1. Mose 10:4 - O Debleskro Drom 2021 (Sinte)

⁴ I menshe, kai wan pal o Jawan, hi o Elisha, o Tarsis, i Kitarja un Rodanarja.

O Debleskro Lab 2024 (Sinte-Manouche)

⁴ I menshe, kay van pal o Yavan, hi o Elisha, o Tarsis, i Kitarya oun Rodanarya.

1. Mose 10:4 ပူးပေါင်းရင်းမြစ်များ

1. Mose 10:5

Kolendar wenna i menshe, kai djiwenna an i themma pash o baro pani. Kolla hi i tchawe o Jafetestar pengre menshentsa. Lendar wan bare familje. Hakeni rakras peskro rakepen un djiwas an peskro them.

1. Familjakro liil 1:7

O Jawan: leskre tchawe his: o Elisha, o Tarsis, i Kitarja un i Rodanarja.

Jesaja 23:1

Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

Jesaja 23:12

Un job penas ap i menshende an Sidon: Tumenge djal har i terni tchake, hoi sorjah an-tapedo was. Tumer giwenn un stenn buder gar i bachtjatar. Ninna te krenn tumen ap o drom un djan an o them Kittim, well tumen kote kek bacht.

Ezekiel 27:12

Tu hals i brawelo foro. Bud koowa nai ginan le pash tute. O foro Tarsis ginas pash tute, un das tut koleske rup, saster, zinno un blaio.

Ezekiel 27:25

Bud bare shiffe pash tute wan, un tiro koowa pral o baro pani anan. Brawleder un brawleder wal, har i railo shiffo hals mashkral an o baro pani.

Ezekiel 27:6

Tire lengste tchinle kashta his dran zipresstikro kasht, hoi dran o them Kittim lino was. Dren tchiddo an kol kashta his elefantikro dand. Dran o them Bashan was eichtikro kasht. Kolestar tchinan le kol kashta, kolentsa o shiffo tserdedo well.

Ezekiel 27:7

Koi plachta, kai o ducho dren phurdell, his dran kutch laintikro than, hoi dran o them Egiptia well. An koleste was shukar koowa dren sido. Kowa his tiro sikepen, hoi fun dural diklo well. Te chatchrell tut gar o kham, was i plachta pre pandlo, hoi his kerdo dran kutch than, hoi blaueto un lolo his, un dran o foro Elisha was.

Daniel 11:30

Kotar, kai o panjeskro them Kittim hi, wenna shiffe un djan jaake khatar leste, te taprell les i daar. Un job djal pale. Palle well lo chojedo ap o Debleskre menshende un lengro patsepen un krell lenge tchilatchepen, un tchiwell pes kolentsa khetne, kai o Debleskro drom mukan.

4. Mose 24:24

Un shiffe wenna dran o them Kittim un anenn lurden, kai perenn an i themma Assur un Eber. Pal halauter djal ninna Kittim paash.”