai well kowa, kai well mange ap i rig?

Jeremia 48:6

“Nashenn tumenge sik”, kharenn le. “Nashenn tumaro djipaske! Nashenn an o mulo tato them, te djiwenn kote har i bur.”

4. Mose 16:26

Un job penas ap i tsele menshende: “Djan krik kol plachtene kherendar kol menshendar, kai shunenn gar ap o Debleste! Un taprenn ap tchi, hoi len hi, te merenn tumer gar ap ko tselo tchilatcho koowa, hoi jon kran!”

Mateo 3:7

Ninna bud Farisarja un Sadduzarja wan pash leste, te mukenn le pen lestar te taufrell. Har job kolen dikas, penas lo ap lende: “Tumer tchilatche sapa! Tumer nai nashenn gar krik glan o Debleskri choli, hoi wella pral i menshende.

Louka 12:23

O djipen hi budeder moldo har o chapen. Un o mensho hi budeder moldo har o ripen.

Louka 9:62

Ap leste penas o Jesus: “Koon kamell o Debleske te budrell, un dikell ap wawar koowa, kowa budrella gar mishto o Debleske. Job hi har i hacho, kai budrell ap peskri kotar phub, un dikell pal peste. Leskri budi hi tchi moldo.”

Hebrearja 2:3

Mer te djah gar ap o newo drom, kai lah o djipen, hoi gar pre-herella, palle wella o Debleskri choli pral mende. Kau newo drom sikras men maro rai Jesus. Un leskre laba hi o tchatchepen. Kolla, kai les shunan, penan les menge.

1. Samuel 19:11

An koi rat bitchras o Saul lurden pash o Davideskro kheer, te denn le jak, te nashell lo gar peske, un te denn le les mulo taissarlakro. Un leskri romni, i Michal, penas leske kowa un penas: “Te nasheh tu gar kai rat, palle denn le tut taissarlakro mulo.”