1. Mose 1:1 - O Debleskro Drom 2021 (Sinte)

¹ Glan i rah rah tsiro kras o Dewel o bolepen un i phub.

O Debleskro Lab 2024 (Sinte-Manouche)

¹ Glan i rah rah tsiro kras o Devel o bolepen oun i phoub.

1. Mose 1:1 ပူးပေါင်းရင်းမြစ်များ

2. Rajengro liil 19:15

un mangas o baro Debles un penas: “Baro Dewel, kai hal o Israeleskro Dewel, tu hal pral i bolepangre beshdo. Tu kokres hal o Dewel pral i tsele themma ap kai phub. Tu hal, kai kral o bolepen un i phub.

1. Familjakro liil 16:26

I debla i wawar menshendar hi chochene debla. O baro Dewel hi kowa, kai o bolepen kras.

2. Familjakro liil 2:11

Sharedo well o baro Dewel, kai o Israeleskro Dewel hi, kowa kai kras o bolepen un i phub! Job das o baro rajeske, o Davideske, i gosewo tchawes, kai haiwell bud, un djinell, hoi te krell. Kowa kamell o baro Debleske i kheer te krell, ninna i kheer peske, ko baro rajeske.

Nehemia 9:6

Tu, baro Dewel hal kokres o Dewel! Tu kral o bolepen un leskre tsele bolepangre momlia, un i phub un lauter, hoi ap late hi, ninna o baro pani un lauter, hoi an leste hi. Un tu kral, te djiwell kowa lauter. Un i tsele bolepangre an o bolepen witsrenn pen tele glan tute.

Hiob 26:13

Job phurdas i wolke krik, un o bolepen was shukar. Un leskro wast das ko sik panjeskro sap mules tchurje.

Hiob 38:4

Kai hals tu, har me i phub krom? Pen les mange, te djineh les tu?

Hiob 9:8

Job kokres kras o bolepen buchles pral i phub, un djal pral o baro pani.

Debleskri gili 102:25

Me penom: Mo Dewel, le man gar krik ap o paash drom miro djipastar! Tiro djipen herell gar pre, an kek tsiro.

Debleskri gili 104:24

Baro Dewel, har baro un bud hi kowa, hoi tu halauter kral! Har gosewes kral tu halauter! I phub hi pherdo o tselo koowa, hoi tu kral.

Debleskri gili 104:30

Tu te bitchreh tiro djipaskro ducho, wenn le kerdo, un tu deh newo djipen ap i phub.

Debleskri gili 115:15

Mu well ap tumende i bacht kolestar, kai o bolepen un i phub kras.

Debleskri gili 121:2

Kowa, kai well ap miri rig, hi o baro Dewel, job, kai o bolepen un i phub kras.

Debleskri gili 124:8

Kowa hi o baro Dewel, kai las men win, job, kai o bolepen un i phub kras.

Debleskri gili 134:3

O baro Dewel, kai o bolepen un i phub kras, hi khere ap i berga Zion. Fun kotar mu tchiwell lo peskri bacht ap tute!

Debleskri gili 136:5

Job kras o bolepen an peskro goswepen. Leskro latchepen atchella hako tsireske!

Debleskri gili 146:6

Job hi o Dewel, kai o bolepen un i phub kras, un o baro pani, un kowa, hoi dren hi. Job hi kowa, kai hako tsiro peskro lab rikrell,

Debleskri gili 33:6

Dran o lab o baro Deblestar was o bolepen kerdo. Dran o ducho, hoi dran leskro mui djas, wan i tsele bolepangre momlia kerdo.

Debleskri gili 33:9

Job te rakrell, palle well, hoi job penas, jaake har lo kowa penas, jaake hi kowa koi tardo.

Debleskri gili 8:3

Dran o mui i tchawendar un tikne tchawendar wenn kol laba, hoi sharenn tut. Jaake hunte rikrenn pengro mui kolla, kai kamenn tut gar un hi chojedo ap tute.

Debleskri gili 8:4

Me te dikau o bolepen, hoi tu tire gushtentsa kral, o tchon un i momlia an o bolepen, hoi tu kral,

Debleskri gili 90:2

Glan i berge kerdo wan, un tu i phub kral, hals tu, o Dewel, koi. Un tu atcheh hake tsirja.

Debleskri gili 96:5

I debla i wawar menshendar hi chochene debla. O baro Dewel hi kowa, kai o bolepen kras.

2. Mose 20:11

An shob diwessa kras o baro Dewel o bolepen un i phub, o pani un halauter, hoi koi dren hi. Un o eftato diwes kras lo tchi. Doleske penas lo: Kau diwes hi i baro diwes mange. Kau diwes hi miro.

