1. Mose 1:16 - O Debleskro Drom 2021 (Sinte)

¹⁶ Un o Dewel kras kol dui bare momlia: o kham, te well lo rai pral o diwes, un o tchon, te well lo rai pral i rat, un ninna i wawar bolepangre momlia.

O Debleskro Lab 2024 (Sinte-Manouche)

¹⁶ Oun o Devel kras kol douy bare momlia: o kham, te vell lo ray pral o dives, oun o čon, te vell lo ray pral i rat, oun ninna i vavar bolepangre momlia.

1. Mose 1:16 ပူးပေါင်းရင်းမြစ်များ

1. Mose 1:15

Jon hi an o bolepen tardo, te denn le momeli ap i phub. Un kowa was jaake.

Hiob 31:26

Me mangom gar o kham an peskro railepen an, witar gar o tchon an peskro shukapen.

Hiob 38:7

Har lo tchiddo was, giwan i tsele bolepangre momlia, hoi tsalla pre djan, un i bolepangre dan gole i bachtjatar.

Debleskri gili 148:3

Tumer, kham un tchon, sharenn les! Ninna tumer bolepangre momlia, sharenn les!

Debleskri gili 148:5

Tumer lauter, sharenn o baro Debles! Job rakras, un jon wan kerdo.

Debleskri gili 19:6

Taissarlake djal o kham win har i bijabeskro dran peskri isema, un har i sorelo naashepaskro hi lo bachtelo, te nashell peskro drom.

Debleskri gili 74:16

Tiro hi o diwes, un tiro hi i rat. Tu dal o kham un o tchon pengro drom, kai te djan le.

Debleskri gili 8:3

Dran o mui i tchawendar un tikne tchawendar wenn kol laba, hoi sharenn tut. Jaake hunte rikrenn pengro mui kolla, kai kamenn tut gar un hi chojedo ap tute.

Jesaja 13:10

I bolepangre momlia chatchenn buder gar. Hi sawe koi, kai dikeh buder gar. O kham well kalo, sik pal kowa kai lo pre djas. Un o tchon hi buder gar djelto.

Jesaja 24:23

Un o tchon well lolo i ladjatar, un o kham ladjell pes un khatrell pes. O baro Dewel, ko rai pral o bolepen un i phub, well o baro rai ap i berga Zion an o foro Jerusalem. Un i phureder dikenn leskro railepen.

Jesaja 40:26

Hadenn tumare jaka pre, un dikenn: Koon kras kowa? Job anell kol tsele bolepangre momlia ap lengro drom, un djinell kitse jon hi, un dell hakeni pash peskro lab gole. Un kek hi koi, hoi palle gar well. Jaake baro un sorelo hi lo.

Jesaja 45:7

Me hom kowa, kai krell, te well diwes un rati. Me hom kowa, kai dell bacht un bibacht. Me, o baro Dewel, krau kowa lauter.

Jeremia 31:35

Kowa penell o baro Dewel, kai mukell o kham pre te djal, te well diwes, un o tchon un o bolepangre momlia, te nai dikah mer an i rat. Job krell o baro pani diwjo, te djal lo pral un tele. Leskro lab hi ‘baro Dewel, rai pral o bolepen un i phub’.

Habakuk 3:11

Un o tchon atchas tardo, har dal tire faile karje. Tiri sasterno witsepaskro tchuri was diklo har i jag.

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

Mateo 27:45

His deesh-te-dujenge, koi was o diwes kalo har i rat an o tselo them. Un kowa atchas jaake bis trinenge.

1. Korintarja 15:41

O kham, les hi i wawar railepen har o tchon. Un o tchon, les hi i wawar railepen, har i bolepangre momlia. Un kek lendar dikell win har koi wawar.

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.