1. Mose 1:21 - O Debleskro Drom 2021 (Sinte)

²¹ Jaake kras o Dewel bare panjengre viechen, un ninna hako wawar viecho, hoi an o pani hi, ninna hake tchirkle. Un o Dewel dikas, kai kowa mishto hi.

O Debleskro Lab 2024 (Sinte-Manouche)

²¹ Yaake kras o Devel bare panyengre firhen, oun ninna hako vavar firho, hoy an o pani hi, ninna hake čirkle. Oun o Devel dikas, kay kova mishto hi.

1. Mose 1:21 ပူးပေါင်းရင်းမြစ်များ

1. Mose 1:18

Jon hi rai pral o diwes un pral i rat, te dell jek tsiro o diweske un i wawar tsiro o ratsjake. Un o Dewel dikas, kai kowa mishto hi.

1. Mose 1:20

Un o Dewel penas, te wenn bud vieche an o pani un bud tchirkle an o bolepen.

1. Mose 1:22

Un o Dewel rakras latche laba pral lende win un penas: “Lenn bud terne, te wenn bud tumendar an o baro pani un bud tchirkle an o bolepen.”

1. Mose 1:25

Un o Dewel kras hake diwje viechen un hake viechen, kai gar diwje hi, ninna i tsele tikne viechen ap i phub. Un job dikas, kai kowa mishto hi.

1. Mose 1:31

Un o Dewel dikas halauter, hoi job kras, un tchatchepah halauter his mishto. Un was rati un pale taissarlakro. Kowa his o shobto diwes.

1. Mose 2:19

Un o baro Dewel, maro rai, kras dran tchik i tsele viechen ap o them un i tsele tchirklen an o bolepen. Un job anas len pash o romeste, te dikell lo, hawo lab job len della.

1. Mose 6:20

Dui kotar hake tchirklendar un hake viechendar, ninna hake tikne viechendar ap i phub, hunte djan pash tute an o panjeskro kheer, te atchenn le djido.

1. Mose 7:14

Khetne lentsa djan ninna hake viechendar – kolendar, kai diwjo hi un kolendar, kai gar diwjo hi, ninna hake tikne viechendar, hoi djan pral i phub, un hake tchirklendar.

1. Mose 8:17

Kol tsele vieche, kai pash tute hi, muk len win te djal: i tchirkle, i bare vieche, un i tikne vieche, kai djan pral i phub. Kamau, te lenn le tchawe, jaake te well lendar i phub pherdo.”

1. Mose 8:19

I tsele vieche, i bare un i tikne, un i tsele tchirkle, halauter, hoi djiwell ap i phub, djas ninna dran o panjeskro kheer. Hako kopo djan kolla khetne, kai his i emlige viechendar.

1. Mose 9:2

I tsele vieche ap i phub un i tsele tchirkle an o bolepen hunte darenn un trashenn tumendar. Halauter, hoi djiwella ap i phub, un i tsele matche an o baro pani, dau an tumare wasta.

1. Mose 9:7

Anenn tchawen ap i phub, – bud tchawen, te well i phub tumendar pherdo!”

Hiob 12:7

Putch i viechen un i tchirklen, hoi djinenn le pral o Debleste. Un jon penenn les tuke.

Hiob 26:5

An o mulengro them, an i panja tel i phub trissenn i mule i darjatar.

Hiob 7:12

Hom me o baro pani oder i baro panjeskro viecho, te dess tu jaake jak ap mande, te krap tchi?

Debleskri gili 148:7

Sharenn o baro Debles, tumer kai han tele ap i phub: bare panjengre vieche un lauter, hoi an i telstune panja djiwella;

2. Mose 1:7

Lengre tchawe lan jaake bud tchawe, kai was o them pherdo lendar.

2. Mose 8:3

Koi wan i durkepangre un kran pengri sorjah ninna jaake, un mukan ninna djambe pral o them Egiptia te well.

Ezekiel 32:2

Tu, mensho, gib i ropaskri gili pral o Farao, ko baro rajeste o themestar Egiptia, un pen leske: Tu patseh, te hal har i terno lewo, o bareder rai mank i tsele rajende, un hal har i baro tchilatcho viecho an o baro pani. An kol lengste panja, kai djiweh, phurdal ducho dran tiro nak, te das o pani pre karje. Un tire herjentsa stakral jaake, te was i tchik dran o pani pre un o pani tchiklo.

Jona 2:10

Me kamau man pash tute te parkrell, un anau tuke viechen. Hoi man sowel dom, ko kamau te rikrell. Tu baro Dewel, tserdal man win dran o merepen!

Mateo 12:40

O Jona atchas triin diwessa un triin rati an o baro matcheskro per. Un jaake hunte atchell o Mensheskro Tchawo triin diwessa un triin rati an i phub paskedo.