1. Mose 14:6 - O Debleskro Drom 2021 (Sinte)

⁶ kol menshentsa ap i berge Seir, – kolla his i Horarja. Un jon dan len bis El-Paran, hoi pash o mulo tato them tchiddo hi.

O Debleskro Lab 2024 (Sinte-Manouche)

⁶ kol menshentsa ap i berge Seir, – kolla his i Horarya. Oun yon dan len bis El-Paran, hoy pash o moulo tato them čiddo hi.

1. Mose 14:6 ပူးပေါင်းရင်းမြစ်များ

1. Mose 16:7

Un o baro Debleskro bolepaskro hatsas lat pash i pani, hoi wella dran i phub. Ko pani his an o mulo tato them pash o drom, hoi djala an Shur.

1. Mose 21:21

Un job djiwas an ko mulo tato them, hoi kharella ‘Paran’. Un leskri dai las leske i romni dran o them Egiptia.

1. Mose 32:3

Har o Jakob len dikas, penas lo: “Kate hi o Debleskri platsa.” Un das koi platsa ko lab: ‘Mahanajim’.

1. Mose 36:8

Un o Esau, djiwas ap o pralstuno them, hoi kharella Seir. O Esau hi o Edom.

1. Rajengro liil 11:18

Un jon wan an o them Midian, un djan dureder an o mulo them Paran. Un dran Paran lan le murshen pentsa, un wan an o them Egiptia pash o Farao, ko rai pral Egiptia. Kowa das o Hadadeste i kheer, chapen un i kotar phub.

Habakuk 3:3

O Dewel well dran o them Teman, dran kol berge, hoi kharenn Paran. O bolepen hi pherdo leskro railepen. Un ap i tseli phub sharenn les i menshe.

4. Mose 10:12

Un kol Israelitarja djan dran ko mulo tato them Sinai. Un koi wolka djas glan lende un atchas tardo an ko mulo tato them Paran.

4. Mose 12:16

djan le dureder, mukan Hazerot pal pende, un djiwan an o mulo tato them Paran.

4. Mose 13:3

Un o Mose kras jaake har o baro Dewel leske penas, un rodas deesh-te-dui murshen win, kai pralstune hi mank i Israelitarja, un bitchras len dran o mulo tato them Paran an o them Kanaan.

5. Mose 2:12

Ap i berge Seir djiwan glan kowa i Horarja. Un kol menshe, kai wan pal o Esau, tradan len kotar krik un dan len mulo, un djiwan palle koi, jaake har o Israel les ninna kras ko themeha, hoi les dino was o baro Deblestar.

5. Mose 2:22

Jaake kras o baro Dewel kowa ninna i menshenge, kai wan o Esaestar un djiwenn an i berge Seir. Glan lende tradas job i Horarja win, un das len kolengro them. Kote djiwenn le bis ap kau diwes.