1. Mose 12:13 - O Debleskro Drom 2021 (Sinte)

¹³ Pen lenge, tu hal miri pheen. Jaake lenn le tut penge, un doleske hi le latches ap mande un mukenn man te djiwell.”

O Debleskro Lab 2024 (Sinte-Manouche)

¹³ Pen lenge, tou hal miri pheen. Yaake lenn le tout penge, oun doleske hi le lačes ap mande oun moukenn man te djivell.”

1. Mose 12:13 ပူးပေါင်းရင်းမြစ်များ

1. Mose 11:29

O Abram romedineras i Sarai. Un o Nahor romedineras i Milka, kolakro dad o Haran his. Koles his kol dui tcha, i Milka un i Jiska.

1. Mose 12:14

Har jon an o them Egiptia wan, dikan i Egiptarja, hawi shukar djuwel joi hi.

1. Mose 20:2

Kote penas job peskri romjatar Sara: “Joi hi miri pheen.” Un o baro rai pral o foro Gerar – leskro lab his Abimelech – bitchras murshen, te anenn le i Sara pash leste.

1. Mose 20:5

O Abraham penas ap mande: ‘Joi hi miri pheen.’ Un joi penas ninna: ‘Job hi miro phraal.’ Me djinom gar, kai joi romedino hi. Miro dji un mire wasta hi djudjo.”

1. Mose 26:7

Har i menshe an ko foro leskri romjat dikan, putchan le: “Koon hi koja?” Penas job: “Joi hi miri pheen.” Les his traash te penell: ‘Joi hi miri romni.’ Job daras, te denn le les mulo, te lenn jon lat, jaake shukar his li.

Jesaja 57:11

Konestar trashal un daral tu jaake, te chochral man un bistral man, un mukal man tuke gar an o shero te well? Hi kowa gar jaake: I rah tsiro penom tchi koi pral. Un doleske dareh buder gar mandar.

Jeremia 38:17

Un o Jeremia penas ap o Zedekja: Kowa penell o baro Dewel, ko rai pral o bolepen un i phub, kai o Israeleskro Dewel hi: Te dja tu win pash i pralstunende o baro rajestar dran o them Babilonia, palle atcheh tu djido, un kau foro well gar chatchedo, tu un tiro kheer atchenna djido.

Jeremia 38:20

O Jeremia penas: Jon denn tut gar an lengro wast. Shun ap o baro Debleskro rakepen, hoi me tuke penau, palle djal tuke mishto, un tu atcheh djido.

Ezekiel 18:4

Djinenn, man hi o djipen hakenestar an miro wast – o dadeskro djipen jaake har o tchaweskro djipen. Kokres kowa, kai anell doosh ap peste, hunte merell.

Johanni 8:44

Tumaro dad hi o beng. Un tumer krenna, hoi tumaro dad ninna kamella. Job hi jek, kai marell i menshen hako tsiro. Un job hi gar an o tchatchepen tardo. O tchatchepen hi gar an leste. Te rakrell job o chochepen, well kowa dran leste. Job hi i chocheno, un anas o chochepen ap kai phub.

Remarja 6:23

Kowa, kai krell o tchilatchepen, lell peskri phagi. Koi phagi hi o merepen. Kowa, kai patsell ap o Jesus Kristeste, maro rajeste, koles dell o Dewel tchitcheske o djipen, hoi gar pre-herella.

Kolossarja 3:6

Kol menshe, kai shunenn gar ap o Debleste, kolla krenna sawo koowa. Doleske well o Debleskri choli pral lende.