1. Mose 1:27 - O Debleskro Drom 2021 (Sinte)

²⁷ Un o Dewel kras i menshen jaake har job hi. Awa, jaake har job hi, kras lo len: o murshes un i djuwjat.

O Debleskro Lab 2024 (Sinte-Manouche)

²⁷ Oun o Devel kras i menshen yaake har yob hi. Ava, yaake har yob hi, kras lo len: o morshes oun i djouvyat.

1. Mose 1:27 ပူးပေါင်းရင်းမြစ်များ

1. Mose 2:18

Un o baro Dewel, maro rai, penas: “Hi gar mishto, te atchell o rom kokres. Me krau jekes har job, kai pash leste hi.”

1. Mose 2:7

Un o baro Dewel, maro rai, kras o romes dran tchik i phubjatar. Un phurdas peskro ducho, hoi della o djipen, an o romeste. Un o rom was djido.

1. Mose 9:6

O Dewel kras o menshes, jaake har job hi. Doleske hunte well kowa mulo dino i menshestar, kai i menshes mulo das.

Debleskri gili 139:14

Me parkrau man pash tute, te kral man jaake shukar. Ap mande dikau, lauter hoi kreh, hi jaake mishto, te atchell mange o rakepen krik.

Sikepaskro 7:29

Dik, kowa kokres hatsom: O Dewel kras o menshes jaake, te djiwell lo an o tchatchepen; i menshe rodenn penge bud dromma, kai nai krenn le tchilatchepen.

Jesaja 43:7

Halauter te wenn khere, kai miro labeha kharedo wenn, kolen mange krom, te well miro lab baro, kolendar i natsjona krom, hoi miro hi.

Jeremia 29:6

Romedinerenn un lenn tchawen! Lenn romjen tumare mursh tchawenge, un rodenn tumare tchenge murshen, te romedinerenn le, un anenn tchawen un tchen ap i phub! Awenn bud un gar tikneder!

Maleachi 2:15

Kek krals sau koowa, te wals i tikno kotar fun miro ducho an leste. Job kamals tchawe te lell, kai o Debleske koi hi. Doleske denn jak an tumare djia, te chochell un mukell kek tumendar peskri romjat!

Mateo 19:4

Penas lo: “Tumer djinenn, hoi hi an o Debleskro lab tchinlo: O Dewel kras o murshes un i djuwjat.

Markus 10:6

Kowa his gar jaake, har o Dewel lauter kras. Ap ko tsiro kras lo o murshes un i djuwjat.

Efesarja 2:10

Kowa, hoi mer kanna ham, kras o Dewel dran mende. Har wam patslo ap o Jesus Kristeste, das lo men o newo djipen, te kras mer ko latcho koowa, hoi job menge win rodas un an mare wasta das.

Efesarja 4:24

Djiwenn kanna o newo djipen, hoi tumen o Dewel das! Palle han tumer an o tchatchepen tardo, un han tchatchepah leske koi.

5. Mose 4:32

Rakrenn pral ko phuro tsiro, har tumer gomme gar koi hans, har o Dewel o menshes ap kai phub kras. Rodenn ap i tseli phub: Was sau baro koowa diklo un shunlo,

Kolossarja 1:15

Kek nai dikell o Debles. Har leskro tchawo ap i phub was, sikras job har o Dewel hi. O Jesus Kristo hi jaake har peskro dad. Un job hi bareder har lauter, hoi kerdo was.

Kolossarja 1:26

I rah tsiro djinan i menshe ap i tseli phub gar, hoi o Dewel kamas te krell. Kanna djinenn les o Debleskre menshe.

Kolossarja 3:10

Djiwenn kanna o newo djipen! Mukenn tumen o Deblestar bud un budeder newes te krell, jaake te prindjrenn o Debles feteder un djinenn, hoi job kamella! Palle wenn tumer jaake har job, kai tumen o newo djipen das.

Čačepangre 21:22

Un te wenn lengre dada un lengre phrala, te tchingrenn le mentsa, palle kamah lenge te penell: ‘Awenn menge latches, un mukenn lenge kol tchen! Mer nashte lap gar hakeneske lendar i romni an o kurepen. Un tumer han gar kolla, kai dan len lende. Jaake anenn tumer kek doosh ap tumende, te mukenn tumer len lende.’”