1. Mose 12:8 - O Debleskro Drom 2021 (Sinte)

⁸ Kotar djas o Abram dureder an i berge pash o foro Betel. Mank kol forja Betel un Ai tchiwas job peskro plachteno kheer pre. Ko foro Betel hi tchiddo ap koi rig, kai o kham tele djala. Un o foro Ai hi tchiddo ap koi rig, kai o kham pre djala. Kote kras job pale i chatchepaskri o baro Debleske, kai wenn vieche leske chatchedo, un kharas o baro Debles an.

O Debleskro Lab 2024 (Sinte-Manouche)

⁸ Kotar djas o Abram doureder an i berge pash o foro Betel. Mank kol forya Betel oun Ai čivas yob peskro plarhteno kheer pre. Ko foro Betel hi čiddo ap koy rig, kay o kham tele djala. Oun o foro Ai hi čiddo ap koy rig, kay o kham pre djala. Kote kras yob pale i rhačepaskri o baro Debleske, kay venn firhe leske rhačedo, oun kharas o baro Debles an.

1. Mose 12:8 ပူးပေါင်းရင်းမြစ်များ

1. Mose 13:18

Un o Abram djas peskre plachtene kherentsa trujel, un was pash o foro Hebron un atchas tel i bare ruka ko murshestar Mamre. Un kote kras job i chatchepaskri o baro Debleske, kai wenn vieche leske chatchedo.

1. Mose 13:3

Un ko themestar Negev djas job dureder fun jek platsa ap i wawar. Un was pash o foro Betel ap koi platsa mank Betel un Ai, kai leskro plachteno kheer o ersto kopo tardo his.

1. Mose 13:4

Kote his koi platsa, kai job i Debleskri chatchepaskri kras. Un kote kharas job pale o baro Debles an.

1. Mose 21:33

O Abraham tchiwas i ruk an i phub an Beersheba. Un kote mangas job o baro Debles an, ko Debles, kai hako tsiro koi hi.

1. Mose 22:9

Jaake wan le ap koi platsa, hoi o Dewel leske penas. Kote kras o Abraham i chatchepaskri o Debleske, tchiwas ko kasht koi pre, las peskro tchawes, pandas les un tchiwas les ap ko kasht pral pre.

1. Mose 26:25

Un kote kras o Isaak i chatchepaskri, te wenn vieche chatchedo o Debleske, un mangas o baro Debles an. Un kote tchiwas job peskro plachteno kheer pre. Un peskre budepangre hadan kote i brunna win.

1. Mose 28:19

Un job das kol platsa ko lab ‘Betel’. Glan ko tsiro his o lab ko forestar ‘Lus’.

1. Mose 31:25

Un o Laban was pash o Jakobeste ap kol berge, kai job peskro plachteno kheer pre tchiwas. Un ninna o Laban peskre phralentsa tchiwas peskro plachteno kheer pre ap kol berge Gilead.

1. Mose 33:20

Kote kras o Jakob i chatchepaskri o Debleske, te wenn vieche leske chatchedo, un das koi chatchepaskri ko lab ‘O Dewel hi o Israeleskro Dewel’.

1. Mose 35:3

Awenn, djas an o foro Betel. Kote krau i chatchepaskri o Debleske, kai shunas man ap ko diwes, kai an i bibacht homs. Ko Dewel his pash mande ap miro drom bis kanna.”

1. Mose 35:7

Har o Jakob peskro phralestar krik nashas, mukas pes o Dewel kote lestar te dikell. Doleske kras job kote i chatchepaskri o Debleske, kai wenn vieche leske chatchedo. Un das koi platsa ko lab ‘El-Betel’.

1. Mose 4:26

Un o Set las ninna i tchawo. Koles das job ko lab Enosh. An ko tsiro mangan i menshe o ersto kopo o baro Debles an.

1. Mose 8:20

Un o Noah kras i chatchepaskri platsa un las hake viechendar, kai gar pale-tchiddo hi un hake tchirklendar, kai gar pale-tchiddo hi. Un das len mulo un chatchras len ap koi platsa, te parkrell lo pes pash o baro Debleste.

