1. Mose 15:1 - O Debleskro Drom 2021 (Sinte)

¹ Koi pal mukas o baro Dewel o Abrames leskri gole te shunell un penas ap leste: “Ma traash, Abram! Me rikrau mire wasta pral tute. Un me hom tuke i baro brawlepen.”

O Debleskro Lab 2024 (Sinte-Manouche)

¹ Koy pal moukas o baro Devel o Abrames leskri gole te shounell oun penas ap leste: “Ma traash, Abram! Me rikrau mire vasta pral toute. Oun me hom touke i baro bravlepen.”

1. Mose 15:1 ပူးပေါင်းရင်းမြစ်များ

1. Mose 15:2

Koi penas o Abram: “Miro rai, baro Dewel, hoi kameh man te dell? Man hi kek tchawe. Me te merau, lell halauter, hoi man hi, o Elijeser, ko well dran o foro Damaskus.

1. Mose 15:4

Koi penas o baro Dewel ap o Abrameste: “Na-a, kowa lell gar, hoi tiro hi. Tu weh dad i tchawestar. Un tiro tchawo lell halauter, hoi tiro hi.”

1. Mose 21:17

Un o Dewel shunas ko tchaweskri gole. Un o Debleskro bolepaskro das i Hagar gole dran o bolepen un penas ap late: “Hoi hi tut, Hagar? Ma traash! O Dewel shunas ko tchaweskri gole, kote kai job tchiddo hi.

1. Mose 22:1

Pal kau koowa kamas o Dewel te dikell, te shunell o Abraham ap leste o tselo djijeha, un penas ap leste: “Abraham!” Un job penas: “Kate hom.”

1. Mose 22:20

Pal kowa was o Abrahameske penlo: “I Milka, koi romni tiro phralestar Nahor, anas leske ninna mursh tchawen ap i phub:

1. Mose 26:24

An koi rati mukas pes o baro Dewel lestar te dikell un penas: “Me hom o Dewel tiro dadestar Abraham. Ma traash! Me hom tuha. Me tchiwau miri soor un miri bacht ap tute. Tire tchawe, kai pal tute wenna, wenna bud un budeder. Jaake dom miro lab o Abrahameste, kai mange koi his.”

1. Mose 31:7

Tumaro dad chochras man: Deesh kope kras lo miro plaissepen wawartchandes. O Dewel mukas les gar te krell lo mange tchilatchepen.

2. Samuel 22:3

Miro Dewel, tu hal kowa, pash koleste nai wau un man khatrau. Tire wasta rikreh tu pral mande. Tu hal ko sorelo ap miri rig, un hal mange har i sorelo kheer pral ap i berga. Tu kreh miro djipen sasto, un kreh, te dukrell man kek.

2. Rajengro liil 1:15

Koi penas o baro Debleskro bolepaskro ap o Elija: “Dja leha tele, un ma traash!” Un job djas leha tele pash o baro rajeste,

1. Familjakro liil 28:20

Un o David penas ap peskro tchaweste, o Salomo: “Ab sorelo, ma traash un kre tut ap i budi! Ma dare tchi un ma traash kekestar! O baro Dewel, maro rai, kai miro Dewel hi, hi pash tute un well tuke ap i rig. Un job mukell tut gar, bis te tu kai tseli budi ap o baro Debleskro kheer kral.

Debleskri gili 115:10

Tumer rashaja dran o kheer Aron, rikrenn tumen ap o baro Debleste! Job well ap tumari rig, un rikrell peskre wasta pral tumende.

Debleskri gili 119:114

Tu hal kowa, pash koleste man khatrau, un koon peskre wasta pral mande rikrella. Doleske dikau ap tiro lab, hoi tu man dal.

Debleskri gili 142:5

Dik tut trujel: Kek kamell mandar tchomone te djinell. Me nashte nashau gar mange. Kek putchell pal mande.

Debleskri gili 18:2

Un job penas: Baro Dewel, miro tselo djijestar kamau tut. Tu kreh man soreles.

Debleskri gili 27:1

I gili o Davidestar. O baro Dewel hi mange i momeli, un job hi kowa, hoi man win lella dran i wasta tchilatche menshendar. Kekestar hunte darap man. O baro Dewel rikrell man an o djipen. Kekestar hunte trashap me.

Debleskri gili 3:3

Bud penenn mandar: “O Dewel hi gar ap leskri rig.”

Debleskri gili 3:4

Tu, baro Dewel, rike tiro wast pral mande! Tu hal kowa, kai miro shero pale hadell, te hunte ladjap man gar.

Debleskri gili 5:12

Bachtele wenn kolla, kai khatrenn pen pash tute! Kolla denn gole i bachtjatar o tselo tsiro. Tu rikreh tiro wast pral lende. Doleske sanenn un giwenn le – kolla, kai tiro lab kamenna.