2. Mose 31:18

Un har o baro Dewel kowa lauter ap o Mose rakras ap i berga Sinai, das job les i dui barra, kai o Debleskre deesh laba dren tchinlo hi. O Dewel tchinas len peskro gushteha dren.

Gosewe laba 16:4

Lauter, hoi o baro Dewel kras, hi tchomoneske, ninna kras lo o tchilatcho menshes ko diweske, kai i bibacht wella.

Gosewe laba 3:19

O baro Dewel kras i phub o goswepah, un o bolepen jaake, har job djinas, kai kowa mishto his.

Sikepaskro 12:1

Jaake rah har terno hal, ma biste koles, kai tut kras! Un djin, te wenn kol tchilatche diwessa un kol bersha, kai tu peneh: “Jon hi mange gar mishto”!

Jesaja 37:16

“Baro Dewel, tu rai pral o bolepen un i phub, tu hal o Israeleskro Dewel, un hal pral i bolepangre beshdo. Tu kokres hal o Dewel pral i tsele themma ap kai phub. Tu kral o bolepen un i phub.

Jesaja 40:21

Haiwan tumer gar? Shunenn tumer gar? Was kowa tumenge gar penlo glan rah tsiro? Djinenn tumer gar, har i phub kerdo was?

Jesaja 40:26

Hadenn tumare jaka pre, un dikenn: Koon kras kowa? Job anell kol tsele bolepangre momlia ap lengro drom, un djinell kitse jon hi, un dell hakeni pash peskro lab gole. Un kek hi koi, hoi palle gar well. Jaake baro un sorelo hi lo.

Jesaja 40:28

Haiwan tumer gar? Shunan tumer gar? O baro Dewel hi i Dewel kai atchell hako tsireske. Job kras i tseli phub. Khino well lo gar, un lestar djal i soor gar krik. Leskro goswepen hi jaake baro, te nai hatsell les kek win.

Jesaja 42:5

O baro Dewel hi maro rai, kowa, kai o bolepen kras, un har i plachta buchles kras. Ninna i phub kras lo, un lauter hoi li win anell. Un i menshen ap late dell lo o ducho, un djipen kolende, kai ap late djiwenn. Job penell:

Jesaja 44:24

Kawa penell o baro Dewel, kowa, kai ginas tut win dran i bibacht, un kowa, kai tut kras har gomme gar boldo hals: Me, o baro Dewel hom kowa, kai lauter kras, Me kokres krom o bolepen buchlo pral i phub, Un har me i phub soreles pre tchiwom, his kek kote pash mande.

Jesaja 45:18

O baro Dewel hi o Dewel, kai o bolepen kras. Job hi o Dewel, kai i phub kras un soreles pre tchiwas. Job kras lat gar jaake, te nai djiwell tchi koi pre. Na-a, job kras lat jaake, te well djipen ap late. Job penell: Me hom o baro Dewel, un dell kek wawar Dewel har man!

Jesaja 51:13

Bistran tumer o baro Debles, kowa, kai tumen kras? Job hi kowa, kai o bolepen buchles pral i phub kras, un i phub pre tchiwas. Hoske darenn tumer o tselo tsiro glan i choli kolendar, kai rikrenn tumen tele un kamenn tumen te marell? Lengri choli nai taprell tumen gar!

Jesaja 51:16

Un me tchiwom mire laba an tiro mui, un rikrau mire wasta pral tute. Me hom kowa, kai krom o bolepen buchles pral i phub un tchiwom i phub pre. Un me penau ap i menshende an o foro Zion: Mire menshe han tumer!

Jesaja 65:17

Tchatchepah, me krau i newo bolepen, un i newi phub. Un ko phuro bolepen un koi phuri phub hi palle bistedo, un wenn buder gar i menshenge an o shero.

Jeremia 10:12

Job, o baro Dewel, kras i phub peskri sorjah. Dran peskro goswepen tchiwas lo i phub soreles tardo, un kras o bolepen koi pral.

Jeremia 32:17

Baro Dewel, miro rai, tu kral o bolepen un i phub dran tiri bari soor un tiro sorelo wasteha. Un tchi hi koi, hoi nai kreh gar.

Jeremia 51:15

Job, o baro Dewel, kras i phub peskri sorjah, un kras lat soreles an peskro goswepen, un kras o bolepen koi pral.

Zakarie 12:1

Kawa hi o lab, hoi penas o baro Dewel pral o Israel: Kowa penell o baro Dewel, kai kras o bolepen buchlo un tchiwas i phub soreles tardo, un das o menshes o ducho.

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

Markus 13:19

Kowa, hoi an kol diwessa pral i menshende wella, hi djungleder har ko tselo tchilatcho koowa, hoi ap i menshende was jaake rah, har o Dewel i phub kras. Un ko tsiro, hoi well pal kowa, well witar gar jaake tchilatcho.

