1. Mose 17:7 - O Debleskro Drom 2021 (Sinte)

⁷ Kowa, hoi me tuha win krau, atchell hako tsiro mange un tuke, tire tchawenge, kolengre tchawenge un lauterenge, kai pal tute wenna. Me hom tiro Dewel un ko Dewel tire tchawendar, kai pal tute wenna.

O Debleskro Lab 2024 (Sinte-Manouche)

⁷ Kova, hoy me touha vin krau, ačell hako tsiro mange oun touke, tire čavenge, kolengre čavenge oun lauterenge, kay pal toute venna. Me hom tiro Devel oun ko Devel tire čavendar, kay pal toute venna.

1. Mose 17:7 ပူးပေါင်းရင်းမြစ်များ

1. Mose 15:18

Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

1. Mose 17:13

Tchinlo hunte well hako budepaskro, kai pash tumende boldo was un tumendar ginlo was. Ap tumaro mass dikenn tumer, kai han mire menshe. Kau koowa atchell jaake hako tsiro.

1. Mose 17:19

“Na-a”, penas o Dewel, “tiri romni, i Sara, anell tuke i tchawes ap i phub. Koles dess tu o lab Isaak. Koleske un leskre tchawenge atchell kowa, hoi me tuha win krom hako tsireske.

1. Mose 26:24

An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

1. Mose 28:13

Un o baro Dewel his tardo pral pre un penas: “Me hom o baro Dewel, ko Dewel tiro papestar Abraham un ninna o Isaakeskro Dewel. Kau them, kai tu tchiddo hal, dau tut un tire tchawen, kai pal tute wenna.

1. Mose 6:18

Tut dau miro lab, kai atcheh djido. Koi dau miro wast pre. Un tu djas tire tchawentsa un tiri romjah un tire tchawengre romjentsa an o panjeskro kheer dren.

1. Mose 9:16

Te hi miro brishineskro bogo an o bolepen tardo, dikau les, un ko lab, hoi dom, well an miro shero. Ko lab atchell tardo hako tsiro mange un hakeneske, kai djiwella ap i phub.”

2. Samuel 7:24

Tu rodal tuke kol menshen Israel win, te wenn jon tire menshe hako tsiro, un tu, baro Dewel, wal lengro Dewel.

1. Familjakro liil 16:14

O baro Dewel hi maro Dewel, un o tchatchepaskro rai pral i tseli phub.

Debleskri gili 81:10

Pash tumende hunte well kek wawar dewel, un tu mangess kek wawar debles an!

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

2. Mose 6:4

Ninna dom lende miro wast koi pre, te dap len o them Kanaan, ko them, kai jon wi-themarja his.

2. Mose 6:7

Kamau, te wenn tumer mire menshe, un me kamau tumaro Dewel te well. Un tumer dikenn un haiwenn, te hom me, o baro Dewel, tumaro Dewel, kai las tumen win dran i phari budi, hoi i Egiptarja ap tumende tchiwan.

Jesaja 61:8

Me, o baro Dewel kamau o tchatchepen, un hom chojedo pral o tchorepen un o tchilatchepen. Un tchatchepah, me dau latcho koowa i menshende an Juda ko tselo tchilatchepaske, hoi ap lende was. Un me krau lentsa win, te atchas mer mala hako tsiro. Koi pre dau miro tchatcho wast.

Jeremia 31:1

O baro Dewel penell: An ko emligo tsiro hom me o Dewel o tselo Israeleskre familjenge, un jon hi mire menshe.

Ezekiel 28:26

Un jon djiwenn an ko them, un len hunte well kek daar i wawar themendar. Jon krenn penge khera un tchiwenn drakengre ruka an i phub. Un kek nai krell lenge tchilatchepen. An ko tsiro kai dau kol themma trul lende pengri phagi, kai tele dikan ap i Israelitarja, dikenn un haiwenn i Israelitarja, te hom me o baro Dewel lengro Dewel.