Nehemia 11:31

I menshe Benjamin djiwan an i forja: Geba, Michmas, Aja, Betel un leskre gaba,

Debleskri gili 116:4

Kote dom gole ap o baro Debleste: “Me mangau tut, baro Dewel, le miro djipen win dran o merepen!”

2. Mose 17:15

Un o Mose kras i chatchepaskri o Debleske, te wenn kote vieche chatchedo o Debleske, un das koi chatchepaskri o lab ‘O baro Dewel krell man soreles an o kurepen’.

Jesaja 10:28

un wenn pash o foro Aja, un djan wergel o foro Migron; an o foro Michmas mukenn le pengro koowa pale,

Bičepangre 2:21

Un koon ap leste gole della, koles lell lo dran o tchilatchepen un o merepen win.

1. Korintarja 1:2

ap i patslende, kai wenn khetne an o Debleskro lab an o foro Korint. Kolen rodas o Dewel win, te wenn le leskre tchawe, un te djiwenn o Jesus Kristeha khetne. Kau liil hi ninna kol tsele wawarenge, kai o Jesus Kristes an hake gaba un forja an-mangenna. Job hi lengro un maro rai.

Hebrearja 11:9

Ap ko tsiro djiwan wawar menshe an ko them, hoi kamas les o Dewel te dell. Un o Abraham djas kate un kote an ko them trujel, un djiwas an plachtene khera. Ninna leskro tchawo, o Isaak, un koleskro tchawo, o Jakob, djiwan jaake. Kolenge penas o Dewel ninna: Tumende dau ko them.

Josua 18:22

Bet-Araba, Zemarajim, Betel,

Josua 22:10

Un har wan le pash i khetne tchidde barra pash o pani Jordan, gomme an o them Kanaan, tchiwan le barra pre un kran i baro altaro.

Josua 7:2

Un o Josua bitchras murshen dran o foro Jericho, te djan le pash ko foro Ai. Kau foro hi tchiddo pash Bet-Awen un gar dur o forestar Betel, ap leskri rig, kai o kham pre djal. Un job penas ap lende: “Djan pre un dikenn tumen an o them tchorchanes trujel!” Un kol mursha kran kowa,

Josua 8:12

Jaake pantch serja murshen bitchras o Josua ap koi rig o forestar Ai, kai o kham tele djal, mank kol forja Ai un Betel, te khatrenn le pen kote, te perenn le palle i murshenge dran o foro Ai an o dumo.

Josua 8:17

Un kote atchas buder kek mursh an i forja Ai un Betel pale, kai gar i Israelitarja palla las. Un jon mukan o foreskre bare wudja pre tardo, har lan le i Israelitarja palla.

Josua 8:3

Kote kras pes o Josua un i tsele lurde ap o drom, te djan le pre pash o foro Ai. Un o Josua rodas 30.000 (trijanda-serja) tchatche kurepangre win, un bitchras len an i rat koi.

Josua 8:30

An ko tsiro kras o Josua i chatchepaskri ap i berga Ebal o baro Debleske, ko Dewel pral o Israel, te wenn leske kote vieche chatchedo.

Josua 8:9

Un jaake har o Josua lenge penas, djan le koi un khatran pen ap koi rig o forestar Ai, kai o kham tele djal, mank Ai un o foro Betel. Un o Josua atchas an koi rat pash i wawar lurdende.

Čačepangre 6:24

Un o Gideon tchiwas kote barra pre, te krell lo i chatchepaskri, kai wenn vieche chatchedo o baro Debleske, un das lat o lab Jahwe-Shalom. Gomme kau diwes hi koi chatchepaskri kote tardo an o foro Ofra, kai kol menshe djiwenn, kai kharenna Abijesarja.

1. Samuel 30:27

Leskre mala, kolenge job tchomone bitchras, his an Betel, an Ramot-Negev, an Jattir,