1. Mose 13:16 - O Debleskro Drom 2021 (Sinte)

¹⁶ Un me dau tut bud tchawen, kai pal tute wenna, – jaake bud har i tchik ap i phub. Kek mensho nai djinell, har bud tchik ap i phub hi. Jaake djinell nai kek, kitse menshe tutar wenna.

O Debleskro Lab 2024 (Sinte-Manouche)

¹⁶ Oun me dau tout boud čaven, kay pal toute venna, – yaake boud har i čik ap i phoub. Kek mensho nay djinell, har boud čik ap i phoub hi. Yaake djinell nay kek, kitse menshe toutar venna.

1. Mose 13:16 ပူးပေါင်းရင်းမြစ်များ

1. Mose 15:5

Un o Dewel anas les win un penas: “Dik an o bolepen! Un dik i bolepangre momlia! Nai peneh tu, har bud kolla hi? Jaake bud menshe wenna tutar.”

1. Mose 16:10

Palle penas o baro Debleskro bolepaskro ap late: “Me kamau tire tchawen, kai pal tute wenna, jaake bud te krell, kai nai djinell kek mensho, har bud jon hi.

1. Mose 17:16

Un me tchiwau miri soor un miri bacht ap late. Un ninna latar dau tut i tchawes. Awa, me tchiwau miri soor ap late. Joi well i dai bud menshendar. Latar wenna jaake bud menshe, kai lendar natsjone wenna. Ninna bare raja pral bud menshende wenna latar.”

1. Mose 17:2

Me kamau tuha win te krell, te wap tiro Dewel, un tu un tire menshe wenn mire menshe. Un me dau tut bud bud tchawe, kai pal tute wenna.”

1. Mose 17:20

Ninna, hoi tu mandar mangal tiro tchaweske Ismael, kamau me te krell. Shun, me tchiwau miri soor un miri bacht ap leste. Un me dau les bud tchawen, te wenn lestar bud bud menshe. Job well o dad deesh-te-dui rajendar un lestar well i bari natsjona.

1. Mose 17:6

Me dau tut jaake bud tchawen, kai pal tute wenna, te wenn lendar natsjone. Ninna bare raja wenna tutar.

1. Mose 18:18

Me dom les miro lab: Job well o dad jaake bud menshendar, te well lendar i bari un soreli natsjona. Un koi bacht, hoi dau leste, djal dureder ap i tsele natsjone, kai ap i phub hi.

1. Mose 21:13

Ko tchawo, koleskri dai i budepaskretsa hi, kowa well ninna o dad jaake bud menshendar, te wenn lendar i natsjona. Kowa krau doleske, kai job tiro tchawo hi.”

1. Mose 26:4

O Abraham shunas ap mande un kras kowa, hoi me leske penom. Job rikras pes ap mire laba un djiwas pal miro tchatchepen. Doleske krau me, te wenn tire tchawe jaake bud har i bolepangre momlia. Un me dau len kalla tsele themma. Un koi bacht, hoi dau tire tchawende, djal dureder ap i tsele natsjone, kai ap i phub hi.”

1. Mose 28:14

Jon wenna jaake bud har i tchik, hoi ap i phub hi. Un krau lengro them baro un buchlo ap hake rigja. Un koi bacht, hoi dau tute un tire tchawende, djal dureder ap i tsele menshende, kai ap i phub hi.

1. Mose 28:3

O sorelo Dewel tchiwell peskri soor un peskri bacht ap tute un dell tut bud tchawe, te wenn tutar bud natsjone!

1. Mose 32:12

De jak ap mande, te krell miro phraal o Esau mange tchi! Man hi daar lestar, te well lo un marell man, ninna i daja pengre tchawentsa.

1. Mose 32:13

Tu penal: ‘Tchatchepah, kamau te wap tuke latcho. Kamau te krap tire tchawen, kai pal tute wenna, jaake bud har i tikne barra pash o baro pani, kolendar kek djinell kitse jon hi.’”

1. Mose 35:11

Un o Dewel penas ap leste: “Me hom o sorelo Dewel. Me dau tut bud tchawe. Jaake bud menshe wenna tutar, kai lendar jek bari natsjona un bud wawar natsjone wenna. Ninna bare raja hi mank tire menshende.

