1. Johanni 5:9 - O Debleskro Drom 2021 (Sinte)

⁹ Te shunah mer ap i menshende un patsah, hoi jon penenna, hoske patsah gar, hoi o Dewel penella? Kowa, hoi o Dewel penella, hi bareder har kowa, hoi i menshe penenna. Un o Dewel penas, kai o Jesus Kristo peskro tchawo hi.

O Debleskro Lab 2024 (Sinte-Manouche)

⁹ Te shounah mer ap i menshende oun patsah, hoy yon penenna, hoske patsah gar, hoy o Devel penella? Kova, hoy o Devel penella, hi bareder har kova, hoy i menshe penenna. Oun o Devel penas, kay o Yezous Kristo peskro čavo hi.

1. Johanni 5:9 ပူးပေါင်းရင်းမြစ်များ

Mateo 17:5

Un har job jaake rakras, was i parni wolka pral lende tele. Un dran koi wolka was o rakepen, hoi penas: “Kawa hi miro tchawo! Koles kamau o djijestar. Job krell man bachtelo. Shunenn ap leste!”

Johanni 10:38

Te krau me, hoi o dad mange penas, patsenn ap kowa, hoi me krau! Jaake dikenn un prindjrenn tumer, kai o dad an mande hi un me an leste.”

Johanni 5:39

Tumer rodenn o djipen an o Debleskro lab un patsenn, kai hatsenn kote ko djipen, hoi gar pre-herella. Un tchatchepah, o Debleskro lab rakrell mandar.

Bičepangre 17:31

O Dewel djinell ko diwes, kai rakrell lo o tchatchepen win pral i tsele menshende, un job djal pal o tchatchepen. O Dewel rodas i murshes win, te well job tchatchepaskro rai. Koles kras job i mulendar djido. Jaake sikras o Dewel hakeneste, kai job kau murshes win rodas.”

Bičepangre 5:32

Kowa dikam mer un penah nai tumenge, un o Debleskro Ducho ninna. Koles dell o Dewel kolende, kai shunenn ap leste.”

Hebrearja 2:4

Un o Dewel das len peskri soor, te krenn le baro un sorelo koowa, hoi kek wawar mensho nai krella. Jaake sikras lo, te penan le o tchatchepen. Ninna das lo i patslende peskro Ducho un peskri soor, te krenn le peskri budi mashkral i menshende. Hakeneste das lo i soor, te krell job koi budi, hoi o Dewel lestar kamas.

Hebrearja 6:18

Ko lab, hoi das o Dewel un das peskro wast pre, nai well an kek tsiro krik lino. O Dewel chochella gar. Un mer, kai wam pash leste, te lell lo men dran o tchilatchepen win, men hi kanna leskro sorelo lab, te dell lo men o djipen, hoi gar pre-herella, jaake har job penas.

1. Johanni 5:10

Koon ap o Debleskro tchaweste patsella, kowa djinella an peskro dji, kai hi kowa tchatcho, hoi o Dewel pral o Jesus Kristeste penas. Koon o Debles gar patsella un leskre laba gar patsella, hoi o Dewel pral peskro tchaweste penas, kowa penella, te chochras o Dewel.

1. Johanni 5:8

O Debleskro Ducho, ko pani un ko rat. Hake triin penenn ko jek koowa.