Debleskri gili 58:11

O dji kolendar well bachtelo, kai hi an o tchatchepen tardo, te dikenn le, kai lenn i tchilatche pengri phagi. An kolengro rat thowenn le pengre pire.

Debleskri gili 84:11

Jek diwes ap i platsa glan tiro kheer hi feteder har i serja wawar diwessa. Me kamau budeder te wap tardo pash o wudar glan tiro kheer, har te djiwap pash i tchilatchende.

Debleskri gili 84:9

Tu baro Dewel un rai pral o bolepen un i phub, shun miro mangepen! Muk les glan tute te well, tu o Jakobeskro Dewel!

Debleskri gili 91:4

Har i kachni peskre ternen tel leskre mussja khatrell, jaake khatrell o Dewel tut tel leskre sorele mussja. Kote nai djal tuke tchi. Job rikrell tut jaake har lo penas. Doleske nai well kek tchilatchepen ap tute.

2. Mose 14:13

O Mose penas ap i tsele menshende: “Ma darenn! Atchenn soreles! Dikenn har o baro Dewel tumen kau diwes win lell dran i wasta kol Egiptarendar! Kal Egiptarjen, kai tumer kau diwes dikenna, kolen dikenn tumer buder gar, witar gar an ko tsiro, hoi wella.

Gosewe laba 11:18

I tchilatcho mensho lell peske sau koowa khetne, hoi leske gar atchell. Koon an o tchatchepen peskri budi krell, lell i plaissepen, hoi atchell.

Gosewe laba 30:5

O Dewel rikrell hako lab, hoi das lo. Job rikrell peskre wasta pral kolende, kai wenn pash leste, te dell lo jak ap lende.

Jesaja 35:4

Penenn ap kolende, kolen i dareno dji hi: Awenn sorelo! Un ma darenn! Dikenn, kote hi tumaro Dewel! Job well, te dell lo tumen tumaro tchatchepen un i phagi kolende, kai kran tumenge tchilatchepen. Job well un lell tumen dran lengre wasta win.

Jesaja 40:10

Dikenn, o baro Dewel, maro rai, well bari sorjah. Un job hi o rai pral halauter. Kolen, kai job win las dran o pandepen, hi pash leste. Awa, kolen, kai job peske ginas, djan leske glan win.

Jesaja 41:10

Ma dare! Me hom tuha! Ma dik darenes! Me hom tiro Dewel! Me krau tut soreles, me wau ap tiri rig, awa, me rikrau tut miri tchatchi mussjah, hoi krell tut sorleder har i wawar.

Jesaja 41:14

Ma dare, tu kirmo Jakob, tu djuw Israel! Me, rikrau pash tute, me, o baro Dewel. Kowa, kai ginas tut win dran o wawareskro wast, hom me, o Israeleskro tchatcho Dewel.

Jesaja 43:1

Kanna penell o baro Dewel, kowa, kai tumenge, o Jakobeskre tchawenge, o djipen das, un tutar, Israel, i natsjona kras: Ma dare! Me ginom tut win! Me dom tut pash tiro lab gole, te wess mange.

Jesaja 43:5

Ma dare! Me hom tuha! Me anau kolen, kai tutar hi, khere dran i themma, kai kote hi, kai o kham pre djal, un kai o kham tele djal.

Jesaja 44:2

Kowa hi, hoi me, o baro Dewel, tuke penau: Me krom tut un dom tut o djipen har gomme gar boldo hals; me hom ap tiri rig. Ma dare, miro budepaskro Jakob, tu Israel, koles me mange win rodom!

Jesaja 44:8

Ma darenn, mire menshe! Ma trashenn! Mukom me kowa tumen gar te shunell un penom les tumenge gar glan i rah tsiro? Un tumer shunan un dikan les. Dell i wawar debles har man kokres? Dell i wawar sorelo debles, koles gar prindjrau?

Jesaja 51:12

Me hom kowa, kai latches tumentsa rakrella. Un koon hal tu, te dareh i menshendar, kai merenna, awa, kai tele merenn har o khass?

Jeremia 39:17

Tut kamau an ko tsiro win te lell dran i bibacht, penell o baro Dewel. Un tu weh kol menshenge gar an o wast dino, glan kolende tut traash hi.

Ropaskre gilja 3:24

Me penau mange: O baro Dewel hi halauter, hoi man hunte well; doleske dikau ap leste.

Ezekiel 1:1

An o 30. (triin-deshto) bersh djiwom khetne wawar menshentsa, kai pandles krik anlo wan, pash ko lengsto pani, hoi kharell Kebar. An o starto tchon ap o pantchto diwes an ko bersh djas o bolepen pre, un o baro Dewel sikras pes mande.

