1. Mose 15:7 - O Debleskro Drom 2021 (Sinte)

⁷ Un o baro Dewel penas ap leste: “Me hom o baro Dewel, kai anom tut dran o foro Ur, hoi an o them Kaldea hi. Kau them, kai tu kanna hal, dau tut, te well kowa tiro them.”

O Debleskro Lab 2024 (Sinte-Manouche)

⁷ Oun o baro Devel penas ap leste: “Me hom o baro Devel, kay anom tout dran o foro Our, hoy an o them Kaldea hi. Kava them, kay tou kanna hal, dau tout, te vell kova tiro them.”

1. Mose 15:7 ပူးပေါင်းရင်းမြစ်များ

1. Mose 12:1

O baro Dewel penas ap o Abrameste: “Dja win dran tiro them! Muk tire menshen un tiro dadeskro kheer! Un dja an ko them, hoi me sikrau tute!

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 28:4

Koi bacht un koi soor, hoi o Dewel tchiwas ap o Abrahameste, mu well ap tute un ap tire menshende! Tu leh kau them, kai tu kanna i wi-themari hal – ko them, hoi o Dewel o Abrahameste das.”

1. Mose 50:24

Un o Josef penas ap peskre phralende: “Me merau kanna. O Dewel dikella latches ap tumende, un anell tumen dran kau them win, an ko them, kai job peskro wast pre das, te dell lo les o Abrahameste, o Isaakeste un o Jakobeste.”

Debleskri gili 105:11

Job penas: “Tuke dau kau them Kanaan, kowa hi ko them, hoi tumenge well.”

Debleskri gili 105:42

Job bistras gar peskro Debleskro lab, hoi das lo peskro budepaskres, o Abraham.

Debleskri gili 105:44

Job das len o them wawar menshendar, un halauter, hoi kolen his, das lo lende, te well kowa lengro.

2. Mose 32:13

Ma biste tire budepangren, o Abraham, o Isaak un o Jakob! Kolenge dal tut sowel un penal: ‘Me mukau tumare tchawen budeder te well har i momlia an o bolepen. Kau tselo them, kai me penom, te well lo tumaro, dau tumare tchawende, te djiwenn le kote hako tsireske.’”

4. Mose 33:53

Un lenn ko them tumenge, un djiwenn kote dren. Kau them dom me tumende, te lenn kowa tumenge.

Remarja 4:13

Glan rah tsiro das o Dewel o Abrahames peskro lab, te lenn leskre tchawe i tseli phub. Ap ko tsiro penas o Dewel leske gar: Tu te kreh lauter, hoi tutar kamau, palle leh tu kowa halauter. Na-a. Job penas leske: Tu patsal ap mande, doleske hal tchatcho glan mande.

5. Mose 3:18

An ko tsiro penom i murshenge dran kol familja Ruben, Gad un Manasse: “Tumaro baro Dewel das tumen kawa them, te lenn les tumenge dren. Kanna lenn tumaro kurepaskro koowa un djan tumare phralenge, kol wawar Israelenge glan win.

5. Mose 9:5

Hi gar doleske, te wans latche menshe un tumen wals i djudjo dji, te wenn tumer an ko them, te lenn les tumenge dren. Na-a, tumaro baro Dewel tradell kol menshen win ko tchilatchepaske, hoi le kran, te rikrell job koi sowel dren, hoi lo tumare phurende, o Abrahames un o Isaakes un o Jakobes, das.