1. Mose 14:13 - O Debleskro Drom 2021 (Sinte)

¹³ Un jek kolendar, kai peske nashas, was pash o Abrameste un penas leske halauter. O Abram his i Hebreari. An ko tsiro djiwas o Abram pash i bare ruka ko murshestar Mamre. Kowa his i Amorari. Leskre phrala his o Eshkol un o Aner. Kolla triin kran o Abrameha win, te rikrenn jon khetne, un dan pengro dadeskro wast koi pre.

O Debleskro Lab 2024 (Sinte-Manouche)

¹³ Oun yek kolendar, kay peske nashas, vas pash o Abrameste oun penas leske halauter. O Abram his i Hebreari. An ko tsiro djivas o Abram pash i bare rouka ko morshestar Mamre. Kova his i Amorari. Leskre phrala his o Eshkol oun o Aner. Kolla triin kran o Abrameha vin, te rikrenn yon khetne, oun dan pengro dadeskro vast koy pre.

1. Mose 14:13 ပူးပေါင်းရင်းမြစ်များ

1. Mose 10:16

O Kanaan was ninna o dad kol menshendar Jebus, Amor, Girgash,

1. Mose 13:18

Un o Abram djas peskre plachtene kherentsa trujel, un was pash o foro Hebron un atchas tel i bare ruka ko murshestar Mamre. Un kote kras job i chatchepaskri o baro Debleske, kai wenn vieche leske chatchedo.

1. Mose 14:24

Me rikrau tchi, kokres kowa, hoi i mursha chan. Un kol mursha, kai mantsa djan, o Aner, o Eshkol un o Mamre, kolla lenn pengro kotar peha.”

1. Mose 18:1

Un o baro Dewel mukas pes te dikell o Abrahamestar pash kol bare ruka ‘Mamre’, har o diwes tato his un o Abraham glan peskro plachteno kheer beshdo his.

1. Mose 21:24

Penas o Abraham: “Me dau man sowel koi pre.

1. Mose 21:27

Koi las o Abraham bakre un grumja, un das len o Abimeleches. Un jon dan pengro wast koi pre, kai kek o wawares chochella.

1. Mose 21:32

Jaake dan le pengro wast koi pre an Beersheba, kai kek o wawares chochella. Pal kowa djas o Abimelech un peskro pralstuno lurdo Pichol pale an ko them, kai i Filistarja djiwenna.

1. Mose 39:14

“Dikenn”, penas joi ap lende, “ko Hebreari, koles miro rom anas pash mende, kamell te krell lo dinelo koowa mentsa. Job was, te tchiwell lo pes pash mande. Un me dom bari gole.

1. Mose 40:15

Hom tchoredo dran o them, kai djiwenn i Hebrearja. Un kate krom me witar tchi, kai hunte djap an o stilepen.”

1. Mose 41:12

Un kote his pash mende i terno mursh, i Hebreari. Kowa his i budepaskro kol pralstuno lurdestar. Leske penam, hoi suni dam. Un job penas hakeneske mendar, hoi koi suni penella.

1. Mose 43:32

Un jon anan o Josefeske o chapen ap i wawar chapaskri har peskre phralenge. Ninna i Egiptarja, kai leha chan, chan ap i wawar chapaskri. I Egiptarja chan gar khetne kolentsa, kai kharenn Hebrearja. Kolla hi lenge pale-tchiddo.

Hiob 1:15

Kote peran kolla dran o them Saba pral mende, un randan i viechen un dan tire budepangren o chareha mulo. Un me nai nashom, me kokres, te nai penap kowa tuke.”

2. Mose 2:11

Har his o Mose baro, was i diwes, kai djas lo pash peskre menshende. Koi dikas job har jon phares hunte budrenn, un har das jek Egiptari i Hebreares.

2. Mose 2:6

Har joi koi korba pre kras, dikas joi i tikno tchawes, hoi rowas. Kowa khaitas lat un joi penas: “Kowa hi i hebretikro tchawo.”

2. Mose 3:18

Un i phureder shunenna ap tiro lab. Palle dja lentsa pash o baro rajeste pral o them Egiptia. Un penenn ap leste: ‘O baro Dewel, koles i Hebrearja an-mangenna, was pash mende. Kanna muk men triin diwessa dur an o mulo tato them te djal, te maras viechen maro Debleske.’”

Jeremia 34:9

kolla, kai Hebrearja hi, mursha un djuwja, jaake te hunte budrell kek jekeske peskre menshendar.

Jona 1:9

Un job penas ap lende: “Me hom i Hebreari un mangau o baro Debles an, ko Dewel pral o bolepen, kowa kai kras o baro pani un ninna o them.”

4. Mose 13:23

Un jon wan pash o pani Eshkol, un tchinan kote i kasht molengre drake tele, un hidjran kowa dujentsa ap i hidjepaskro kasht, jaake pharo hi lo. Koi pashel anan le ninna granatikre phabja un faige.

4. Mose 21:21

Un o Israel bitchras murshen pash o baro rajeste pral i Amorarja, – kowa kharas Sihon, – un mukas leske te penell:

2. Korintarja 11:22

Jon hi Hebrearja. Me hom ninna jek. Jon hi bibolde. Me hom ninna jek. Jon wenna pal o Abraham. Me ninna.

Filiparja 2:5

Djiwenn jaake, har o Jesus Kristo djiwas!

1. Samuel 29:3

Kote putchan i pralstune lurde: “Hoi krenn kal Hebrearja kai?” Un o Achish penas lenge: “Kawa hi o David. Job his i kurepaskro o Sauleske, ko rajeske pral o Israel. Glan budeder har jek bersh was lo pash mande. O tselo tsiro, har peras lo tele o Saulestar bis kanna hatsom tchi ap leste, hoi gar mishto hi.”

1. Samuel 4:12

Un i mursh dran o kheer Benjamin nashas o tselo drom fun kotar, kai o marepen his, bis pash o Shilo ap jek diwes. Job kras peskre koola paash un tchiwas tchik ap peskro shero, te sikrell lo, har leskro dji rowas.