1. Mose 15:18 - O Debleskro Drom 2021 (Sinte)

¹⁸ Jaake das o baro Dewel o Abrameste ap ko diwes peskro lab, un penas: “Tire tchawen, kai tutar wenna, dau me kau them mank o lengsto pani o themestar Egiptia un o baro lengsto pani Eufrat.

O Debleskro Lab 2024 (Sinte-Manouche)

¹⁸ Yaake das o baro Devel o Abrameste ap ko dives peskro lab, oun penas: “Tire čaven, kay toutar venna, dau me kava them mank o lengsto pani o themestar Egiptia oun o baro lengsto pani Eufrat.

1. Mose 15:18 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Mose 13:15

Ko tselo them, hoi dikeh, kowa dau tut un tire tchawen, kai pal tute wenna. Ko them hi tumaro hako tsiro.

1. Mose 2:14

Un ko lab o triinto panjestar hi Tigris. Kowa nashell ap koi rig o themestar Assur, kai o kham pre djala. Un o starto pani hi o Eufrat.

1. Mose 24:7

O baro Dewel, o Dewel pral o bolepen, anas man win dran miro dadeskro kheer un miro dadeskro them, un rakras mantsa. Un das pes sowel, te dell lo mire tchawen kau them, kai kanna hom. Kowa bitchrell peskro bolepaskres glan tute, te less miro tchaweske i romjat mire menshendar.

1. Mose 26:4

O Abraham shunas ap mande un kras kowa, hoi me leske penom. Job rikras pes ap mire laba un djiwas pal miro tchatchepen. Doleske krau me, te wenn tire tchawe jaake bud har i bolepangre momlia. Un me dau len kalla tsele themma. Un koi bacht, hoi dau tire tchawende, djal dureder ap i tsele natsjone, kai ap i phub hi.”

1. Mose 28:4

Koi bacht un koi soor, hoi o Dewel tchiwas ap o Abrahameste, mu well ap tute un ap tire menshende! Tu leh kau them, kai tu kanna i wi-themari hal – ko them, hoi o Dewel o Abrahameste das.”

1. Mose 35:12

Un ko them, hoi dom o Abrahameste un o Isaakeste, dau tute ninna un tire menshende.”

1. Mose 50:24

Un o Josef penas ap peskre phralende: “Me merau kanna. O Dewel dikella latches ap tumende, un anell tumen dran kau them win, an ko them, kai job peskro wast pre das, te dell lo les o Abrahameste, o Isaakeste un o Jakobeste.”

2. Samuel 23:5

O Dewel das man peskro lab hako tsireske, un hoi lo penas hi mishto un atchell tardo. Jaake hi miro kheer soreles glan leste tardo. Lauter, hoi mange mishto hi un hoi kamau o djijestar, mukell lo mishto te djal.

2. Samuel 8:3

O David kuras pes ninna o baro rajeha pral o them Zoba. Leskro lab his Hadad-Eser, koleskro dad his o Rehob. Har o Hadad-Eser koi djas, te lell lo o them pash ko pani Eufrat pale dren, was o David peskre lurdentsa, un das les un leskre lurden.

1. Rajengro liil 5:1

Un jaake his o Salomo o baro rai pral i tsele themma, hoi hi tchiddo mank o pani Eufrat un ko them, kai i Filistarja djiwan, un tele bis pash o them Egiptia. Pral kolende his les penepaske, un jon plaissran leske rup un sonakai, jaake rah har job djiwas.

1. Familjakro liil 16:16

Kowa hi ko lab, hoi das lo o Abrahameste, koi sowel, hoi das lo o Isaakeste,

1. Familjakro liil 5:9

Un kote, kai o kham pre djala djiwan le bis an o mulo them dren, hoi pash o lengsto pani Eufrat tchiddo hi. Len his bud vieche an o tselo them Gilead.

2. Familjakro liil 7:8

Ap ko tsiro his kol bare diwessa, kai djiwenn i Israelitarja an patjengre khera. Un o Salomo khetne kol tsele Israelentsa rikran kol efta bare diwessa. His bud menshe kote khetne dran o tselo them, fun Lebo-Hamat bis pash koi tala mank Israel un Egiptia.