1. Mose 46:3

Un o Dewel penas: “Me hom o Dewel, ko Dewel tiro dadestar. Ma traash te djas an o them Egiptia! Koi krau me, te wess o dad i bari natsjona.

1. Rajengro liil 3:8

Un mange dal tu kol tsele menshen an o wast, kol menshen, kai tu tuke win rodal. Jon hi jaake bud te nai djinell kek, kitse jon hi.

1. Rajengro liil 4:20

An o them Juda un Israel djiwan jaake bud menshe har santa hi pash o baro pani. Un jon chan un pijan un mukan les penge mishto te djal.

2. Rajengro liil 13:23

Un o baro Dewel his latcho ap i Israelende un kras peskro dji lenge pre un dikas kamles ap lende, jaake har job peskro lab das o Abrahameste, o Isaakeste un o Jakobeste. Un job das len gar an o merepen un witsras len gar pestar krik bis ap kau diwes.

1. Familjakro liil 21:5

Un job penas o Davideske, har bud mursha koi hi. Un an o tselo Israel his 1.100.000 (deesh-te-jek-sheel-serja) mursha, kai hidjran i charo un an Juda 470.000 (star-sheel-efta-deesh-serja) mursha.

1. Familjakro liil 27:23

O David mukas gar i laba kolendar pre te tchinell, kai his terneder har biish bersha. O baro Dewel penas bud bersha glan kowa, te krell lo i Israelitarjen jaake bud har i momlia an o bolepen.

2. Familjakro liil 1:9

Baro Dewel, miro rai, muk tiro lab tchatches te well, hoi tu penal miro dadeske, o Davideske; tu tchiwal man dren, te wom rai pral kal menshende, kai jaake bud hi, har i stauba ap kai phub hi.

Hiob 5:25

Un tu dikeh, har tire tchawe bud wenna, awa, kolla, kai pal tute wenna, wenn jaake bud har o senlepen ap i phub.

2. Mose 1:7

Lengre tchawe lan jaake bud tchawe, kai was o them pherdo lendar.

2. Mose 32:13

Ma biste tire budepangren, o Abraham, o Isaak un o Jakob! Kolenge dal tut sowel un penal: ‘Me mukau tumare tchawen budeder te well har i momlia an o bolepen. Kau tselo them, kai me penom, te well lo tumaro, dau tumare tchawende, te djiwenn le kote hako tsireske.’”

Jeremia 33:22

Kek nai penell, kitse bolepangre momlia an o bolepen hi. Un kek nai penell har bud santa pash o baro pani hi. Jaake dau miro budepaskro o Davideste jaake bud tchawe, kai pal leste wenna, te djinell kek, har bud jon hi. Un ninna krau, te wenn i Levitarja bud bud, kai mire rashaja hi.

4. Mose 23:10

Kek djinell, har bud menshe o Jakobeskre menshe hi. Awa, kek nai hatsell win, har bud serja i Israelitarja hi? Me kamau, te merap jaake har jek lendar, kol tchatche menshendar. Miro merepen mu well har lengro merepen!

5. Mose 1:10

Tumaro baro Dewel kras tumen jaake bud. Tumer han kau diwes jaake bud har kol momlia an o bolepen hi.

Hebrearja 11:12

Har o tchawo boldo was, his o Abraham ninna jaake phuro, te nai wals lo buder gar o dad i tchawestar. Un job was o dad bud bud menshendar. Leskre tchawe, tchawengre tchawe un lauter, kai pal leste wan, wan jaake bud har i bolepangre momlia, un har i tikne barra pash o baro pani, kai kek djinell, har bud kolla hi.

Debleskro tsiro 7:9

Pal kowa dikom me bud menshen, jaake bud, te nai penell kek, kitse jon hi. Kolla wenna dran hako them, haki natsjona, haki harmenatsjona un hako rakepen. Un jon his khetne tardo glan o rajeskro beshepaskro un glan ko terno bakro. Len his parne ripja ap lende un bare patria an lengre wasta.

Čačepangre 6:3

Un hako kopo, kai witsran i Israelitarja o djob an i phub, palle wan i Midianarja un i Amalekarja un wawar menshe kotar, kai o kham pre djala, un peran an o them dren.