1. Mose 17:21 - O Debleskro Drom 2021 (Sinte)

²¹ Kokres ko koowa, hoi me tuha win krom, te wap tumaro Dewel un te wenn tumer mire menshe, kowa djal dureder ap o Isaak. Koles leh tu tiri romjatar Sara ko wawar bersh an kau tsiro.”

O Debleskro Lab 2024 (Sinte-Manouche)

²¹ Kokres ko koova, hoy me touha vin krom, te vap t'maro Devel oun te venn t'mer mire menshe, kova djal doureder ap o Isaak. Koles leh tou tiri romyatar Sara ko vavar bersh an kava tsiro.”

1. Mose 17:21 ပူးပေါင်းရင်းမြစ်များ

1. Mose 17:19

“Na-a”, penas o Dewel, “tiri romni, i Sara, anell tuke i tchawes ap i phub. Koles dess tu o lab Isaak. Koleske un leskre tchawenge atchell kowa, hoi me tuha win krom hako tsireske.

1. Mose 18:10

Koi penas jek kol trinendar ap leste: “Tchatchepah, wawar bersh an kau tsiro wau me pale pash tute. Koi hi tiri romjat, i Sara, i tchawo.” Un i Sara his tardo pal leste, pal o wudar ko plachteno kherestar, un shunas lengro rakepen.

1. Mose 18:14

Dell tchi, hoi o baro Dewel gar haiwella. Wawar bersh an kau tsiro, wau me pale pash tute. Koi hi lat i tchawo.”

1. Mose 21:1

Un o baro Dewel bistras i Sara gar. Un job rikras peskro lab.

1. Mose 46:1

Un o Israel kras pes ap o drom mit halauter, hoi les his, un was an o foro Beersheba. Un job maras viechen un chatchras len o Debleske peskro dadestar Isaak.

1. Mose 48:15

Un job rakras o Debleskri bacht win pral o Josefeste un penas: Ko Dewel, kai djas miro papo Abraham un miro dad Isaak ap leskro drom, ko Dewel, kai das garda ap mande bis kau diwes, har dell garda i bakrengro ap peskre bakre,

Hiob 14:13

Har kamoms, te khatress tu man an o mulengro them, te pandess man kote dren, bis te tiri choli trujel hi. Kamoms te mukals man jek tsiro koi, un palle woms tuke pale an o shero!

2. Mose 2:24

Un job shunas lengri gole, un bistras gar ko lab, hoi das job o Abraham, o Isaak, un o Jakob, te well lo lengro Dewel un jon peskre menshe.

2. Mose 3:6

Un pale penas lo ap o Moseste: “Me hom tiro dadeskro Dewel, un o Abrahameskro Dewel, un o Isaakeskro Dewel un o Jakobeskro Dewel.” Un o Mose tchiwas i diklo glan peskre jaka. Job daras, te dikell lo ap o Debleste.

Louka 1:55

jaake har penas lo mare phurenge, o Abrahameske un leskre tchawenge, te well lo lenge latcho hako tsireske.”

Louka 1:72

Les his i baro dji mare phurenge un bistras gar kowa, hoi job lentsa an o phuro tsiro win kras un peskro wast pre das.

Bičepangre 1:7

Koi penas o Jesus: “O tsiro, kai o dad kowa krella, hi leskro koowa. Tumer hunte djinenn kowa gar.

Remarja 9:9

jaake har das o Dewel o Abrahameste peskro lab un penas: Kau tsiro an o wawar bersh wau pale. Palle las i Sara i tchawes.

Galatarja 3:29

Te djan tumer o Jesus Kristeha, han tumer ninna o Abrahameskre tchawe. Un tumer lenn kowa, hoi o Dewel o Abrahameskre tchawende della, jaake har penas lo.

Hebrearja 11:9

Ap ko tsiro djiwan wawar menshe an ko them, hoi kamas les o Dewel te dell. Un o Abraham djas kate un kote an ko them trujel, un djiwas an plachtene khera. Ninna leskro tchawo, o Isaak, un koleskro tchawo, o Jakob, djiwan jaake. Kolenge penas o Dewel ninna: Tumende dau ko them.