1. Mose 1:14 - O Debleskro Drom 2021 (Sinte)

¹⁴ Un o Dewel penas, te wenn momlia an o bolepen, hoi sikrenna: Kanna hi diwes, un kanna hi rati. Kolla sikrenna ninna: Kanna well nijal, kanna well o wend. Kanna well i baro diwes, kanna i newo bersh.

O Debleskro Lab 2024 (Sinte-Manouche)

¹⁴ Oun o Devel penas, te venn momlia an o bolepen, hoy sikrenna: Kanna hi dives, oun kanna hi rati. Kolla sikrenna ninna: Kanna vell niyal, kanna vell o vend. Kanna vell i baro dives, kanna i nevo bersh.

1. Mose 1:14 ပူးပေါင်းရင်းမြစ်များ

1. Mose 1:13

Un was rati un pale taissarlakro. Kowa his o triinto diwes.

1. Mose 1:15

Jon hi an o bolepen tardo, te denn le momeli ap i phub. Un kowa was jaake.

1. Mose 8:22

Jaake rah, har i phub koi hi, witsrenn le djob ap i phub un anenn le pale newo djob dren. Jaake rah, har i phub koi hi, atchenna shilapen un tatepen, nijal un wend, diwes un rati.”

1. Mose 9:13

Me tchiwom miro brishineskro bogo an o bolepen. Te dikenn les, djinenn tumer, kai well buder gar sawo baro pani pral i phub.

Hiob 25:3

Kek nai ginell kitse bolepangre lurde les hi. Kek hi koi, pral koleste leskro kham gar pre djal.

Hiob 25:5

Ninna o tchon un i bolepangre momlia hi gar djudjo glan leskre jaka.

Hiob 3:9

Koi rati te atchell kalo, kek bolepaskri momeli djal pre taissarlakro. Koi rati mu dikell pal o diwes – un kowa well gar. O kham djal gar pre.

Debleskri gili 119:91

Jaake har tu kamal, hi li gomme kau diwes tardo. Lauter ap i phub hunte krell, hoi tu kameh.

Debleskri gili 148:3

Tumer, kham un tchon, sharenn les! Ninna tumer bolepangre momlia, sharenn les!

Debleskri gili 148:6

Job tchiwas len ap pengro drom. Un kote atchenn le hako tsireske. Job penas lenge, har dur nai djan le, un jon nai stakrenn gar wergel.

Debleskri gili 150:1

Halleluja! Sharenn o Debles an peskro baro kheer! Sharenn les, ko soreles an o bolepen!

Debleskri gili 81:3

Giwenn leske Debleskre gilja! Denn ap i pauka! Bashrenn ap i dorjengre bashepangre!

Jesaja 40:26

Hadenn tumare jaka pre, un dikenn: Koon kras kowa? Job anell kol tsele bolepangre momlia ap lengro drom, un djinell kitse jon hi, un dell hakeni pash peskro lab gole. Un kek hi koi, hoi palle gar well. Jaake baro un sorelo hi lo.

Jeremia 10:2

Kowa penell o baro Dewel: Ma djan i dromma, hoi i menshe an wawar themma djana! Jon darenn glan o sikepen, hoi krenn i momlia ap o bolepen. Tumer hunte darenn kowa gar.

Jeremia 31:35

Kowa penell o baro Dewel, kai mukell o kham pre te djal, te well diwes, un o tchon un o bolepangre momlia, te nai dikah mer an i rat. Job krell o baro pani diwjo, te djal lo pral un tele. Leskro lab hi ‘baro Dewel, rai pral o bolepen un i phub’.

Jeremia 33:20

Kowa penell o baro Dewel: Pal o diwes well i rat. Jaake, har kek nai krell kowa wawartchandes,

Jeremia 33:25

Doleske penell o baro Dewel: Jaake har krau me gar i tsirja wawartchandes, un pal o diwes i rati wella,

Ezekiel 46:1

Kawa penell o baro Dewel, maro rai: Ko wudar glan i tikni glanstuni platsa ap koi rig, kai o kham pre djal, kowa atchell pandlo ap kol shob diwessa, kai budrenn le. Ap o eftato diwes – ko Debleskro diwes – well lo pre kerdo, ninna ap o diwes, kai o newo tchon diklo well.

Ezekiel 46:6

Ap o diwes, kai well o newo tchon diklo, anell o rai jek terno gurum un shob terne bakre – halauter hunte wenn sasto – te wenn le maredo un chatchedo o Debleske.

Joel 2:10

I phub un o bolepen trissenna glan lende, o kham un o tchon wenn kalo, un i bolepangre momlia chatchenn buder gar.

Amos 5:8

O baro Dewel kras o bolepangre momlia, kol momlia, hoi sikrenn: o wend well un i nijal well. Dran i rat krell job o diwes, un dran o diwes i rat. Dran o baro pani lell job o pani un tchorell les ap i phub. Job kharell ‘Baro Dewel’.

Amos 8:9

O baro Dewel, maro rai, penell: An ko diwes djal o kham tele mashkral o diwes. Un mashkral o diwes well i rati pral o them.

Mateo 2:2

“Kai hi o ternepen, kai well o baro rai pral i biboldende? Mer dikam ko bolepaskri momeli ap o bolepen pre te djal, hoi mende sikras, kai job boldo was. Kanna wam kate, te mangas les an.”

Mateo 24:29

Un sik pal kol tchilatche diwessa, well o kham kalo har i rat, un o moonto dikell kek buder. Un i bare momlia ap o bolepen perenn tele. Un i bolepaskri soor perell khetne.

Markus 13:24

An kol diwessa pal ko tchilatcho tsiro, well o kham kalo har i rat, un o moonto dikell kek buder.

Louka 23:45

Un o wudar an o Debleskro baro kheer, kai his kerdo dran kutch pesso than, koja djas an dui kotja mashkral paash.

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.

Debleskro tsiro 6:12

Un me dikom, har o terno bakro i shobti dori pre pandas, hoi ko liil khetne rikras. Koi trissas i phub soreles. Un o kham was kalo har i kalo gono. Un o tselo tchon was lolo har o rat.

Debleskro tsiro 8:12

Un o starto bolepaskro phurdas an peskri phurdepaskri. Un o kham las i dap, un o triinto kotar lestar was kalo. Ninna o tchon un i wawar bolepangre momlia lan i dap. Un o triinto kotar lendar was kalo. Jaake chatchas o kham gar ap o triinto kotar ap o diwes, witar gar chatchan o tchon un i bolepangre momlia ap o triinto kotar an i rat.

Debleskro tsiro 9:2

Koi was i jagakri khand dran o telstunepen win, har i jagakri khand dran i baro bob win wella. Un koi jagakri khand hadas pes pre, un tchakras o kham un o bolepen, jaake te was rat.