2. Familjakro liil 8:7

I tsele menshe, kai pral atchan kolendar, kai glan i Israelitarja an o them djiwan, un kolen i Israelitarja maran gar, kolengre tchawe, kai pal lende wan, kolen las o Salomo, te wenn le leskre budepangre, kai hunte budrenn leske. Kowa hi ninna kau diwes jaake. Jon his Amorarja, Hetarja, Perisarja, Hiwarja, un Jebusarja.

2. Familjakro liil 9:26

Un job his o baro rai pral i tsele rajende pral i themma mank o baro pani Eufrat un o them, kai i Filistarja djiwan un bis pash o them Egiptia.

Esra 4:20

Ninna his sorele bare raja an o foro Jerusalem, kai his i raja pral halauter, hoi ap i wawar rig o panjestar Eufrat djiwella, jaake kai was lenge hunte themeskre lowe dino, ninna foreskre lowe un wawar koowa.

Nehemia 9:8

Un har dikal, te rikrell lo pes ap tute peskro tselo djijeha, kral tu leha win un dal tu tiro lab, te dess leskre tchawende un kolengre tchawende, kai pal lende wenn, ko them, kai djiwenn i Kanaanitarja, un i Hetarja, un i Amorarja, un i Perisarja, un i Jebusarja, un i Girgasharja. Un tu rikral tiro lab. Tu hal tardo an o tchatchepen.

Debleskri gili 105:11

Job penas: “Tuke dau kau them Kanaan, kowa hi ko them, hoi tumenge well.”

2. Mose 13:11

Ap ko tsiro, kai anas tumen o baro Dewel an o them, har job pes glan tute un tire phurende sowel das, te dell lo les tumende, – ko them, kai kanna i Kanaanitarja djiwenna, –

2. Mose 2:24

Un job shunas lengri gole, un bistras gar ko lab, hoi das job o Abraham, o Isaak, un o Jakob, te well lo lengro Dewel un jon peskre menshe.

2. Mose 23:23

Awa, miro bolepaskro djal glan tute un anell tut an o them, kai djiwenna i Amorarja, i Hetarja, i Perisarja, i Kanaanitarja, i Hiwarja un i Jebusarja. Un me dau len temerl.

2. Mose 3:8

Me wom tele, te lap len dran o wast kol menshendar an o them Egiptia win, un anau len dran kau them win un dau len i latcho un baro them, kai hi bud thud un gwin. An ko them djiwenn kanna i Kanaanitarja, i Hetarja, i Amorarja, i Perisarja, i Hiwarja un i Jebusarja.

2. Mose 32:13

Ma biste tire budepangren, o Abraham, o Isaak un o Jakob! Kolenge dal tut sowel un penal: ‘Me mukau tumare tchawen budeder te well har i momlia an o bolepen. Kau tselo them, kai me penom, te well lo tumaro, dau tumare tchawende, te djiwenn le kote hako tsireske.’”

2. Mose 34:11

Me tradau kol Amorarja, Kanaanitarja, Hetarja, Perisarja, Hiwarja un Jebusarja dran lengro them un dau les tumende. Rikrenn kal laba, hoi me penau tumenge kau diwes!

2. Mose 34:24

Me tradau i tsele wawar menshen glan tumende krik, un krau tumaro them bareder. Jaake well kek an tumaro them, te lell lo peske i kotar them ap ko tsiro, kai djan tumer triin kope an o bersh pash tumaro baro Debleste, te wenn khetne glan leste.

2. Mose 6:4

Ninna dom lende miro wast koi pre, te dap len o them Kanaan, ko them, kai jon wi-themarja his.

2. Mose 6:8

Palle anau me tumen an ko them, koleske me miro wast dom, un man sowel dom, te dau les o Abrahameste un o Isaakeste un o Jakobeste. Kau them dau me tumende, te well lo tumaro them. Me, o baro Dewel, dau les tumende.’”

Jesaja 27:12

I tsiro wella, kai lell o baro Dewel peskre menshen khetne dran o tselo them mank o pani Eufrat un o them Egiptia. Job rodell len win har jek o tikno djob win rodell dran o phuss, jek pal o wawar.

