1. Mose 17:9 - O Debleskro Drom 2021 (Sinte)

⁹ Un o Dewel penas pale ap o Abrahameste: “Tu un tire tchawe un kolengre tchawe un lauter, kai pal tute wenna, tumer hunte krenn tumaro kotar kolestar, hoi mer win kram.

O Debleskro Lab 2024 (Sinte-Manouche)

⁹ Oun o Devel penas pale ap o Abrahameste: “Tou oun tire čave oun kolengre čave oun lauter, kay pal toute venna, t'mer hounte krenn t'maro kotar kolestar, hoy mer vin kram.

1. Mose 17:9 ပူးပေါင်းရင်းမြစ်များ

1. Mose 17:23

Un o Abraham las peskro tchawes Ismael un kol murshen, kai pash leste boldo wan un kolen, kai job i wawarendar ginas. Un tchinas len ap lengro mass. Ap kau diwes tchinas job i tsele murshen an peskro kheer, jaake har o Dewel leske penas.

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

Debleskri gili 103:18

kolenge, kai bistrenn gar, hoi job lengre phurentsa win kras, un rikrenn pen ap leskre laba.

Debleskri gili 25:10

I tsele dromma hi latcho un tchatcho, kai o baro Dewel kolen anell, kai rikrenn pen ap leskre laba un krenn, hoi job lenge penell.

2. Mose 19:5

Kanna shunenn: Te rikrenn tumer lauter, hoi me tumenge penau, un shunenn ap mire tsele laba, palle han tumer mange kutcheder har i tsele wawar menshe ap kai phub. Ninna te hi i tseli phub miro, han tumer kokres mire menshe,