3. Mose 11:45

Me hom o baro Dewel, un anom tumen dran o them Egiptia win, te wap tumaro Dewel. Kek wawar hi har me. An mande hi kek tchilatchepen. Un tumer hunte djiwenn jaake har i Debleskre menshe djiwenn.

3. Mose 25:38

Me, o baro Dewel, hom tumaro Dewel, un anom tumen dran o them Egiptia win, te dap tumen o them Kanaan, te wap tumaro Dewel.

3. Mose 26:12

Me djiwau pash tumende, un hom tumaro Dewel, un tumer han mire menshe.

3. Mose 26:44

Ninna te hi le an o them kolendar, kai lan len pandles, hi kowa gar jaake, te rissroms man krik lendar, un kamoms tchi buder lendar te djinell. Me mukau len gar lauter te merell. Miri sowel, hoi lende dom, phagau gar. Me, o baro Dewel, hom lengro Dewel.

3. Mose 26:45

Lengre phurentsa krom win, te wap lengro Dewel, har anom len dran o them Egiptia win glan i jaka kol menshendar an i wawar themma. Kowa bistrau me gar, me, o baro Dewel.

3. Mose 26:9

Me dikau latches ap tumende, un krau, te lenn bud tchawe, jaake te wenn bud. Un hoi man sowel dom, te dap tumende, rikrau dren.

Micha 7:20

Tu rikreh tiro lab, un mukeh o Jakobeskre tchawen gar. Kolenge, kai wenn pal o Abrahameste, hal tu latcho, jaake har penal kowa mare phurenge an o phuro tsiro, un dal tut sowel koi pre.

Mateo 22:32

Me hom o Abrahameskro Dewel un o Isaakeskro Dewel un o Jakobeskro Dewel. Un me penau tumenge: Job hi gar o Dewel kolenge, kai mulo hi. Na-a, job hi o Dewel i djidenge.”

Markus 10:14

Har o Jesus kowa dikas, was lo chojedo, un penas ap lende: “Mukenn kol tchawen pash mande te well! Ma rikrenn len pale! Sawe har jon, kolen das o Dewel gole, te djiwenn le khetne leha an o bolepen.

Bičepangre 2:39

O Dewel penas, te dell lo peskro Ducho tumende, un tumare tchawende, ninna kolende lauterende, kai kanna dur lestar hi, un kai job pash peste gole della.”

Remarja 9:4

Jon hi Israelitarja. Kolen rodas o Dewel win, te wenn le leskre tchawe. Lende sikras lo peskro railepen. Lentsa kras lo win, te well lo lengro Dewel un jon peskre menshe. Lende das lo peskre laba, hoi penenna, har te djiwenn le, ninna kol laba, hoi sikrenna, har te budrenn le leske an peskro kheer. Lentsa rakras lo pral o djipen un o brawlepen, hoi kamell lo len te dell an ko tsiro, hoi wella.

Efesarja 2:2

Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

5. Mose 29:13

Koi sowel djal lo gar tumentsa kokres dren, kai han kau diwes kate glan leste tardo. Na-a, ninna tumare tchawentsa, kai gomme gar boldo hi, djal lo koi sowel dren.

Hebrearja 11:16

Kowa kran le gar. Na-a. Lengro dji das gole pal i latcheder them. Kowa hi an o bolepen. Doleske ladjell o Dewel lenge gar, te penenn le: “Maro Dewel!” ap leste. Un job kras lenge i foro.

Hebrearja 8:10

Ap ko tsiro, hoi wella, penell o Dewel, rakrau pale lentsa, un anau len ap o newo drom. Me tchiwau miro tchatchepen an lengre shere, un tchinau mire laba an lengre djia. Un me hom lengro Dewel, un jon hi mire menshe.

Čačepangre 2:1

Un o baro Debleskro bolepaskro was dran o foro Gilgal pre ap koi platsa, hoi kharella Bochim, un penas: “Me lom tumen dran o them Egiptia win, un anom tumen an kau them, jaake har man sowel dom glan tumare phure dadende, te dau les tumende. Un me penom, te rikrap hako tsireske miro lab, hoi tumende dom.