1. Johanni 4:9 - O Debleskro Drom 2021 (Sinte)

⁹ O Dewel sikras men peskro kamlepen, har bitchras lo peskro tchawes ap kai phub, te las mer lestar o tchatcho djipen.

O Debleskro Lab 2024 (Sinte-Manouche)

⁹ O Devel sikras men peskro kamlepen, har bičras lo peskro čaves ap kay phoub, te las mer lestar o čačo djipen.

1. Johanni 4:9 ပူးပေါင်းရင်းမြစ်များ

1. Mose 22:2

Penas o Dewel: “Le tiro jek tchawes, koles, kai tu o djijestar kameh, o Isaakes. Un dja leha an ko them Morija ap koi berga, hoi me tuke penau! Un mare un chatch les mange kote!”

Debleskri gili 2:7

Kau baro rai penell: “Mukenn man tumenge kowa te penell, hoi o baro Dewel kamell te krell. Job penas ap mande: ‘Miro tchawo hal tu. Kau diwes wom tiro dad.’

Markus 12:6

Les his jek wawar, leskro tchawo, koles kamell job o djijestar. Koi penas ko mursh peske: Miro tchawestar darenn le. Un jaake bitchras lo pal kol tsele wawarende peskro tchawes pash lende.

Louka 4:18

O Debleskro Ducho hi ap mande. Job rodas man win, te penap i tchorwelenge o Debleskro latcho lab. Un job bitchras man, te penap kolenge, hoi stilde hi, te wenn le dran lengro stilepen win, un kolenge, kai korelo hi, te dikenn le pale, un kolenge, kai pale-tchiddo hi, te wenn le pale erligo,

Johanni 10:10

Ko tchorepaskro wella, te tchorell lo kol bakren, te marell lo len, un te chal lo len. Me wom, te dap len o djipen, budeder har doha.

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Johanni 3:16

O Dewel kamas i menshen jaake bud, te das lo lenge peskro jek tchawes. Les his kek wawar. Hakeno, koon patsell ap leste, djal gar nashedo. Job lell ko djipen, hoi gar pre-herella.

Johanni 3:18

Koon ap leste patsella, pral koleste well kek phagi wi-rakedo. Koon gar ap leste patsella, pral koleste hi i phagi wi-rakedo doleske, kai patsas lo gar ap o Debleskro tchaweste.

Johanni 5:23

te sharenn le halauter o tchawes, jaake har sharenn le o dades. Koon o tchawes gar sharella, kowa sharella witar gar o dades, kai bitchras o tchawes.

Johanni 6:29

Penas o Jesus ap lende: “O Dewel kamella, te patsenn ap koleste, kai job bitchras.”

Johanni 6:51

Me hom ko maro, hoi dell o djipen, un hoi was dran o bolepen. Hakeno, koon chala kau maro, lell o djipen, hoi gar pre-herella. Un ko maro hi miro mass. Me dau les i menshenge, te lenn le ko djipen.”

Johanni 6:57

Jaake har o dad, kai bitchras man, hi djido, un das man o djipen, jaake dau me o djipen kolende, kai chan miro mass.

Johanni 8:29

Un kowa, kai bitchras man, hi pash mande. Job mukas man gar kokres. Me krau hako tsiro, hoi job kamella.”

Johanni 8:42

“Te wals o Dewel tumaro dad”, penas o Jesus, “kamans man tumer. Lestar wom me. Me wom gar mandar. Hi o Dewel, kai bitchras man.

Johanni 9:3

“Kek lendar anas i doosh ap peste,” penas o Jesus. “Job gar, leskro dad un leskri dai witar gar. Job hi korelo, te well o Debleskri bari soor ap leste diklo.

Remarja 8:32

O Dewel rikras peskro tchawes gar pash peste. Job das les menge lauterenge an o merepen. Patsenn tumer gar, te dell lo men khetne leha kowa lauter, hoi job menge penas?

Hebrearja 1:5

An o Debleskro lab hi tchinlo, kai penell o Dewel ap peskro tchaweste: Tu hal miro tchawo. Kau diwes wom tiro dad. Sawe laba penas lo ap kekeste peskre bolepangre. Witar gar penas lo ap kekeste lendar: Me wau tiro dad. Un tu weh miro tchawo.

1. Johanni 3:16

O Jesus sikras mende, har o Debleskro kamlepen hi. Job mukas peskro djipen menge. Jaake mukas mer ninna maro djipen i patslenge.

1. Johanni 4:10

Kawa hi o Debleskro kamlepen: Hi gar jaake, kai mer kamam o Debles. Na-a, job kamas men, un bitchras peskro tchawes, te lell job mari doosh ap peste.

1. Johanni 4:16

Mer haiwam ko tchatcho kamlepen, hoi o Debles menge hi. Un mer patsah, te kamell men o Dewel tchatchepah! O Dewel hi pherdo kamlepen. Koon an o Debleskro kamlepen atchella, kowa atchella o Debleha, un o Dewel atchell leha.

1. Johanni 5:11

O Dewel penas tchatchepah, te dell lo men ko djipen, hoi gar pre-herella. Un ko djipen hi an peskro tchaweste.

1. Johanni 5:13

Me tchinom tumenge, te djinenn tumer, kai tumen ko djipen hi, hoi gar pre-herella. Ko djipen hi kolenge, kai ap o Debleskro tchaweste patsenna.