1. Mose 14:14 - O Debleskro Drom 2021 (Sinte)

¹⁴ Har o Abram shunas, kai leskro phraleskro tchawo pandlo un krik anlo was, kharas job peskre murshen. Les his 318 (triin-sheel-deesh-te-ochta) tchatche mursha, kai pash leste boldo wan. Kolentsa tradas job i star bare rajen un lengre lurden bis pash ko foro Dan.

O Debleskro Lab 2024 (Sinte-Manouche)

¹⁴ Har o Abram shounas, kay leskro phraleskro čavo pandlo oun krik anlo vas, kharas yob peskre morshen. Les his 318 (triin-sheel-deesh-te-orhta) čače morsha, kay pash leste boldo van. Kolentsa tradas yob i star bare rayen oun lengre lourden bis pash ko foro Dan.

1. Mose 14:14 ပူးပေါင်းရင်းမြစ်များ

1. Mose 12:16

Un doleske kras o baro rai o Abrameske latchepen. Un o Abram las bakre, grumja, burike, khamele un budepangre: mursha un djuwja.

1. Mose 12:5

Job las peskri romjat Sarai peha un peskro phraleskro tchawes Lot. Job las ninna pengro tselo koowa peha, pengre viechen un pengre budepangren, kai lengre an o foro Haran wan. Un jon tserdan win un wan an ko them Kanaan.

1. Mose 13:8

Koi penas o Abram ap o Lot: “Me kamau kek tchingepen mank mende, witar gar mank tire budepangre un mire budepangre. Mer ham phrala.

1. Mose 14:12

O Abrameskro phraleskro tchawo Lot, kai djiwas an Sodom, koles lan jon ninna peha, un leskro tselo koowa, hoi les his.

1. Mose 14:16

Un o Abram anas kowa pale, hoi tchoredo was, ninna peskro phraleskro tchawes, o Lot. Un leskro koowa anas job pale, ninna i tsele djuwjen un i tsele menshen.

1. Mose 15:3

Man dal tu kek tchawen. Un miro pralstuno budepaskro lell pal mande halauter, hoi miro hi.”

1. Mose 17:12

Hako mursh tchawo pash tumende hunte well tchinlo, te hi job ochta diwessa phuro. Krenn kowa ninna i tsele mursh tchawentsa, kai pal tumende wenna! Tchinenn ninna i mursh tchawen tumare budepangrendar: kolla, kai pash tumende boldo wan, un kolla, kai ginan wawarendar, kai gar tumare menshendar hi.

1. Mose 17:23

Un o Abraham las peskro tchawes Ismael un kol murshen, kai pash leste boldo wan un kolen, kai job i wawarendar ginas. Un tchinas len ap lengro mass. Ap kau diwes tchinas job i tsele murshen an peskro kheer, jaake har o Dewel leske penas.

1. Mose 17:27

Un i tsele mursha an leskro kheer, kai pash leste boldo wan, ninna kolla, kai i wawarendar ginlo wan, wan lentsa tchinlo.

1. Mose 18:19

Me rodom les mange win, te penell lo peskre tchawenge un kolenge, kai pal leste wenna, te rikrenn pen le ap miro drom un krenn, hoi mishto un tchatcho hi, te nai mukap me halauter ap o Abrahameste te well, hoi me leske penom.”

1. Mose 23:6

“Shun ap mende, maro rai: Tu hal i Debleskro mursh mashkral mende. Paske tiri muli romjat an o feteder mulengro kheer, hoi men hi. Hakeno mendar dals tut i kotar them, te paskress tiri romjat koi.”

1. Rajengro liil 15:20

Kote shunas o Ben-Hadad ap o baro rajeste Asa, bitchras peskre lurden pengre pralstunentsa, te kurenn le pen i forjentsa an o them Israel. Un jon lan kol forja Ijon, Dan un Abel-Bet-Maacha dren, koi pashel o tselo them Kinneret un o tselo them Naftali.

Debleskri gili 68:12

O baro Dewel penas i lab; un bud djuwja nashan un penan ko shukar koowa, hoi djas:

Gosewe laba 17:17

I maal sikrell hako tsiro pengro kamlepen. Un i phraal well boldo, te well lo tuke ap i rig an phare tsirja.

Sikepaskro 2:7

Me ginom mange budepangren, murshen un djuwjen. Un man his ninna budepangre, kai wan boldo an miro kheer. Man his budeder grumja un bakre har halauter, kai glan mande i bare raja an o foro Jerusalem his.

Jeremia 41:12

lan le i tsele murshen pash pende khetne, un djan koi, te kurenn le pen o Jishmaeleha. Jon tapran les pash ko baro pani pash o foro Gibeon.

5. Mose 34:1

Un o Mose djas dran o telstuno them, kai i Moabarja djiwenn, un djas pre ap i berga Nebo, bis pral pre ap ko pralstuno kotar, hoi kharell Pisga un hi tchiddo ap i wawar rig o forestar Jericho. Un o baro Dewel mukas les kote o tselo them te dikell: o them Gilead un dureder pre bis pash o them Dan,

1. Johanni 2:18

Tchowale, mer djiwah an ko tsiro, kai i phub buder gar rah atchella. Un tumer shunan, kai ko chocheno wella, kai hadell pes pral o Jesus Kristeste. Shunenn, bud chochene hi kanna kai, kai hadenn pen pral o Jesus Kristeste. Ap kowa dikah mer, kai i phub buder gar rah atchella.

Čačepangre 18:29

Un jon dan ko fores o lab Dan, jaake har lengro phuro dad kharas, koleskro dad o Israel his. Glan kowa kharas ko foro Lajish.

Čačepangre 20:1

Un i tsele murshenge dran Israel his mishto, te wenn le khetne glan o baro Debleste an o foro Mizpa. Jon wan dran o tselo them, hake rigjendar kotar pral, kai i menshe Dan djiwenna bis tele pash o foro Beersheba, un koi pashel dran o tselo them Gilead.

1. Samuel 30:19

Un tchi was krik, kek ternepen un kek phuro, kek tchawo, un kek tchai. Un kowa, hoi jon randan his lauter gomme koi. Un o David anas lauter pale pale.