1. Mose 16:2 - O Debleskro Drom 2021 (Sinte)

² Un i Sarai penas ap o Abrameste: “Tu dikeh, o baro Dewel das man kek tchawe. Le miri budepaskretsa, un dja lah khetne! Jaake nai well man latar i tchawo.” Un o Abram shunas ap peskri romjate.

O Debleskro Lab 2024 (Sinte-Manouche)

² Oun i Saray penas ap o Abrameste: “Tou dikeh, o baro Devel das man kek čave. Le miri boudepaskretsa, oun dja lah khetne! Yaake nay vell man latar i čavo.” Oun o Abram shounas ap peskri romyate.

1. Mose 16:2 ပူးပေါင်းရင်းမြစ်များ

1. Mose 11:30

I Sarai nashte las kek tchawe.

1. Mose 17:16

Un me tchiwau miri soor un miri bacht ap late. Un ninna latar dau tut i tchawes. Awa, me tchiwau miri soor ap late. Joi well i dai bud menshendar. Latar wenna jaake bud menshe, kai lendar natsjone wenna. Ninna bare raja pral bud menshende wenna latar.”

1. Mose 18:10

Koi penas jek kol trinendar ap leste: “Tchatchepah, wawar bersh an kau tsiro wau me pale pash tute. Koi hi tiri romjat, i Sara, i tchawo.” Un i Sara his tardo pal leste, pal o wudar ko plachteno kherestar, un shunas lengro rakepen.

1. Mose 19:31

His i diwes, koi penas koi phureder tchai ap koi terneder tchate: “Maro dad hi phuro. Un kek mursha hi buder an kau them, te romedinerenn men, jaake har i tsele menshe krenna.

1. Mose 25:21

Joi nai las kek tchawe. Un o Isaak mangas o baro Deblestar peskri romjake. Un o baro Dewel shunas ap o Isaak. Un i Rebekka, leskri romni, was an wawar koowa.

1. Mose 3:12

Penas o rom: “Koi romni, kai tu man dal, koja das man ko rukestar. Un me chom.”

1. Mose 3:17

Un ap o romeste penas o Dewel: “Tu shunal ap tiri romjate un chal ko rukestar, kai penom tuke: ‘Ma cha kolestar.’ Doleske well bibacht ap i hachetikri phub. Tu budress phares ap i phub, te well tut chapaske, jaake rah har djiweh.

1. Mose 30:22

Un o Dewel bistras i Rachel gar. Job shunas ap late un kras, te well joi dai.

1. Mose 30:6

Koi penas i Rachel: “O Dewel das man miro tchatchepen. Job shunas ap miri gole un das man i tchawo.” Dran kowa das les li o lab Dan.

Debleskri gili 127:3

Tumare tchawen das o baro Dewel tumende. Hi i kutch koowa, te nai lell jek tchawe.

2. Mose 21:4

Te das les peskro rai i romjat, un les hi ninna tchawe lah, atchell i romni un i tchawe pash leskro rajeste. Job hunte djal peske kokres.

Ruth 4:11

Un i tsele mursha un phureder, kai pash o foreskro wudar his, penan: “Mer dikam kowa un djinah, jaake hi kowa. O baro Dewel krell, te well koi djuwel, kai an tiro kheer weh, har i Rachel un har i Lea. Kol dui djuwjendar was o tselo kheer Israel. Un tu wess brawelo mank tire menshende Efrat, un tiro lab well sharedo an o foro Betlehem!