Jesaja 55:3

Shunenn mishto, hoi penau, un awenn pash mande! Shunenn ap mande, te atchenn djido! Un me kamau tumentsa win te krell, te atchas mer mala hako tsireske. Ko latcho koowa, hoi o Davideske penom, well ap tumende.

Jeremia 32:22

Un dal tire menshen kau them, har tu tut sowel dal glan lengre phurende, te dess les lenge, – i them kai bud thud un gwin hi.

Jeremia 32:40

Un me krau lentsa win, te mukap gar tele, te krap lenge latchepen, un te dap len i dji, hoi ap mande shunell, un mukell man gar. Kau lab, hoi lentsa win krau, atchell hako tsireske.

3. Mose 26:42

palle kamau koi sowel, hoi o Jakobeske dom, gar bistrell, witar gar koi sowel, hoi o Isaakeha dren djom, un koi sowel, hoi o Abrahameha krom. Un bistrau gar, te penom lenge, te dap o them lengre tchawenge, kai pal lende wenna.

3. Mose 26:45

Lengre phurentsa krom win, te wap lengro Dewel, har anom len dran o them Egiptia win glan i jaka kol menshendar an i wawar themma. Kowa bistrau me gar, me, o baro Dewel.

4. Mose 34:5

Fun Azmon djal ko them bis pash koi tala, pal late o them Egiptia hi, un dureder bis pash o Mashkralstuno Baro Pani.

Bičepangre 7:5

O Dewel das les kek kotar phub an kau them, witar gar i tikno kotar. Un o Dewel das les peskro lab, te dell lo leskre tchawende i them. An ko tsiro his o Abrahames kek tchawo.

5. Mose 11:24

Hako kotar phub ap koleste tumare pire stakrenn, hi tumenge, o tselo them mank o mulo tato them un i berge Libanon, un mank o lengsto pani Eufrat un o Mashkralstuno Baro Pani.

5. Mose 12:20

Te dell tumaro baro Dewel – jaake har lo rakras – tumende budeder them, un tumen hi bok ap mass, palle chan mass an tumare gaba un forja, jaake bud har kamenn!

5. Mose 19:8

Te krenn tumer halauter, hoi tumenge kau diwes penau, te hunte krenn, te kamenn tumaro baro Debles o tselo djijeha un djan ap leskre dromma, palle krell tumaro baro Dewel tumaro them bareder, jaake har job pes glan tumare phurende sowel das. Ap ko tsiro, kai das lo tumen o tselo them, palle rodenn tumenge triin wawar forja win!

5. Mose 34:4

Un o baro Dewel penas ap leste: “Kawa hi o them, kolestar penom un me man sowel dom glan o Abraham, o Isaak un o Jakob, te dap kau them lengre tchawende, kai pal lende wenna. Me mukom les tut tire jakentsa te dikell. Pral wergel djas tu gar.”

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

Hebrearja 13:20

O Dewel kras i drom, te nai wah pash leste. Job kras o Jesuses, maro rajes, i mulendar djido. Kowa ratas peskro rat menge, te nai wah pash o Debleste, un djiwah hako tsiro leha khetne. O Jesus was maro baro bakrengro. Kowa dell jak ap mende, har i bakrengro dell jak ap peskre bakre.

Josua 13:3

un ko them, kai i Kanaanitarja djiwenn, mank o pani Shihor, hoi glan o them Egiptia nashell, un o foro Ekron, kai kote tchiddo hi, kai norden hi; un kol pantch forja, pral kolende pantch Filistarja i raja hi: Gaza, Ashdod, Ashkelon, Gat un Ekron; koi pashel ko them, kote kai o kham pralstunes hi, un kai i Awarja djiwenn;

Josua 15:4

un dureder bis Azmon. Fun Azmon djas ko drom bis an koi tala, pal late o them Egiptia hi, un an i tala dureder bis pash o Mashkralstuno Baro Pani. Jaake dur djas o them ap koi rig, kai o kham pralstunes tardo hi.

Debleskro tsiro 9:14

Un ko rakepen penas ap ko shobto bolepaskro, kai hi les koi phurdepaskri an o wast: “Muk kol star bolepangre te djal, kai pash o baro pani Eufrat pandlo hi! Kre lengre shelle pre!”