1. Mose 14:20 - O Debleskro Drom 2021 (Sinte)

²⁰ Un sharedo well o Dewel pral halauter, kai das kolen an tire wasta, kai tuha kuran pen.” Un o Abram das les o deshto kotar halauterestar, hoi job pale anas.

O Debleskro Lab 2024 (Sinte-Manouche)

²⁰ Oun sharedo vell o Devel pral halauter, kay das kolen an tire vasta, kay touha kouran pen.” Oun o Abram das les o deshto kotar halauterestar, hoy yob pale anas.

1. Mose 14:20 ပူးပေါင်းရင်းမြစ်များ

1. Mose 14:21

Un o rai pral Sodom penas ap o Abram: “De man mire menshen pale! Ko wawar, hoi hatsal, rikreh nashte.”

1. Mose 24:27

un penas: “Sharedo well o baro Dewel, o Dewel miro rajestar Abraham. Job rikras peskro latchepen un tchatchepen gar pale miro rajestar. O baro Dewel anas man ap o drom pash o kheer miro rajeskre menshendar.”

1. Mose 28:22

Un kau bar, hoi tchiwom pre, kowa mu well i Debleskro kheer. Un halauterestar, hoi tu man deh, dau me tut o deshto kotar pale.”

1. Mose 47:24

Un te hi tumen newo djob, denn o pantchto kotar o baro rajeste! Kol wawar star kotja mu atchenn tumenge, jaake te hi tumen doha, kai nai witsrenn an i phub. Ninna hi tumen chapaske tumenge un tumare tchawenge, un kolenge, kai djiwenn an tumare khera.”

1. Mose 47:26

Jaake rakras o Josef i lab, hoi hunte rikrenn le: I tsele menshen an o them Egiptia hunte denn o pantchto kotar o baro rajeste. O rashajengro them las o baro rai gar. Jaake hi kowa gomme kau diwes.

1. Mose 9:26

Palle penas job: “Me sharau o baro Debles, ko Debles kones o Sem an-mangella. Un o Kanaan well peskro phraleskro budepaskro!

2. Samuel 18:28

O Ahimaaz das gole: “Lauter hi mishto!” Un job witsras pes glan o baro rajeste tele ap i phub ap peskro mui, un penas: “Sharedo well o baro Dewel, kai tiro Dewel hi, un das kolen an tiro wast, kai hadan pengro wast ap tute, miro baro rajeste.”

2. Familjakro liil 31:12

Kote tchiwan le kowa lauter kotar fer kotar dren: o chapen, hoi dan le har glan-tchinlo hi, un kowa, hoi o deshto kotar kolestar hi, hoi jon dren anan, un kowa hoi dan le pendar o baro Debleske. Un o pralstuno koi pral his ko Levitari, o Konanja. Un o duito his leskro phraal o Shimi.

Nehemia 10:37

Mer anah hako phureder mursh tchawes un hako vieches, hoi o phureder peskri datar hi, an maro Debleskro kheer. Ninna i grumjendar un i bakrendar anah ko phureder pash kol rashajende, kai budrenn an maro Debleskro kheer.

Nehemia 13:12

Un i tsele menshe dran Juda anan pale o deshto kotar pengro djobestar un djetestar un pengri moljatar an kol chapangre khera.

Debleskri gili 144:1

I gili o Davidestar. Sharedo well o baro Dewel, kai rikrell peskre wasta pral mande. Job sikrell mange, har te kurap man. Mire wastenge sikrell lo har te dap i chareha.

Debleskri gili 44:3

Tu tradal tiro wasteha i wawar menshen win dran lengro them, un dal ko them mare phurende. Kol wawar menshen dal tu paash, te nai djiwan mare phure an ko them.

Debleskri gili 68:19

Tu, Dewel, djal pre an o pralstunepen un lal stilde tuha. Tu lal kutch koowa kol menshendar, kai kaman tchi tutar te djinell. Tu, baro Dewel, djiweh kote.

2. Mose 18:10

Un o Jetro penas: “Me sharau o baro Debles, kai las tumen win dran o wast i Egiptarendar un dran o wast o Faraestar.

Amos 4:4

Tumer djan pash o Debleskro kheer an o foro Betel, un hadenn tumen pral o Debleste! Tumer djan an o Debleskro kheer an o foro Gilgal, un hadenn tumen ninna budeder pral o Debleste! Krenn dureder jaake: Taissarla marenn viechen o Debleske, un o wawar diwes anenn leske o deshto kotar kolestar, hoi dren anan!

Maleachi 3:10

Anenn o deshto kotar halauterestar, hoi dren lan, an miro kheer, te well doha chapen an miro kheer. Un dikenn, hoi me palle tumenge krau: Me krau miri wochni an o bolepen pre, un dau tumen bud latcho koowa, budeder har tumen hunte well. Ko penell o baro Dewel, ko rai pral o bolepen un i phub.

Maleachi 3:8

Me putchau tumendar: Hi mishto i menshestar, te tchorell lo o Deblestar har tumer mandar tchorenna? Koi pre penenn tumer: ‘Hoi kram, har tchoram tutar?’ Tumer denn man gar o deshto halauterestar, hoi dren lan, witar gar kowa, hoi hunte dans i rashajende.

4. Mose 28:26

Un ko diwes, kai anenn tumer o baro Debleske ko newo djobestar, hoi dren anlo was, ko diwes well tumenge i baro diwes, kai wenn khetne glan o baro Debleste. Kek budi hunte krenn tumer ap ko diwes.

Louka 18:12

Dui diwessa an o kurko chau me tchi, te mangap tut an. Un me dau tut o deshto kotar halauterestar, hoi dren lau.

Remarja 15:16

Job bitchras man, te budrap o Jesus Kristeske un te djap pash kolende, kai kek bibolde hi, te sikrap len o Debleskro drom. Jaake hom har i rashai, kai anell kol menshen, kai kek bibolde hi, pash o Debleste. Un o Dewel dell len peskro Ducho, te wenn le leskro. Un job dikell latches ap lende.

Efesarja 1:3

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.

5. Mose 12:17

Kolestar, hoi o baro Debleske hi, ma chan: ko deshto tumaro djobestar, moljatar un djetestar, witar gar kol grumja un bakre, hoi i phureder lengre dajendar hi, witar gar kowa koleske tumen sowel dan, un kowa hoi kamenn tumendar kokres te dell, un ko wawar koowa, hoi glan tchinlo hi.

5. Mose 14:23

An ko deshto kotar tiro djobestar, tiri moljatar un tiro djetestar glan tiro baro Debleste ap koi platsa, hoi job peske win rodella, te well lo kote an-mangedo. An leske ninna kol grumja, bakre un busja, kai hi o phureder lengre dajendar. Cha kote ko chapen un ko mass kal viechendar. Jaake bistreh gar, te djiwess tiro baro Debleha tiro tselo djipen.

5. Mose 14:28

Hako triinto bersh less o tselo deshto kotar halauterestar, hoi tu dren anal an ko bersh, un tchiwess les an tiro foro.

Josua 10:42

Un o Israeleskro baro Dewel his ap lengre rig. Jaake las o Josua kol tsele bare rajen un lengre themma ap jek kopo dren.