1. Mose 10:32 - O Debleskro Drom 2021 (Sinte)

³² Kolla hi halauter i menshe, kai wenna o Noaheskre tchawendar. Lengre laba hi jaake pre tchinlo, te well diklo, koon lengro dad hi, un hawe menshe lendar wenna. Kol menshendar wenna i tsele menshe ap i phub pal o baro pani.

O Debleskro Lab 2024 (Sinte-Manouche)

³² Kolla hi halauter i menshe, kay venna o Noaheskre čavendar. Lengre laba hi yaake pre činlo, te vell diklo, koon lengro dad hi, oun have menshe lendar venna. Kol menshendar venna i tsele menshe ap i phoub pal o baro pani.

1. Mose 10:32 ပူးပေါင်းရင်းမြစ်များ

1. Mose 10:1

Kowa hi ko liil, kai i laba tchinlo hi kol menshendar, kai wan o Noaheskre tchawendar: o Sem, o Ham un o Jafet. Kolenge wan tchawe boldo pal o baro pani.

1. Mose 10:20

Kolla hi i tchawe o Hamestar pengre menshentsa. Lendar wan bare familje. Hakeni rakras peskro rakepen un djiwas an peskro them.

1. Mose 10:25

O Eber las dui tchawe: Jek kharas Peleg. An leskro tsiro atchan i menshe buder gar khetne. Haki bari familja las peskro them. O Peleges his i phraal. Kowa kharas Joktan.

1. Mose 10:31

Kolla hi i tchawe o Semestar pengre menshentsa. Lendar wan bare familje. Hakeni rakras peskro rakepen un djiwas an peskro them.

1. Mose 10:5

Kolendar wenna i menshe, kai djiwenna an i themma pash o baro pani. Kolla hi i tchawe o Jafetestar pengre menshentsa. Lendar wan bare familje. Hakeni rakras peskro rakepen un djiwas an peskro them.

1. Mose 11:1

An ko tsiro his i tsele menshen jek rakepen.

1. Mose 9:1

Un o Dewel rakras latche laba pral o Noah un pral leskre tchawende win un penas: “Anenn bud tchawen ap i phub, te well i phub tumendar pherdo!

1. Mose 9:19

Kolla triin hi i tchawe o Noahestar. Lendar wenna i tsele menshe ap i phub.

1. Mose 9:7

Anenn tchawen ap i phub, – bud tchawen, te well i phub tumendar pherdo!”

Hiob 15:19

Lenge kokres his o them dino. Kek wi-themari djas mashkral lende peha.

Bičepangre 17:26

Ko Dewel kras ko jek menshes, o Adames. Kolestar wan i tsele menshe an hake themma ap i phub. Job das len i tsiro, har rah jon djiwenna, un ninna an hawo them jon djiwenna.