1. Mose 18:14 - O Debleskro Drom 2021 (Sinte)

¹⁴ Dell tchi, hoi o baro Dewel gar haiwella. Wawar bersh an kau tsiro, wau me pale pash tute. Koi hi lat i tchawo.”

O Debleskro Lab 2024 (Sinte-Manouche)

¹⁴ Dell či, hoy o baro Devel gar hayvella. Vavar bersh an kava tsiro, vau me pale pash toute. Koy hi lat i čavo.”

1. Mose 18:14 ပူးပေါင်းရင်းမြစ်များ

1. Mose 17:16

Un me tchiwau miri soor un miri bacht ap late. Un ninna latar dau tut i tchawes. Awa, me tchiwau miri soor ap late. Joi well i dai bud menshendar. Latar wenna jaake bud menshe, kai lendar natsjone wenna. Ninna bare raja pral bud menshende wenna latar.”

1. Mose 17:21

Kokres ko koowa, hoi me tuha win krom, te wap tumaro Dewel un te wenn tumer mire menshe, kowa djal dureder ap o Isaak. Koles leh tu tiri romjatar Sara ko wawar bersh an kau tsiro.”

1. Mose 18:10

Koi penas jek kol trinendar ap leste: “Tchatchepah, wawar bersh an kau tsiro wau me pale pash tute. Koi hi tiri romjat, i Sara, i tchawo.” Un i Sara his tardo pal leste, pal o wudar ko plachteno kherestar, un shunas lengro rakepen.

1. Mose 18:13

Koi penas o baro Dewel ap o Abrahameste: “Hoske sanas i Sara un penas: ‘Kanna, kai phuro hom, lau me i ternepen?’

1. Mose 18:15

Koi las i Sara daar un das buchoste un penas: “Me som gar!” “Na-a, tu sal”, penas o Dewel.

1. Mose 21:1

Un o baro Dewel bistras i Sara gar. Un job rikras peskro lab.

1. Mose 21:2

Un i Sara was an wawar koowa. Un joi anas o Abrahameske an leskro phurepen i tchawes ap i phub, an ko tsiro, har o Dewel lenge penas.

2. Rajengro liil 4:16

Un job penas: “Wawar bersh an kau tsiro rikreh tu i tchawo an tiri mussi.” Koi penas joi: “Ach, miro rai, tu Debleskro mursh, kre mange tchi glan!”

Hiob 36:5

O Dewel hi baro un sorelo, un dikell ap kekeste tele. Koi hi tchi, hoi haiwell un djinell job gar.

Hiob 42:2

Me haiwom kanna, te nai kreh tu halauter. Un halauter, hoi kameh te krell, kowa kreh tu ninna.

Debleskri gili 90:13

Baro Dewel, har rah kameh te choireh tut ap mende? Dik pale latches ap mende, tire budepangre!

Debleskri gili 93:1

O baro Dewel hi o baro rai. Railepen un soor hi trul leste har i ripen. Job kras i phub jaake te hi li soreles tardo.

Debleskri gili 95:3

O baro Dewel hi o pralstuno Dewel, o baro rai pral i tsele debla.

Jesaja 50:2

Hoske wom me, un kek mensho his koi, dom gole, un kek das pes glan? Hi miri mussi gar lengsto doha, te nai lap tumen gar dran o pandepen win? Hi an mande kek soor, te nai lap gar jekes win dran o wawareskro wast? Dikenn, te tchingrau me ap o baro pani, palle well lo truk i darjatar, un lengste panja wenn har o mulo them. I matchen an lende hi buder gar doha pani, un merenn i trushatar un khandenn palle.

Jeremia 32:17

Baro Dewel, miro rai, tu kral o bolepen un i phub dran tiri bari soor un tiro sorelo wasteha. Un tchi hi koi, hoi nai kreh gar.

Jeremia 32:27

Dik, me, o baro Dewel, hom o Dewel pral i tsele menshende. Dell tchomone ap i phub, hoi nai krau gar?

Daniel 6:20

Sik taissarlakro, har o kham gar pre djas, stas o baro rai pre, un djas sik pash i gruba, kai i lewe hi.

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

Zakarie 8:6

O baro Dewel, ko rai pral o bolepen un i phub, penell: “Ninna te patsenn kolla i Israelendar, kai palle pral atchan: ‘Kowa nai well gar’, krau me, te well kowa jaake. Kowa penell o baro Dewel, ko rai pral o bolepen un i phub.”

4. Mose 11:23

O baro Dewel penas ap o Moseste: “Hi miro wast gar sorelo doha, te krap, hoi penom? Tu dikess kanna: Well kowa jaake, har me tuke penom? Well kowa jaake gar?”

Mateo 14:31

O Jesus rikras leske o wast koi, tapras les, un penas ap leste: “Tiro patsepen hi tikno. Hoske patsal man gar?”

Mateo 19:26

Un o Jesus dikas ap lende, un penas: “Hoi i menshe nai gar krenna, nai krell o Dewel halauter.”

Mateo 3:9

Ma penenn: O Abraham hi maro dad! Me penau tumenge: O Dewel nai krell dran kal barra o Abrahameskre tchawen.

Markus 10:27

Koi dikas o Jesus ap lende un penas: “Kowa, hoi nashte krenn i menshe gar, kowa nai krell o Dewel. O Dewel nai krell halauter.”

Louka 1:13

Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.

Louka 1:18

O Zachari penas ap o bolepaskro: “Har nai djinau me, kai tiro tchatcho hi? Me hom i phuro mursh. Un miri romni hi ninna phuro.”

Louka 1:37

O Dewel nai krell halauter.”

Louka 8:50

Har o Jesus kowa shunas, penas lo ap ko pralstuneste: “Ma traash! Tiri tchai djiwella. Pats man!”

Remarja 4:21

Peskro tselo djijeha djinas lo, o Dewel nai krell kowa, hoi job penas.

Efesarja 3:20

Un job nai krell budeder, har mer lestar mangah, un budeder, hoi mer haiwah. Jaake bari hi leskri soor, hoi an mende kowa lauter krella. Mer lauter, kai patsah ap o Jesus Kristeste, sharas maro Debles kanna un hako tsiro. Amen.

5. Mose 30:3

palle krell tumaro baro Dewel peskro dji tumenge pre un lell tumen dran o pandepen win. Un job anell tumen pale khetne un pale pale dran i tsele themma, kai lo tumen tradas.

5. Mose 7:21

Doleske, ma dare lendar! Tumaro baro Dewel hi mashkral tumende, ko baro sorelo Dewel, glan koleste hakenes i daar taprell.

Filiparja 3:21

Kanna ham menshe, kai hunte merenna. Job krell dran mende newe menshe, kai wenn jaake har job, un merah buder gar. Jaake sorelo hi lo. Les hi koi soor, te krell lo lauter, hoi job kamella.

Filiparja 4:13

O Jesus Kristo dell man i soor, te djiwap jaake te jaake.

Hebrearja 11:19

Kolla laba wan o Abrahameske an o shero un job penas peske: O Dewel nai krell les i mulendar djido. Jaake baro his leskro patsepen ap o Debleste. Doleske das les o Dewel o tchawes pale, un job hunte maras les gar. Kowa his leske jaake, har te wals lo i mulendar djido.

Čačepangre 13:3

Un o bolepaskro o baro Deblestar mukas pes latar te dikell un penas ap late: “Tu djineh, te nai leh kek tchawen. Kanna djiness, tu weh wawartchandes un leh i mursh tchawes.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”