1. Mose 13:10 - O Debleskro Drom 2021 (Sinte)

¹⁰ O Lot dikas ap o tselo them pash o pani Jordan. Kowa his halauter sapeno. Bis pash o foro Zoar his ko them har o baro Debleskri baar un har o them Egiptia. Kowa his glan ko tsiro, kai kol forja Sodom un Gomorra chatchedo wan.

O Debleskro Lab 2024 (Sinte-Manouche)

¹⁰ O Lot dikas ap o tselo them pash o pani Yordan. Kova his halauter sapeno. Bis pash o foro Soar his ko them har o baro Debleskri baar oun har o them Egiptia. Kova his glan ko tsiro, kay kol forya Sodom oun Gomorra rhačedo van.

1. Mose 13:10 ပူးပေါင်းရင်းမြစ်များ

1. Mose 11:27

Kowa hi ko liil, kai tchinlo hi i laba kol menshendar, kai wan pal o Terach. O Terach: Leskre tchawe his o Abram, o Nahor un o Haran. O Haran las i tchawo, o Lot.

1. Mose 13:11

Un o Lot rodas peske o tselo them pash o pani Jordan win. Un djas kote, kai o kham pre djala. Un hakeno djas i wawar drom:

1. Mose 13:9

Rode tuke win, hawo them tu kameh. Un dja tuke mandar! Kameh tu serwes te djal, djau me tchatches. Un te kameh tu tchatches te djal, djau me serwes.”

1. Mose 14:2

Kol pantch forjengre raja his: o Bera, ko rai pral o foro Sodom, o Birsha, ko rai pral o foro Gomorra, o Shinab, ko rai pral o foro Adma, o Shemeber, ko rai pral o foro Zebojim, o rai pral o foro Bela. Kowa hi kanna o foro Zoar.

1. Mose 14:8

Kanna djan kol pantch raja pral i forja Sodom, Gomorra, Adma, Zebojim un Bela dran i forja win. Bela kharella kanna Zoar. Un jon djan pengre lurdentsa an i tala Siddim.

1. Mose 3:6

Un koi romni dikas ap ko ruk un penas ap peste: “Mishto wals, te chaus ko rukestar. Shukar hi lo! Un mishto wals, te waus gosewo.” Un joi las o rukestar, chas un das ninna peskro romeste, kai pash late his. Un job chas ninna.

1. Mose 47:6

O them Egiptia hi ninna tuke koi. Rode tiro dadeske un tire phralenge o feteder kotar them win, te djiwenn le kote! Muk len te djiwell an o them Gosen! Un te dikeh, kai hi mursha mank lende, kai krenn pengri budi mishto, kre te wenn le pralstune pral mire viechende.”

1. Mose 6:2

Koi dikan i Debleskre tchawe, har shukar i menshengre tcha hi. Un jon lan penge kolen, kai jon kaman, te romedinerenn jon len.

1. Rajengro liil 7:46

O baro rai mukas ko lolo saster tato te krell, un an phubjengre forme te tchorell an o telstuno them pash o pani Jordan mank kol forja Sukkot un Zaretan.

Hiob 40:23

Ninna te well ko lengsto pani sorleder un diwjeder, nashell lo gar darenes krik. Ninna te dell o pani Jordan leske an o mui, krell leske kowa tchi.

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Jesaja 15:5

Miro dji rowell pral o them Moab; lengre menshe nashenn penge jaake dur har o foro Zoar, jaake dur har Eglat-Shelishija. Hi sawe, kai djan pre ap o drom an Luhit o ropah. Wawar djan ap o drom an Horonajim, un denn bari gole i dukatar.

Jesaja 51:3

O baro Dewel khossell i swa i menshendar an o foro Zion, un tchiwell o tele phagedo foro pale pre. Job krell, te well o mulo tato them har i baar Eden, un o diwjo truk them har o baro Debleskri baar. Kote sanenn un stenn le, parkrenn pen pash o Debleste un giwenn leske.

Jeremia 48:34

Kolla golja i menshendar dran o foro Heshbon wenn shunlo bis pash i forja Elale un Jahaz. Un koi gole dran o foro Zoar djal bis pash o foro Horonajim un o gab Eglat-Shelishija; Ninna kol panja pash Nimrim hidjrenn buder kek pani an pende.

Ezekiel 16:46

Tiri phureder pheen hi i Samaria peskre tchentsa, kolla ap i serwi rig tutar djiwenn. Un tiri tikni pheen, hoi ap i tchatchi rig tutar djiwell, hi i Sodom peskre tchentsa.

Ezekiel 16:49

Koi doosh tiri phenjatar Sodom his kaja: Joi his pre-phurdo. Lat his budeder har doha chapen un djiwas pengre tchentsa i shukar djipen. Kol tchorwelenge un kolenge, kai tele rikede wan, wan le gar ap i rig.

Ezekiel 28:13

Tut his i shukar djipen, har te djiwals an o Debleskri bar ‘Eden’. Ap tute his hake kutch barra: Rubin, Topas, Diamant, Krisolit, Onyx, Jaspis, Safiro, Karfunkel un Smaragdo. Kol barra his an shukar kerdo sonakai dren pandlo, un tuke koi, te less len ap ko diwes, kai boldo wal.

Ezekiel 31:8

Un kek wawar zedertikro ruk an o Debleskri bar his jaake shukar har job. I zipresstikre ruka un i platantikre ruka, len his gar jaake shukar senele kashta har les his. Kek ruk an o Debleskri bar his jaake shukar har job.

Ezekiel 31:9

Me krom les shukar un dom les bud buchle senele kashta. Un i tsele ruka an i bar Eden, hoi hi o Debleskri bar, silweran ap leste.

Ezekiel 47:18

Un koi rig o themestar Israel djal fun kotar, kai o kham pre djal, mashkral o foro Hauran un o foro Damaskus dureder langs o lengsto pani Jordan bis tele pash o Londo Baro Pani. O Jordan nashell mank o them Israel un o them Gilead. Pash o Londo Baro Pani djal o them Israel bis pash o foro Tamar. Jaake dur djal o them Israel ap koi rig, kai o kham pre djal.

Joel 2:3

Glan lende djal i jag un pal lende chatchell i phub. Glan ko tsiro, kai wenn le, hi o them har o Debleskri baar Eden, un te djan le pral wergel, atchell i diwjo paash them. Kek nai nashell lendar krik.

5. Mose 34:3

ninna ko mulo them Negev un ko telstuno them mashkral i forja Jericho un Zoar. O foro Jericho well ninna Palmtikro foro kharedo.