Ezekiel 11:24

Un an ko dikepen, hoi dikom, un hoi was o Deblestar, hadas man o ducho pre, un anas man pale pash kolende, kai pandlo krik anlo wan an o them Babilonia. Un ko dikepen, hoi dikom, djas krik.

Ezekiel 3:4

Un job penas ap mande: Tu, mensho, ste pre un dja pash o kheer Israel! Un pen lenge kol laba, hoi tuke penau!

4. Mose 12:6

Un job penas: “Shunenn mire laba! Te bitchrau me jekes pash tumende, kai penell tumenge mire laba, sikrau leste tchomone an i dikepen un rakrau leha an sunja.

4. Mose 18:20

Un o baro Dewel penas ap o Aroneste: Ap ko tsiro, kai wenn i Israelitarja an lengro them, leh tu kek kotar phub, hoi djal o dadestar ap o tchaweste dureder, jaake har kowa i wawar Israelitarja lenna. Me hom tiro, un hom tiro brawlepen.

4. Mose 24:4

Kowa penella, kai shunell o Debleskro rakepen. Me dikau, hoi o sorelo Dewel mande sikrella. Mire jaka wenn pre kerdo, te djau ap i tchanga.

Mateo 28:5

Un o bolepaskro penas ap kol djuwjende: “Ma darenn! Me djinau, te rodenn tumer o Jesuses, kai ap o trushel dino was.

Mateo 8:26

Koi penas lo: “Hoske trashenn tumer? Kai hi tumaro patsepen?” Un job stas pre, un penas ap ko sorelo ducho, hoi phurdas pral o pani: “Atch kanna!” Un ap o baro pani penas lo: “Muk tele!” Un o sorelo ducho phurdas buder gar, un o pani his buder gar diwjo.

Louka 1:13

Koi penas o bolepaskro ap leste: “Ma traash, Zachari! O Dewel shunas tut, har tu mangal lestar, te well tumen i ternepen. Tiri romni Elisabet lella i mursh tchawes. Un koles dess tu ko lab Johanni.

Louka 1:30

Un o bolepaskro penas ap late: “Ma traash, Maria! O Dewel hi tuke latcho.

Louka 12:32

Ma darenn! Kate han tumer gar bud un gar an-diklo. O Dewel, kai hi tumaro dad an o bolepen, kowa kamella, te lenn tumer leskro brawlepen un railepen.

Bičepangre 10:22

Penan le: “O Kornelio, ko pralstuno i lurdendar, bitchras men. Kowa hi i latcho mursh, un patsell ap o Debleste. I tsele bibolde rakrenn latches pral leste. I Debleskro bolepaskro penas ap leste, te lell job tut an peskro kheer, un te shunell job, hoi tu leske kameh te penell.”

1. Korintarja 3:22

o Paulo, o Apollo, o Kefas. Un tumaro hi ninna: kai phub, o djipen, o merepen, kowa, hoi kanna hi, un kowa, hoi wella. Lauter hi tumaro.

5. Mose 18:2

Kek them lenn i Levitarja an Israel har lengre phrala lenna. Kowa hoi jon lenna, hi lengri budi o baro Debleske. Job kokres dikell ap lende, te hi len lauter, hoi len hunte well. Jaake penas lo lenge.

5. Mose 31:6

Awenn soreles un ma trashenn! Ma darenn tchi un trashenn kekestar! Tumaro baro Dewel hi kowa, kai djal tumentsa. Job atchell pash tumende un mukell tumen gar kokres.

Hebrearja 1:1

An o phuro tsiro rakras o Dewel bud kope jaake te jaake ap peskre rakepangre, un bitchras len pash mare phurende, te penenn le lenge leskre laba.

Debleskro tsiro 1:17

Un har dikom les, perom glan leskre herja khetne, har woms mulo. Un job tchiwas peskro tchatcho wast ap mande, un penas: “Ma dare! Mandar was halauter. Un lauter wella pale glan mande.

Ruth 2:12

O baro Dewel mu dell tut ko latchepen pale, hoi tu lake kral! Job, o baro Dewel, ko Dewel pral o Israel, pash koleste tu wal, un tel koleskro wast tut khatral, job te dell tut i shukar brawlepen halautereske, hoi kral.”

1. Samuel 15:10

Kote penas o baro Dewel ap o Samuel:

1. Samuel 9:9

(An o phuro tsiro penas jek an Israel, te kamas lo tchomone o Deblestar te putchell: “Ab, te djas mer pash o dikepaskro!” O dikepaskro kharella kau diwes Debleskro rakepaskro.)