1. Mose 12:10 - O Debleskro Drom 2021 (Sinte)

¹⁰ Koi was i tsiro an ko them, kai his i menshen un i viechen tchi te chal. Len his bari bok. Dran kowa djas o Abram dureder, te djiwell lo an o them Egiptia.

O Debleskro Lab 2024 (Sinte-Manouche)

¹⁰ Koy vas i tsiro an ko them, kay his i menshen oun i firhen či te rhal. Len his bari bok. Dran kova djas o Abram doureder, te djivell lo an o them Egiptia.

1. Mose 12:10 ပူးပေါင်းရင်းမြစ်များ

1. Mose 41:56

Un i bok was bareder. An o tselo them his i menshen gar doha te chal. Koi kras o Josef i wudja pre an kol tsele khera, kai djob dren hi. Un bikras o djob ap i Egiptarja.

1. Mose 41:57

Ninna dran i tsele wawar themma wan i menshe pash o Josefeste an o them Egiptia, te ginenn le djob. Jaake baro his i bok an i tsele themma.

1. Mose 42:5

Un har i bok baro was an o them Kanaan, djan ninna wawar an o them Egiptia, te ginenn le djob. Lentsa khetne wan o Jakobeskre tchawe an o them Egiptia.

1. Mose 43:1

Un i bok his baro an o them.

1. Mose 47:13

Un i bok was baro an o them Egiptia un Kanaan, jaake kai buder tchi chapaske his an i tsele themma. Un i menshe un i vieche merans i bokatar.

2. Samuel 21:1

An ko tsiro, kai o David djiwas, was i bari bok pral o them, un i menshen his triin bersh tchi te chal. Un o David putchas o baro Deblestar, hoske kowa jaake hi. Un o baro Dewel penas: “Ap o Saul un ap leskro kheer hi i rateskri doosh tchiddo, doleske, kai o Saul das kol Gibeonarjen mulo.”

2. Rajengro liil 4:38

Har o Elisa pale an Gilgal was, his i menshen tchi te chal an ko them. Un har kol Debleskre rakepangre glan leste beshdo his, penas job ap peskro budepaskro: “Le i bari piri un kere lenge i summi chapaske.”

2. Rajengro liil 6:25

Har jon jaake i rah tsiro o foro dren pandan, was i bok an o foro Samaria baro. I eseltikro shero was 80 (ochta-deesh) rupene beme un i wast pherdo tchirklengri tchik was pantch rupene beme.

Debleskri gili 105:13

Un jon djan jek themestar an o wawar, djan trujel an bud rajengre themma.

Debleskri gili 107:34

Jaake was i phub, kai bud djob un senlepen baro was, i mulo londo them. Kowa kras lo dran o tchilatchepen kol menshendar, kai kote djiwenn.

Debleskri gili 34:19

O baro Dewel hi pash kolende, kai lengro dji phagedo hi. Un kolenge, kai dikenn buder kek momeli an pengro djipen, hi lo ap i rig tardo.

Jeremia 14:1

O baro Dewel penas ap o Jeremia pral ko them, kai i rah tsiro kek brishin das.

Johanni 16:33

Kowa lauter penom tumenge, te well tumen i bari bacht an o dji pral kowa, kai han mire. Kate ap kai phub hi tumen daar. Ma darenn! Me hom sorleder har halauter ap kai phub.”

Bičepangre 14:22

djan pash i patslende un dan len soor an o dji, un rakran lenge an o dji, te atchenn jon an o patsepen. Un jon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

Bičepangre 7:11

Un palle was i tsiro, kai bokan le an o tselo them Egiptia un an o them Kanaan. Un mare phure hatsan tchi te chal an o them Kanaan.

Ruth 1:1

An ko tsiro, har i tchatchepangre mursha i raja pral o Israel his, was i bari bok an o them. Un i mursh dran o foro Betlehem an o them Juda djas an o them Moab, te djiwell lo koi peskri romjah un peskre dui mursh tchawentsa.