Bičepangre 14:15

“Murshale, hoi krenn tumer kote? Mer ham menshe har tumer, un penah tumenge o latcho lab o djido Deblestar. Job kamell, te wenn tumer ap leskro drom, un mangenn buder gar kol chochene deblen dran kasht un bar an. Job hi ko Dewel, kai kras o bolepen un i phub, un o baro pani, un lauter, hoi djiwella.

Bičepangre 17:24

Ko Dewel kras o bolepen un i phub, un lauter, hoi koi pre hi. Job hi o rai pral o bolepen un i phub. Job djiwell gar an i Debleskre khera, kai i menshe pengre wastentsa kran.

Bičepangre 4:24

Har i patsle kowa shunan, mangan jon khetne o Debles an, un penan: “Rai, tu kral o bolepen un i phub, un o baro pani, un lauter, hoi djiwella.

Remarja 11:36

Lestar was halauter. Halauter djiwell lestar, un halauter djal pale pash leste. Sharas o Debles kanna un hako tsiro! Amen.

1. Korintarja 8:6

hi men jek Dewel. Kowa hi maro dad an o bolepen, un dran leste well halauter. Un mer ham leske koi. Un men hi jek rai, kowa hi o Jesus Kristo. Lestar was halauter. Un lestar lam mer o newo djipen.

Efesarja 3:9

un te sikrap lauterende, har kras o Dewel kowa, hoi his les an o dji. Kowa djinan i menshe i rah tsiro gar. O Dewel kokres, kai kras o bolepen un i phub, djinas les.

Hebrearja 1:10

Pale penas lo ap leste: Tu hal o baro rai, un kral i phub glan i rah tsiro. Un tire wasta kran o bolepen.

Hebrearja 1:2

Kanna, an kau tsiro, bitchras lo peskro tchawes pash mende, te rakras job ap mende. Koleste das o Dewel lauter an leskre wasta, te well job o rai pral lauter. Koleha kras lo o bolepen un i phub.

Hebrearja 11:3

Dran maro patsepen haiwah, te was o bolepen un i phub kerdo dran o Debleskro rakepen. Lauter, hoi kanna dikah, kowa kras o Dewel dran kowa, hoi nai dikah gar.

Hebrearja 3:4

Hako kheer well jekestar kerdo. Un kowa, kai lauter kras, hi o Dewel.

2. Petro 3:5

Kol menshe kamenn gar te haiwell, kai kras o Dewel o bolepen un i phub glan i rah tsiro. Jaake har job penas, djas i phub win dran o pani un atchas ap jek rig tchiddo, un o pani ap i wawar rig.

1. Johanni 1:1

Mer tchinah tumenge pral koleste, kai his hako tsiro koi. Mer shunam les, un dikam les. Awa, mer dikam les mare jakentsa, un tapram les mare wastentsa. Job hi ko lab, hoi o djipen della.

Debleskro tsiro 10:6

un das pes sowel pash koleste, kai djiwella kanna un hako tsiro, kowa hoi o bolepen kras, un lauter, hoi an leste hi, ninna i phub un lauter, hoi ap late hi, un ninna o baro pani, un lauter, hoi an leste hi. Un o bolepaskro penas: “O tsiro hi trujel.”

Debleskro tsiro 14:7

Un job das bari gole: “Darenn o Deblestar un sharenn les! Ko tsiro hi kanna kai, kai job o tchatchepen pral i tsele menshende wi-rakrella. Witsrenn tumen tele glan koleste, kai kras o bolepen un i phub, un o baro pani, un mangenn les an!”

Debleskro tsiro 21:6

Un job penas pale: Halauter was jaake, har penom. Mandar was halauter. Un lauter wella pale glan mande. Me hom o glanstuno un o palstuno. Kones trush hi, kowa lell mandar o djido pani tchitcheske.

Debleskro tsiro 22:13

Mandar was halauter. Un lauter well pale glan mande. Me hom o glanstuno un o palstuno, kowa, kolestar lauter was, un koleha lauter pre-herell.

Debleskro tsiro 3:14

“Tchin kau liil ap o Debleskro budepaskro, kai dell jak ap i patslende an o foro Laodicea: Kawa penell kowa, kai kharell Amen, un penell hako tsiro o tchatchepen, un sikrell i menshende o tchatcho drom pash o Debleste. Job his koi pashel, har o Dewel lauter kras.

Debleskro tsiro 4:11

“Tu, o Dewel, maro rai, tu hal moldo, te less o railepen, un o sharepen, un i soor. Tu kral o bolepen un i phub. Jaake, har tu kamal, jaake kral tu kowa, un was kowa.”