1. Mose 17:14 - O Debleskro Drom 2021 (Sinte)

¹⁴ Hako mursh, kai gar tchinlo hi ap peskro mass, kowa hunte atchell buder gar djido mashkral peskre menshende. Job rikras pes gar ap kowa, hoi mer win kram.”

O Debleskro Lab 2024 (Sinte-Manouche)

¹⁴ Hako morsh, kay gar činlo hi ap peskro mass, kova hounte ačell bouder gar djido mashkral peskre menshende. Yob rikras pes gar ap kova, hoy mer vin kram.”

1. Mose 17:14 ပူးပေါင်းရင်းမြစ်များ

1. Mose 17:15

Un o Dewel penas pale ap o Abrahameste: “Tu peness buder gar Sarai ap tiri romjate. Lakro lab well kanna Sara.

1. Mose 34:14

“Mer krah nai kowa gar, te das mari phenjat i romeste, kai gar tchinlo hi. Kowa wals menge i bari ladj.

Debleskri gili 55:20

O Dewel, kai hako tsiro o Dewel hi, kowa shunell miro mangepen un stakrell len tele, kolen, kai kamenn pal pengro shero te djiwell, un kamenn lestar tchi te djinell.

2. Mose 12:15

Efta diwessa chan tumer maro, kai kek shutlo jarro dren hi. Ap o ersto diwes tchiwenn tumer o shutlo jarro krik. Kowa, kai an kol efta diwessa maro chal, kai shutlo jarro dren hi, kowa well pale-tchiddo, un hunte djiwell buder gar mank i Israelitarja.

2. Mose 12:19

Efta diwessa hunte well kek shutlo jarro an tumare khera hatslo. Hakeno, kai maro chala, kai shutlo jarro dren hi, well pale-tchiddo, un hunte djiwell buder gar mashkral i Israelitarja. Kowa nai well i wi-themari, ninna i Israelitari.

2. Mose 30:33

Koon peske sawo djet krella, nai atchell gar djido mank peskre menshende. Temerl dino well ninna kowa, kai makell jekeste, kai hi kek rashai.

2. Mose 30:38

Koon sawo koowa peske krella, te nai sungell lo o shukar sungepen, kawa nai atchell gar djido mank peskre menshende.

Jesaja 24:5

I menshe ap i phub mukan o Debleskro drom, un rikran pen gar ap leskre laba, un djiwan gar jaake, har lo lentsa win kras, un hoi hako tsireske tchatcho hi. Jaake kran le i phub pale-tchiddo.

Jesaja 33:8

I dromma hi wi-meredo, un kek djal buder gar koi. Kolla, kai win kran, te rikrenn le khetne, rikrenn gar pengro lab. Un ap kolende, kai koi pashel his, har kowa win kerdo was, well gar shunlo. I menshengro djipen hi lenge tchi moldo.

Jeremia 11:10

Jon krenn sawo tchilatcho koowa har lengre phure kran, kai glan lende his, un kaman ap mire laba witar gar te shunell, un nashan kol wawar deblen palla un mangan len an. Jaake rikran kol menshe dran o kheer Israel un dran o kheer Juda kol laba gar dren, hoi krom lengre phurentsa win.

Jeremia 31:32

Kowa hi gar har kowa, hoi lengre phurentsa win krom, har lom len pash o wast un lom len dran o them Egiptia. Kol laba, hoi lende dom, te rikrenn le pen ap lende, phagan le, ninna te hom me lenge i latcho rai.

Ezekiel 44:7

Tumer mukan wawar menshen an miro kheer dren, sawen kolengro dji gar mange hi, un kai hi gar tchinlo ap pengro mass. Jaake kran, te was miro kheer pale-tchiddo. Jon his koi pashel, har anan tumer chapen un thulepen un rat glan mande. Jaake phagan tumer, hoi mer win kram. Koi pashel well kau tselo djungelo kowa, hoi kran.

3. Mose 18:29

Hakeno, koon sau pale-tchiddo koowa krell, well infam, un nai djiwell buder gar mank peskre menshende.

3. Mose 19:8

Un koon chal kolestar, hunte hidjrell peskri doosh, hoi job koleha ap peste las. Job kras, har te wals ko viecho, hoi mange, o baro Debleske, dino was, gar feteder har hako wawar mass. Sawo mensho well pale-tchiddo un nai djiwell buder gar mank peskre menshende.

3. Mose 23:29

Hakeno, koon rikrell pes gar pale o chapastar, kowa well pale-tchiddo hako tsireske, un nai djiwell buder gar mank peskre menshende.

3. Mose 7:25

Kowa, kai chal ko thulepen sawe viechendar, kai o baro Debleske anlo wan, kowa well infam un hi buder kek Israelitari.

3. Mose 7:27

Hakeno, kai chal o rat, well infam un hi buder kek Israelitari.”

4. Mose 9:13

Koon gar pale-tchiddo hi un gar ap o drom hi, kowa hunte rikrell o Passa ap o tchatcho diwes. Te krell lo kowa gar, hunte well lo infam un atchell buder gar pash peskre menshende. Koi phagi lell lo doleske, kai was lo gar ap o tchatcho tsiro glan o baro Debleste, te anell lo leske i bakro. Leskri doosh atchell ap leste.

1. Korintarja 11:27

Koon chal ko maro, un pijell dran o rajeskro khoro jaake, te well maro rai gar sharedo, kowa anell doosh ap peste. Job kras har te wals o Jesuseskro mass un rat tchi moldo.

1. Korintarja 11:29

Koon chal ko maro, un pijell dran ko khoro, un leske hi tchi moldo, hoi o rai Jesus leske kras, kowa anell doosh ap peste un lell i phagi.