1. Mose 15:15 - O Debleskro Drom 2021 (Sinte)

¹⁵ Un tuke penau me: ‘Te mereh, soweh bachtelo dren. An i mishto phurepen weh tu paskedo.’

O Debleskro Lab 2024 (Sinte-Manouche)

¹⁵ Oun touke penau me: Te mereh, soveh barhtelo dren. An i mishto phourepen veh tou paskedo.

1. Mose 15:15 ပူးပေါင်းရင်းမြစ်များ

1. Mose 23:19

Pal kowa paskras o Abraham peskri romjat, i Sara, an koi grotta pash Machpela wergel Mamre. Kowa hi kanna o foro Hebron an o them Kanaan.

1. Mose 23:4

Un job penas ap lende: “Me hom mank tumende i wi-themari. Man hi kek kotar them pash tumende. Kanna mangau tumen: Denn man i kotar them pash tumende, te paskrap miri muli romjat.”

1. Mose 35:29

Un job meras un was paskedo. Les his i lengsto djipen un meras an o mishto phurepen. Un leskre tchawe, o Esau un o Jakob, paskran les.

1. Mose 47:30

Te hom mulo, an man dran o them Egiptia un paske man an o mulengro kheer mire menshendar!” “Me krau, har tu peneh”, penas o Josef.

1. Mose 49:29

Un o Jakob penas soreles ap lende: “Te wau me paskedo, paskrenn man pash mire phurende an koi grotta, hoi hi ap ko kotar phub, hoi o Hetares Efron his.

1. Mose 49:31

Kote paskran le o Abrahames un leskri romjat Sara. Kote paskran le ninna o Isaakes un leskri romjat Rebekka. Un kote paskrom miri romjat Lea.

1. Mose 50:13

Jon anan les an o them Kanaan un paskran les an i grotta ap ko kotar phub pash Mamre, hoi kharella Machpela. Ko kotar phub ginas o Abraham fun o Hetari, o Efron, te well kote leskri familja paskedo.

1. Familjakro liil 23:1

O Davides his i lengsto djipen, un his phuro, har kras lo peskro tchawes, o Salomo, o rai pral Israel.

1. Familjakro liil 29:28

Un job his i brawelo un an-diklo mursh. Les his i rah djipen. Un job meras an o mishto phurepen. Un pal leste was peskro tchawo, o Salomo, o baro rai.

2. Familjakro liil 34:28

‘Un anau kai bibacht gar pral kau foro un kolende, kai kate djiwenn, jaake rah har tu djiweh. Tu dikeh lat gar tire jakentsa. Me mukau tut an o latchepen te merell. Un tu weh paskedo an o mulengro kheer tire phurendar.’” Un kol mursha penan kal laba o baro rajeske.

Hiob 42:17

Un job meras pal i lengsto djipen.

Hiob 5:26

Un tu mereh an o latcho phurepen, jaake har o djob dren anlo well, te was leskro tsiro.

Debleskri gili 37:37

Kre jaake har kowa, kai shunell ap o Debleste peskro tselo djijeha! Un djib jaake har kowa, kai well kek doosh ap leste hatslo. Sawo mensheske djal mishto an ko tsiro, hoi wella.

Debleskri gili 49:19

Ninna te sharell lo pes pral peskro shukar djipen, un i wawar penenn leske shukar laba, te djal leske mishto,

Sikepaskro 12:7

O mensho well pale phub, kolatar job kerdo was. Un o ducho hunte djal pale pash o Debleste, kai das o duches o mensheste.

Sikepaskro 6:3

Nai well i mursh, koleske wenn sheel tchawe boldo, un job djiwell bud bersha. Te wals lo jaake phuro un wals gar bachtelo pral o latchepen an peskro djipen, un leske wals witar kek paskepen kerdo, kolestar penau me: I ternepen, kai mulo boldo was, djal feteder har leske.

Daniel 12:13

Un tu, Daniel, atch o Debleha tiro tselo djipen! Un palle sob! Te hi kai phubjakro tsiro trujel, steh tu pale pre o djipaske un leh tiro brawlepen.”

4. Mose 20:24

“O Aroneskro tsiro nashas tele, un job well gar an ko them, kai dom i Israelitarjen. Tumer shunan gar ap kowa, hoi penom pash o pani ‘Meriba’.

4. Mose 27:13

Un te dikal tu kowa, mereh tu, jaake har tiro phraal Aron ninna meras.

Mateo 22:32

Me hom o Abrahameskro Dewel un o Isaakeskro Dewel un o Jakobeskro Dewel. Un me penau tumenge: Job hi gar o Dewel kolenge, kai mulo hi. Na-a, job hi o Dewel i djidenge.”

Bičepangre 13:36

Un o David his an peskro djipen o Debleske koi. Un job meras un was paskedo pash peskre menshende. Un leskro mass ferdjas tel i phub.

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

Čačepangre 2:10

Palle meran ninna kol tsele wawar menshe, kai an kau tsiro djiwan, har o Josua djiwas. Un pal lende wan menshe, kai o baro Debles gar prindjran, witar gar kowa, hoi job i Israelenge kras.