1. Mose 12:5 - O Debleskro Drom 2021 (Sinte)

⁵ Job las peskri romjat Sarai peha un peskro phraleskro tchawes Lot. Job las ninna pengro tselo koowa peha, pengre viechen un pengre budepangren, kai lengre an o foro Haran wan. Un jon tserdan win un wan an ko them Kanaan.

O Debleskro Lab 2024 (Sinte-Manouche)

⁵ Yob las peskri romyat Saray peha oun peskro phraleskro čaves Lot. Yob las ninna pengro tselo koova peha, pengre firhen oun pengre boudepangren, kay lengre an o foro Haran van. Oun yon tserdan vin oun van an ko them Kanaan.

1. Mose 12:5 ပူးပေါင်းရင်းမြစ်များ

1. Mose 10:19

Lengro tselo them djas pral pash o foro Sidon un tele pash o foro Gaza. Un ap koi rig, kai o kham pre-djala, djas lo pash o foro Gerar un dureder pash kol forja Sodom, Gomorra, Adma, un Zebojim pash o foro Lesha.

1. Mose 11:27

Kowa hi ko liil, kai tchinlo hi i laba kol menshendar, kai wan pal o Terach. O Terach: Leskre tchawe his o Abram, o Nahor un o Haran. O Haran las i tchawo, o Lot.

1. Mose 11:31

Un o Terach las peskro tchawes Abram peha un o Lot, ko tchawo peskro tchawestar Haran, un i Sarai, koi romni peskro tchawestar Abram. Un khetne mukan le ko foro Ur, hoi an o them Kaldea tchiddo hi, te djan le an o them Kanaan. Un jon wan pash o foro Haran un atchan kote.

1. Mose 13:5

O Lot, kai djal o Abrameha, koles his ninna bakre, grumja un plachtene khera.

1. Mose 13:6

O Abrameskro brawlepen un o Loteskro brawlepen his jaake baro, kai nashte djiwan jon buder gar khetne. Lengre vieche hatsan gar doha te chal.

1. Mose 14:14

Har o Abram shunas, kai leskro phraleskro tchawo pandlo un krik anlo was, kharas job peskre murshen. Les his 318 (triin-sheel-deesh-te-ochta) tchatche mursha, kai pash leste boldo wan. Kolentsa tradas job i star bare rajen un lengre lurden bis pash ko foro Dan.

1. Mose 14:21

Un o rai pral Sodom penas ap o Abram: “De man mire menshen pale! Ko wawar, hoi hatsal, rikreh nashte.”

1. Mose 28:10

O Jakob djas dran ko foro Beersheba un kras pes ap ko drom, kai djal an o them Haran.

1. Mose 36:6

Un o Esau las peskre romjen un peskre tchawen un tchen un i tsele menshen, kai an leskro kheer his, ninna peskre bakren un peskre tsele viechen un halauter, hoi les was an o them Kanaan, un djas peske an i wawar them, un mukas peskro phrales Jakob.

3. Mose 22:11

I budepaskro, koles o rashai peskre lowentsa ginas, kowa nai chal kolestar. Ninna i budepaskres, kai an leskro kheer boldo was, kowa nai chal fun ko chapen.

Bičepangre 7:4

Koi djas o Abraham dran ko them Kaldea, un djiwas an o foro Haran. Un har leskro dad meras, anas o Dewel les an ko them, kai tumer kanna djiwenna.