1. Mose 11:27 - O Debleskro Drom 2021 (Sinte)

²⁷ Kowa hi ko liil, kai tchinlo hi i laba kol menshendar, kai wan pal o Terach. O Terach: Leskre tchawe his o Abram, o Nahor un o Haran. O Haran las i tchawo, o Lot.

O Debleskro Lab 2024 (Sinte-Manouche)

²⁷ Kova hi ko liil, kay činlo hi i laba kol menshendar, kay van pal o Tera. O Tera: Leskre čave his o Abram, o Nahor oun o Haran. O Haran las i čavo, o Lot.

1. Mose 11:27 ပူးပေါင်းရင်းမြစ်များ

1. Mose 11:31

Un o Terach las peskro tchawes Abram peha un o Lot, ko tchawo peskro tchawestar Haran, un i Sarai, koi romni peskro tchawestar Abram. Un khetne mukan le ko foro Ur, hoi an o them Kaldea tchiddo hi, te djan le an o them Kanaan. Un jon wan pash o foro Haran un atchan kote.

1. Mose 12:4

Un o Abram djas peske, jaake har o baro Dewel leske penas. Un o Lot djas leha. Har djas o Abram dran o foro Haran, his job 75 (efta-deesh-te-pantch) bersh phuro.

1. Mose 12:5

Job las peskri romjat Sarai peha un peskro phraleskro tchawes Lot. Job las ninna pengro tselo koowa peha, pengre viechen un pengre budepangren, kai lengre an o foro Haran wan. Un jon tserdan win un wan an ko them Kanaan.

1. Mose 14:12

O Abrameskro phraleskro tchawo Lot, kai djiwas an Sodom, koles lan jon ninna peha, un leskro tselo koowa, hoi les his.

1. Mose 22:20

Pal kowa was o Abrahameske penlo: “I Milka, koi romni tiro phralestar Nahor, anas leske ninna mursh tchawen ap i phub:

1. Familjakro liil 1:27

lestar was o Abram, kowa hi o Abraham.

Josua 24:2

Un o Josua penas ap i tsele menshende: “Kawa penell o baro Dewel, kai o Israeleskro Dewel hi: Glan rah tsiro djiwan tumare phure ap i wawar rig ko lengsto panjestar Eufrat un mangan wawar deblen an. Jek lendar his o Terach, koleskre tchawe o Abraham un o Nahor his.

2. Petro 2:7

O Lot kokres was win lino dran o foro Sodom, har i jag tele peras. Job djiwas jaake, har o Dewel kamas. Un leske dukas ko djungelo djipen, hoi kol tchilatche menshe djiwan.