1. Mose 13:7 - O Debleskro Drom 2021 (Sinte)

⁷ Jaake tchingran pen o Abrameskre budepangre un o Loteskre budepangre, kai dan garda ap lengre viechende. An ko tsiro djiwan ninna i Kanaanitarja un i Perisarja an ko them.

O Debleskro Lab 2024 (Sinte-Manouche)

⁷ Yaake čingran pen o Abrameskre boudepangre oun o Loteskre boudepangre, kay dan garda ap lengre firhende. An ko tsiro djivan ninna i Kanaanitarya oun i Perisarya an ko them.

1. Mose 13:7 ပူးပေါင်းရင်းမြစ်များ

1. Mose 10:19

Lengro tselo them djas pral pash o foro Sidon un tele pash o foro Gaza. Un ap koi rig, kai o kham pre-djala, djas lo pash o foro Gerar un dureder pash kol forja Sodom, Gomorra, Adma, un Zebojim pash o foro Lesha.

1. Mose 12:6

Un job djas dureder an o them un was an o foro Sichem pash ko baro ruk ‘More’. An ko tsiro djiwan i Kanaanitarja an ko them.

1. Mose 21:25

Tumendar kamau te djinell, hoske tire budepangre mari brunna krik lan.”

1. Mose 26:20

Koi tchingran i bakrengre dran o foro Gerar ap o Isaakeskre bakrengre un penan: “Kau pani hi maro.” Koi das o Isaak koi brunna ko lab ‘Esek’.

1. Mose 34:30

Koi penas o Jakob ap o Simeon un ap o Levi: “Tumer anan bibacht un ladj ap mande pash kolende, kai djiwenn an kau them: pash i Kanaanitarja un i Perisarja. Mer ham gar bud menshe. Te wenn jon lauter khetne un perenn pral mende, denn le men mulo. Un me merau miri tseli familjah.”

1. Mose 46:34

Penenn ap leste: ‘Miro rai, mer ham bakrengre fun tiknes pre, jaake har mare phure.’ Penenn kowa, te nai atchenn an o them Gosen.” Hako bakrengro hi i pale-tchiddo glan i Egiptarja.

Nehemia 5:9

Un me penom: “Gar mishto hi kowa, hoi tumer kai krenna! Tumer hunte djiwans glan o baro Debleskre jaka, un krans, hoi mishto hi, te nai praassens men kol wawar menshe gar, kai trul mende djiwenn un maro merepen kamenn.

2. Mose 2:17

Palle wan bakrengre un tradan len ap i rig. O Mose stas pre un was ap lengri rig, un das lengre bakre un busja pani te pijell.

Gosewe laba 20:3

O mursh, kai rikrell pes o tchingepastar krik, well sharedo. Kolla, kai rodenn o tchingepen, hi halauter dinele.

Markus 3:25

Un an jek kheer nai well gar dujen penepaske. Kowa djal gar.

1. Korintarja 3:3

Tumer djiwenn jaake har te prindjrenn o Jesus Kristes gar. Te hi tchingepen mank tumende, un te silwerenna, palle djiwenna jaake har i menshe, kai prindjrenn o Jesus Kristes gar.

Galatarja 5:20

Jon mangenn wawar koowa an har o Debles. Jon durkrenna. Jon kurenn pen un tchingrenn pen. Jon silwerenna, un len hi choli ap i wawarende. Jon dikenn ap pende kokres, te djal lenge mishto, un dikenn gar ap i wawarende, te djal lenge ninna mishto. Jon mukenn pengre phralen un djan wawarentsa khetne.

Kolossarja 4:5

Djiwenn tumaro djipen jaake, te dikenn i wawar, kai tumer patsle han! Rodenn i drom, te rakrenn lentsa pral o Debleste!

1. Tessalonikarja 4:12

Palle hunte lenn tumer tchi kolendar, kai hi gar patslo. Un jon rakrenn nai gar tchilatches pral tumende.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

Jakobo 3:16

Kote, kai i menshe silwerenna, un hadenn pen pre pral i wawarende, kote hi tchingepen un hako tchilatcho koowa.

Jakobo 4:1

Kai well o kurepen un o tchingepen mashkral tumende? Kowa wella dran tumare tchilatche djia. Hakeno kamell o feteder koowa peske kokres.

1. Petro 2:12

Tumer djiwenn mank i menshende, kai o Debles gar prindjrenna. Doleske djiwenn jaake, te hatsenn le kek tchilatchepen ap tumende! Un kolla, kai rakrenna djungeles pral tumende, kolla hunte dikenn o latcho koowa ap tumende, jaake te sharenn le o Debles ap ko diwes, kai job wella.