1. Mose 18:27 - O Debleskro Drom 2021 (Sinte)

²⁷ Penas o Abraham: “Shun, miro rai, me lom man khetne, te rakrap tuha, kai me tchik un tchi moldo hom.

O Debleskro Lab 2024 (Sinte-Manouche)

²⁷ Penas o Abraham: “Shoun, miro ray, me lom man khetne, te rakrap touha, kay me čik oun či moldo hom.

1. Mose 18:27 ပူးပေါင်းရင်းမြစ်များ

1. Mose 18:28

Hoi kameh te krell, te hi pantch kol 50 (paash-sheel) menshendar gar an o tchatchepen tardo? Kameh dran kol pantchende ko tselo foro te marell?” Koi penas job: “Te hatsau me 45 (star-deesh-te-pantch) menshen kote, kai an o tchatchepen tardo hi, kamau ko foro tchi te krell.”

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

1. Mose 3:19

Tu hunte budress jaake phares tiro chapaske, te nashell o pani pral tiro mui, bis te weh pale phub. Tu hal kerdo dran i tchik i phubjatar. Un tu weh pale, hoi tu hals.”

Esra 9:6

un penom: “Miro Dewel, me ladjau un trashau man, te hadap mire jaka pral pash tute, miro Dewel; mari doosh was pral maro shero, un maro tchilatchepen hi baro bis pral an o bolepen.

Hiob 30:19

Job witsras man an i tchik. Kanna hom me ninna buder tchi har tchik.

Hiob 4:19

Har bud budeder hatsell lo doosh ap kolende, kai wan dran tchik kerdo – ap kolende, kai nai wenn khetne stakedo har i kirmo.

Debleskri gili 144:3

Baro Dewel, hoi hi o mensho, tu te deh jak ap leste? Hoi hi o mensho, kai hunte merell, tu te dikeh ap leste?

Debleskri gili 8:4

Me te dikau o bolepen, hoi tu tire gushtentsa kral, o tchon un i momlia an o bolepen, hoi tu kral,

2. Mose 32:11

O Mose mangas o baro Debles, kai leskro Dewel his, un penas: “Baro Dewel, tiro sorelo wasteha anal tu tire menshen dran o them Egiptia win, un sikral tiri tseli soor. Hoske kameh tu len kanna an tiri choli temerl te dell?

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Jesaja 6:5

Un me penom: “Kanna hunte merap! Me hom i mursh, dran koleskro mui sawo rakepen djas, te nai wau me gar glan o Debleste. Un me djiwau mank menshende, dran kolengre muja ninna sawo rakepen djal. Un mire jakentsa dikom o baro rajes, les, o baro Debles, kai hi o rai pral o bolepen un i phub.”

Jesaja 64:8

Baro Dewel, muk tiri choli gar jaake bares te well, te bistress mari doosh gar buder. Dik ap mende, mangah tut, tire menshe ham halauter.

Louka 18:1

Un o Jesus penas lenge laba, kai i khatedo tchatchepen dren hi, te sikrell lo len, te hunte mangenn le o Debles hako tsiro, un te hunte mukenn le gar tele, te denn le les gole. Un job penas:

Louka 5:8

Har o Simon Petro kowa dikas, peras lo glan o Jesuseste tele ap i phub, un penas: “Dja tuke mandar, miro rai! Me hom i mursh, ap kaleste doosh hi.”