1. Mose 13:11 - O Debleskro Drom 2021 (Sinte)

¹¹ Un o Lot rodas peske o tselo them pash o pani Jordan win. Un djas kote, kai o kham pre djala. Un hakeno djas i wawar drom:

O Debleskro Lab 2024 (Sinte-Manouche)

¹¹ Oun o Lot rodas peske o tselo them pash o pani Yordan vin. Oun djas kote, kay o kham pre djala. Oun hakeno djas i vavar drom:

1. Mose 13:11 ပူးပေါင်းရင်းမြစ်များ

1. Mose 13:10

O Lot dikas ap o tselo them pash o pani Jordan. Kowa his halauter sapeno. Bis pash o foro Zoar his ko them har o baro Debleskri baar un har o them Egiptia. Kowa his glan ko tsiro, kai kol forja Sodom un Gomorra chatchedo wan.

1. Mose 13:12

O Abram djiwas an o them Kanaan. Un o Lot djiwas an kol forja pash o pani Jordan, un tchiwas peskre plachtene khera pre bis pash o foro Sodom.

1. Mose 13:14

Har o Lot peske djas, penas o baro Dewel ap o Abrameste: “Dik tut trujel un dik kote, kai tardo hal, ap haki rig: serwes, tchatches, glan tute un pal tute!

1. Mose 13:9

Rode tuke win, hawo them tu kameh. Un dja tuke mandar! Kameh tu serwes te djal, djau me tchatches. Un te kameh tu tchatches te djal, djau me serwes.”

1. Mose 19:17

Har jon glan o foro his, penas ko jek bolepaskro ap o Lot: “Naash, te atchess tu djido! Ma dik pal tute! Ma atch tardo kate an kau them pash o pani Jordan! Naash ap kol berge, te wess tu gar maredo!”

Debleskri gili 119:63

Me rikrau man pash kolende, kai djiwenn tuha un krenn, hoi tu peneh.

Debleskri gili 16:3

I Debleskre menshe an o them hi railo. Jon krenn miro dji bachteles.

Gosewe laba 27:10

Ma muk tiro males, witar gar tiro dadeskro males! Te djal tuke djungeles, ma dja an o kheer tiro phralestar. Hi feteder, te djas pash jekeste, kai gar dur tutar djiwell, har pash tiro phraleste, kai dur tutar krik djiwell.

Ezekiel 47:18

Un koi rig o themestar Israel djal fun kotar, kai o kham pre djal, mashkral o foro Hauran un o foro Damaskus dureder langs o lengsto pani Jordan bis tele pash o Londo Baro Pani. O Jordan nashell mank o them Israel un o them Gilead. Pash o Londo Baro Pani djal o them Israel bis pash o foro Tamar. Jaake dur djal o them Israel ap koi rig, kai o kham pre djal.

Hebrearja 10:25

Das jak, te atchas gar krik, te wenn i patsle khetne. Hi sawe mashkral i patslende, kai wenn buder gar khetne. Kowa hi gar mishto. Tumer dikenna, te hi o diwes gar dur, kai well o rai Jesus pale. Doleske djan kote, kai wenn i patsle khetne, te krell jek o wawares soreles an o dji.

1. Petro 2:17

Awenn latches ap hako mensheste! Kamenn i patslen o djijestar! Sharenn o Debles, un krenn, hoi job kamella! Shunenn ap o baro rajeste pral o them!