1. Mose 19:14 - O Debleskro Drom 2021 (Sinte)

¹⁴ Koi djas o Lot win, un penas ap kol murshende, kai romedinerenn leskre tchen: “Stenn pre! Djan sik dran kau foro! O baro Dewel kamell lauteren an kau foro temerl dell!” An lengre jaka his job har jek, kai rakrell narwelo koowa.

O Debleskro Lab 2024 (Sinte-Manouche)

¹⁴ Koy djas o Lot vin, oun penas ap kol morshende, kay romedinerenn leskre čen: “Stenn pre! Djan sik dran kava foro! O baro Devel kamell lauteren an kava foro temerl dell!” An lengre yaka his yob har yek, kay rakrell narvelo koova.

1. Mose 19:14 ပူးပေါင်းရင်းမြစ်များ

1. Mose 19:15

Sik taissarlakro penan i bolepangre ap o Lot: “Kre sik! Ste pre, le tiri romjat un tire dui tchen, kai pash tute hi! Un dja dran kau foro, te wess tu gar maredo, te lenn i menshe an kau foro pengri phagi.”

1. Mose 19:17

Har jon glan o foro his, penas ko jek bolepaskro ap o Lot: “Naash, te atchess tu djido! Ma dik pal tute! Ma atch tardo kate an kau them pash o pani Jordan! Naash ap kol berge, te wess tu gar maredo!”

1. Mose 19:22

Kanna naash sik kote! Me nashte krau tchi, bis te tu an ko foro hal.” Dran kowa hi o lab ko forestar Zoar.

2. Familjakro liil 30:10

Un i bitchepangre djan jek forestar an o wawar an o them Efrajim un Manasse, un nashan bis Sebulon. Bud kol menshendar kote sanan len win un rikran len dineleske.

2. Familjakro liil 36:16

Jon sanan o Debleskre bitchepangren win. Un leskre laba his lenge tchi moldo, un jon rikran o Debleskre rakepangre dineleske. Doleske was o baro Debleskri choli jaake phares pral peskre menshende, te nai wan le gar win lino koi dran.

2. Mose 12:31

Un o Farao mukas an kaja rat o Moses un o Arones gole te dell un penas ap lende: “Sik, mukenn kau them, tumer un i wawar Israelitarja! Djan tumenge mire menshendar krik! Djan un mangenn tumaro baro Debles an, jaake har tumer kaman.

2. Mose 9:21

Kolla, kai mukan penge kol laba, hoi o baro Dewel penas, gar an o dji te djal, kolla mukan pengre budepangren un pengre viechen win.

Gosewe laba 29:1

Koon mukell pes tchi te penell, un djal hako tsiro pal peskro shero, sawo wella ap jek kopo phagedo, un kek hi palle koi, kai hadell les pale pre.

Jesaja 28:22

Kanna, ma san buder pral mire laba, te wenn i shelle trul tumende gar gomme sorleder khetne pandlo. O baro Dewel, ko rai pral o bolepen un i phub, mukas man te djinell, te las lo pes glan, te well o merepen pral o tselo them.

Jeremia 20:7

Baro Dewel, tu rakral jaake rah ap mande dren bis te krom, hoi tu kamal. Tu hal sorleder har me. Kanna wom lenge sapaske, un hakeno sal man win.

Jeremia 43:1

Har o Jeremia i tsele menshenge halauter penas, hoi lengro baro Dewel leske penas, te penell lo lenge,

Jeremia 43:2

rakran pre-phurde mursha leha – mank lende his o Asarja, koleskro dad o Hoshaja his, un o Johanan, koleskro dad o Kareach his – un penan ap leste: Tu chocheh! Maro baro Dewel bitchras tut gar pash mende, te peness menge: “Ma djan an o them Egiptia, un ma djiwenn kote!”

Jeremia 51:6

Nashenn sik dran o foro Babilon, nashenn tumaro djipaske! te djan gar halauter tele an koi doosh, hoi kau foro ap peste anas! Kowa hi o baro Debleskro tsiro, kai dell lo i Babilonarjen ko tchilatchepen pale, hoi kolla kran.

4. Mose 16:21

“Djan kol menshendar krik, te marap len sik.”

4. Mose 16:26

Un job penas ap i tsele menshende: “Djan krik kol plachtene kherendar kol menshendar, kai shunenn gar ap o Debleste! Un taprenn ap tchi, hoi len hi, te merenn tumer gar ap ko tselo tchilatcho koowa, hoi jon kran!”

Mateo 1:18

Un jaake his kowa, har o Jesus Kristo boldo was. Leskri dai his i Maria. Lakro pirno his o Josef. Har jon gomme gar romedino his, was i Maria wawartchandes dran o Debleskro Ducho.

Mateo 9:24

penas lo: “Djan tumenge! Kai tchai meras gar. Joi sowella.” Un jon san pral leste.

Louka 24:11

Un kowa, hoi i djuwja penan, his i murshenge dinelo rakepen. Un jon patsan kol djuwjen gar.

Louka 9:42

Har o tchawo was, witsras ko beng o tchawes ap i phub, un tserdas les jek rigjatar ap i wawar. Koi das o Jesus ko benges trad, un kras o tchawes sasto, un das les peskro dadeste pale.

Bičepangre 17:32

Har shunan le, kai rakrell o Paulo pral i mursheste, kai mulo his un pale djido was, his lenge sapaske. Wawar penan: “Tu te peness menge pral ko koowa i wawar kopo budeder.”

1. Tessalonikarja 5:3

Te penenn i menshe: “Lauter hi mishto, kek kurepen hi kai, un men hunte well kek daar”, palle well i bibacht pral lende, un jon nai nashenn gar krik. Koi bibacht well pral lende jaake sik, har i duka wenn pral i djuwjate, kai lell i ternepen.