1. Mose 10:8 - O Debleskro Drom 2021 (Sinte)

⁸ O Kush, les his i tchawo, leskro lab his Nimrod. Kowa his o ersto, kai las bari soor pral wawar menshende ap i phub.

O Debleskro Lab 2024 (Sinte-Manouche)

⁸ O Koush, les his i čavo, leskro lab his Nimrod. Kova his o ersto, kay las bari zoor pral vavar menshende ap i phoub.

1. Mose 10:8 ပူးပေါင်းရင်းမြစ်များ

1. Mose 10:7

I menshe, kai wan pal o Kush, hi: o Seba, o Hawila, o Sabta, o Ragma, un o Sabteka. I menshe, kai wan pal o Ragma hi: o Seba un o Dedan.

1. Mose 10:9

Un job his i baro jegari glan o baro Debleste. Doleske well penlo: ‘Kowa hi i baro jegari glan o baro Debleste har o Nimrod.’

1. Mose 2:13

Un ko lab o duito panjestar hi Gihon. Kowa nashell trul o tselo them Kush.

1. Familjakro liil 1:10

O Kush his o phuro dad ko murshestar Nimrod. Kowa his o ersto, kai kras pes lo i sorelo ap kai phub.

Jesaja 18:2

Kau them bitchrell peskre bitchepangren pral o baro pani. An tikne shiffe ulerenn le pral i panja. Tumer sik bitchepangre, djan pash kol menshende, kai hi baro un djeteha dren maklo, pash koi natsjona, kolendar i menshe darenna an hake themma, pash kolende, kai bari sorjah i wawarende khetne stakrenn, an kolengro them bare lengste panja nashenna.

Micha 5:6

Un kolla kai djido atchan o Jakobeskre tchawendar, djiwenn mank wawar menshende an bud themma. Lenge hi le har o pani, hoi mukell o baro Dewel taissarlakro ap o senlepen te perell, un har o brishin, hoi o senlepen sapeno krell. Kek mensho hunte penell lenge, hoi te krenn le.