1. Mose 11:7 - O Debleskro Drom 2021 (Sinte)

⁷ Awenn, djas tele pash lende un das hakenes i wawar rakepen, jaake, kai jek i wawares buder gar haiwella.”

O Debleskro Lab 2024 (Sinte-Manouche)

⁷ Avenn, djas tele pash lende oun das hakenes i vavar rakepen, yaake, kay yek i vavares bouder gar hayvella.”

1. Mose 11:7 ပူးပေါင်းရင်းမြစ်များ

1. Mose 1:26

Un o Dewel penas: “Kanna krah menshen. Jon wenn jaake har mer. Jon hi rai pral i matchende an o baro pani un pral i tchirklende an o bolepen, pral i diwje viechende un pral kolende, kai gar diwje hi, ninna pral i tikne viechende, hoi djan pral i phub.”

1. Mose 10:20

Kolla hi i tchawe o Hamestar pengre menshentsa. Lendar wan bare familje. Hakeni rakras peskro rakepen un djiwas an peskro them.

1. Mose 10:32

Kolla hi halauter i menshe, kai wenna o Noaheskre tchawendar. Lengre laba hi jaake pre tchinlo, te well diklo, koon lengro dad hi, un hawe menshe lendar wenna. Kol menshendar wenna i tsele menshe ap i phub pal o baro pani.

1. Mose 10:5

Kolendar wenna i menshe, kai djiwenna an i themma pash o baro pani. Kolla hi i tchawe o Jafetestar pengre menshentsa. Lendar wan bare familje. Hakeni rakras peskro rakepen un djiwas an peskro them.

1. Mose 11:5

Koi was o baro Dewel tele, te dikell lo ko foro un ko baro kheer, hoi kol menshe krenn.

1. Mose 3:22

Un o baro Dewel, maro rai, penas: “Dikenn, o mensho was jaake har mer: Job djinell, hoi hi latcho un hoi hi tchilatcho. Kanna hi gar mishto, te chal lo ninna ko rukestar, hoi della o djipen. Palle djiwell job hako tsireske.”

1. Mose 42:23

Jon djinan gar, kai o Josef lengro rakepen haiwas. Job rakras lentsa an o egiptikro rakepen. Un i wawar penas lenge, hoi job penas.

Hiob 12:20

Kolla, kai nai rakrenn latches glan i wawarende, kolenge lell lo i laba krik, un i phurentsa krell lo, te djinenn le buder gar hoi tchatcho hi un hoi gar tchatcho hi.

Debleskri gili 2:4

O Dewel, kai an o bolepen beshdo hi, sal pral lende un lengro dinelo rakepen.

Debleskri gili 33:10

O baro Dewel mukell kowa gar te well, hoi kol menshe an i wawar themma kamenn te krell. Lenge tchiwell lo barra an o drom.

Debleskri gili 55:9

Sik nashoms, te khatrap man glan o baro un sorelo ducho, hoi pral i phub phurdell, un glan o baro brishin.

2. Mose 4:11

Pale penas o baro Dewel ap o Moseste: “Koon krell, te nai rakrenn i menshe? Un koon krell kowa, te nai rakrell un shunell jek gar? Koon krell kowa, te nai dikenn le? Un koon krell, te nai dikell jek gar? Hom kowa gar me?

Jesaja 33:19

Kol pre-phurde menshen dikeh tu gar buder, kolengro rakepen gar haiwal, kol laba, kolendar gar djinal, hoi kamenn le te penell.

Jesaja 6:8

Un me shunom, har o baro Dewel, maro rai putchas: “Kones bitchrap, un koon rakrell mange?” Kote penom me: “Kate hom, bitche man!”

Jeremia 5:15

Pen kol menshenge an Israel: Me anau menshen fun dural pash tumende, penell o baro Dewel, menshe, kolengro rakepen, un hoi jon penenna, haiwenn tumer gar. I phuri natsjona hi le. Un len hi bari soor.

1. Korintarja 14:23

Dikenn, te wans i tsele patsle khetne, un rakrans lauter an i wawar rakepen, un koi wals jek, kai gar patslo hi un kai prindjrell kowa gar, penals kowa: “Kalla hi lauter narwele!”

5. Mose 28:49

Menshen dran i dur them, fun i wawar rig i phubjatar, anell lo pral tumende. Sik har i baro tchirklo wenn le pral tumende. Lengro rakepen haiwenn tumer gar.