1. Mose 12:15 - O Debleskro Drom 2021 (Sinte)

¹⁵ Un i pralstune budepangre o baro rajestar pral o them dikan lat un sharan lat glan lengro rajeste. Un jon anan lat an o baro rajeskro kheer.

O Debleskro Lab 2024 (Sinte-Manouche)

¹⁵ Oun i pralstoune boudepangre o baro rayestar pral o them dikan lat oun sharan lat glan lengro rayeste. Oun yon anan lat an o baro rayeskro kheer.

1. Mose 12:15 ပူးပေါင်းရင်းမြစ်များ

1. Mose 12:14

Har jon an o them Egiptia wan, dikan i Egiptarja, hawi shukar djuwel joi hi.

1. Mose 20:2

Kote penas job peskri romjatar Sara: “Joi hi miri pheen.” Un o baro rai pral o foro Gerar – leskro lab his Abimelech – bitchras murshen, te anenn le i Sara pash leste.

1. Mose 26:7

Har i menshe an ko foro leskri romjat dikan, putchan le: “Koon hi koja?” Penas job: “Joi hi miri pheen.” Les his traash te penell: ‘Joi hi miri romni.’ Job daras, te denn le les mulo, te lenn jon lat, jaake shukar his li.

1. Mose 40:2

Un o baro rai was an i bari choli pral kol dujende,

1. Mose 41:1

Pal dui bersha das o baro rai suni: An i suni dikas pes job tardo pash o pani Nil.

1. Rajengro liil 3:1

Un o Salomo romedineras i tchai o baro rajestar pral o them Egiptia. Kowa his o Farao. Un o Salomo anas lat an ko kotar o forestar Jerusalem, hoi kharell ‘Davideskro foro’, te djiwell li kote jaake rah har budran i budepangre ap o Salomeskro kheer un ap o baro Debleskro kheer un ap i massuri trul Jerusalem.

2. Rajengro liil 18:21

Patseh, te well o them Egiptia tuke ap i rig? Kowa wals, har te lals tu i shilftikro khass an o wast, te rikress tut soreles ap leste. Ko shilftikro khass phagals un dals tut an o wast tchurje. Jaake hi o Farao, ko rai pral o them Egiptia lauterenge, kai leske patsenna.

Debleskri gili 105:4

Putchenn pal o baro Debleste, un pal leskri soor! Awenn glan leste hako tsiro!

2. Mose 2:15

Har o Farao kowa shunas, kamas job o Moses te marell. O Mose nashas an ko them Midian. Kote beshas job pes pash i brunna.

2. Mose 2:5

Koi was o baro rajeskri tchai un kamas pes an ko pani Nil te thowell. Un kol djuwja, kai lake budran, nashan pash o pani. Ap jek kopo dikas joi koi korba mank ko baro panjeskro khass, un bitchras lakri budepaskretsa koi, te anell li koi korba.

Gosewe laba 29:12

I rai, kai ap chochene laba shunella, koleskre budepangre wenn lauter chochene.

Gosewe laba 6:29

Jaake djal koleske, kai pash i romjate i wawarestar djal. Hakeno, kai lat an-taprell, lell peskri phagi.

Jeremia 25:19

Pal lende hunte pijenn i wawar menshe dran kau khoro: o baro rai pral Egiptia; ninna kol wawar pralstunende; un i tsele Egiptarja;

Jeremia 46:17

Kharenn ko lab o Faraestar, ko rajestar pral o them Egiptia: ‘Baro Mujeskro, koleskro tsiro trujel hi’.

Ezekiel 32:2

Tu, mensho, gib i ropaskri gili pral o Farao, ko baro rajeste o themestar Egiptia, un pen leske: Tu patseh, te hal har i terno lewo, o bareder rai mank i tsele rajende, un hal har i baro tchilatcho viecho an o baro pani. An kol lengste panja, kai djiweh, phurdal ducho dran tiro nak, te das o pani pre karje. Un tire herjentsa stakral jaake, te was i tchik dran o pani pre un o pani tchiklo.

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.