1. Mose 17:6 - O Debleskro Drom 2021 (Sinte)

⁶ Me dau tut jaake bud tchawen, kai pal tute wenna, te wenn lendar natsjone. Ninna bare raja wenna tutar.

O Debleskro Lab 2024 (Sinte-Manouche)

⁶ Me dau tout yaake boud čaven, kay pal toute venna, te venn lendar natsyone. Ninna bare raya venna toutar.

1. Mose 17:6 ပူးပေါင်းရင်းမြစ်များ

1. Mose 13:16

Un me dau tut bud tchawen, kai pal tute wenna, – jaake bud har i tchik ap i phub. Kek mensho nai djinell, har bud tchik ap i phub hi. Jaake djinell nai kek, kitse menshe tutar wenna.

1. Mose 17:16

Un me tchiwau miri soor un miri bacht ap late. Un ninna latar dau tut i tchawes. Awa, me tchiwau miri soor ap late. Joi well i dai bud menshendar. Latar wenna jaake bud menshe, kai lendar natsjone wenna. Ninna bare raja pral bud menshende wenna latar.”

1. Mose 17:20

Ninna, hoi tu mandar mangal tiro tchaweske Ismael, kamau me te krell. Shun, me tchiwau miri soor un miri bacht ap leste. Un me dau les bud tchawen, te wenn lestar bud bud menshe. Job well o dad deesh-te-dui rajendar un lestar well i bari natsjona.

1. Mose 17:4

“Shun, kowa hi, hoi me tuke krau: Tu weh o dad bud menshendar. Jon wenn jaake bud, kai lendar bud natsjone wenna.

1. Mose 26:22

Un job djas dureder un kras i wawar brunna. Pral koja tchingran pen le gar. Koi das lo lat ko lab ‘Rechobot’, un penas: “Kanna das men o baro Dewel i buchlo them. Mer nai wah an kau them bud menshe un bud vieche.”

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 35:11

Un o Dewel penas ap leste: “Me hom o sorelo Dewel. Me dau tut bud tchawe. Jaake bud menshe wenna tutar, kai lendar jek bari natsjona un bud wawar natsjone wenna. Ninna bare raja hi mank tire menshende.

1. Mose 41:52

Un o duito tchawes das job ko lab Efrajim un penas: O Dewel das man tchawen an o them, kai djas mange gar mishto.

1. Mose 47:27

Un i Israelitarja djiwan an o them Egiptia, an o them Gosen, lan bud tchawe un wan bud bud menshe.

1. Mose 48:3

Un o Jakob penas ap o Josefeste: “O sorelo Dewel mukas pes mandar te dikell an o foro Lus an o them Kanaan. Un job rakras latche laba ap mande un penas:

1. Mose 48:4

‘Tchatchepah, me dau tut bud tchawen, te wenn tutar jaake bud menshe, te wenn le bud natsjone. Un kau them dau me tut un tire menshende, te well kowa tumaro hako tsireske.’”

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

3. Mose 26:9

Me dikau latches ap tumende, un krau, te lenn bud tchawe, jaake te wenn bud. Un hoi man sowel dom, te dap tumende, rikrau dren.