1. Johanni 3:2 - O Debleskro Drom 2021 (Sinte)

² Latche phrala un phenja, kanna ham Debleskre tchawe. Un hoi mer wah an ko tsiro, hoi wella, djinah gomme gar. Jek djinah: Ap ko tsiro, kai well o Jesus Kristo pale, dikah les har job hi, un mer wah jaake, har job hi.

O Debleskro Lab 2024 (Sinte-Manouche)

² Lače phrala oun phenya, kanna ham Debleskre čave. Oun hoy mer vah an ko tsiro, hoy vella, djinah gomme gar. Yek djinah: Ap ko tsiro, kay vell o Yezous Kristo pale, dikah les har yob hi, oun mer vah yaake, har yob hi.

1. Johanni 3:2 ပူးပေါင်းရင်းမြစ်များ

Hiob 19:26

Ninna te hi miro mass jaake dukedo un wom jaake sano, well ko tsiro, kai dikau miro Debles.

Debleskri gili 16:11

Tu sikreh o drom, kai an o djipen anell. Pash tute hom bachtelo. Te hom kote, kai tu hal, bashrell miro dji hako tsiro.

Debleskri gili 17:15

Me krom, hoi tchatcho hi. Doleske nai dikau tut. Te djangrau pre, dikau me tut un hom tchalo i bachtjatar.

Debleskri gili 31:19

kolla chochene, kai hi pre-phurde un praassenn kolen, kai an o tchatchepen tardo hi.

Jesaja 56:5

palle dau tut i bar an miro kheer, kai tiro lab dren tchinlo hi. Kowa hi feteder har tchawe un tcha. Kau lab, hoi tut dau, well an kek tsiro bistedo.

Maleachi 3:2

Koon tumendar nai rikrell ko diwes win, job te wella? Un koon tumendar nai atchell glan leste tardo, job te mukell pes te dikell? Job hi har i soreli sapuni un har i jag, hoi chatchell i tchik an o saster krik.

Mateo 5:8

Bachtele hi kolla, kai hi len i djudjo dji. Jon dikenn o Debles pengre jakentsa.

Louka 17:30

Jaake djal kowa ninna ap ko diwes, kai o Mensheskro Tchawo diklo wella.

Louka 20:36

Jon merenn buder gar, un hi har i bolepangre. Jon stan i mulendar pre. Doleske hi le o Debleskre tchawe.

Johanni 1:12

Halauter kolla, kai lan les pre un ap leste patsan, kolen das job i soor, te wenn jon o Debleskre tchawe.

Johanni 11:52

un gar i biboldenge kokres. Job hunte merella ninna, te anell lo i tsele Debleskre tchawen khetne.

Johanni 17:24

Tata, me kamau, te wenn kolla, kai tu man dal, pash mande, kote, kai me hom, te dikenn le miro railepen un miri soor, hoi tu man dal. Tu kamal man o djijestar, har o bolepen un i phub gar koi his.

Remarja 8:16

Un o Debleskro Ducho penell menge an o dji, te ham mer o Debleskre tchawe.

Remarja 8:18

Me patsau soreles, kol duka, hoi an kau tsiro ap mende wenna, hi bud bud tikneder har ko baro railepen, hoi o Dewel men della an ko tsiro, hoi wella.

Remarja 8:19

Halauter, hoi o Dewel kras, dikell peskro tselo djijeha ap ko tsiro, kai o Dewel halauteren sikrella, koon leskre tchawe hi.

Remarja 8:29

Har rodas lo len win, his an leskro dji, te wenn le jaake har peskro tchawo. Kowa te well o phureder mank bud phralende un phenjende.

1. Korintarja 13:12

Kanna dikah o Debleskro koowa gar mishto. Mer dikah kowa jaake har an o phuro blendari. Jek diwes wella, kai dikah mer o Debles, har job hi. Lauter, hoi me kanna lestar djinau, hi tikne kotja. Well ko diwes, kai prindjrau les jaake, har job man prindjrella.

1. Korintarja 15:49

Kanna dikah win har kowa, kai was kerdo dran tchik. Te wah an o bolepen, dikah win har kowa, kai was dran o bolepen.

1. Korintarja 2:9

An o Debleskro lab hi tchinlo: Ko latcho koowa, hoi kek jak dikas, un hoi kek kand shunas, un hoi an kek mensheskro dji dren was, kowa lauter dell o Dewel kolen, kai les o djijestar kamenna.

2. Korintarja 3:18

Mer lauter, kai patslo ham, dikah o Debleskro railepen jaake mishto, har te dikah an i dikepaskri. Kek diklo hi ap mare jaka tchiddo. Un har mer dikah ap leste, wah mer bud un budeder jaake, har job hi. Kowa krell o Debleskro Ducho an mende.

2. Korintarja 4:17

Ko pharo koowa, hoi mer kanna hidjrah, hi tikno un djal peske. Pal kowa well i baro railepen. Kowa hi shukeder har halauter, hoi kanna djinah, un djal peske gar.

Galatarja 3:26

Dran tumaro patsepen ap o Jesus Kristeste han lauter Debleskre tchawe.

Galatarja 4:6

Kanna ham leskre tchawe. Doleske das o Dewel peskro tchaweskro Ducho an mare djia. Kowa dell gole: Tata, miro dad!

Filiparja 3:21

Kanna ham menshe, kai hunte merenna. Job krell dran mende newe menshe, kai wenn jaake har job, un merah buder gar. Jaake sorelo hi lo. Les hi koi soor, te krell lo lauter, hoi job kamella.

Kolossarja 3:4

Ap ko tsiro, kai nai dikell hakeno o Jesus Kristes, dikenn le ninna tumen pash leste an leskro railepen.

Hebrearja 9:28

jaake hunte meras o Jesus Kristo jek kopo i menshenge, te lell lo i doosh bud lendar ap peste. Ap ko tsiro, kai well lo i duito kopo, well lo gar, te lell lo i doosh i menshendar krik. Na-a. Palle well lo kolenge, kai tchiwan pengro dji ap leste, te lell lo len pash peste, un te dell lo len lauter kowa, hoi hi lenge an o bolepen.

2. Petro 1:4

Glan i rah tsiro penas o Dewel i menshenge, te bitchrell lo lenge jekes, kai lell len dran o merepen win, un dell len o Debleskro djipen. Ko baro un kutch koowa kras lo kanna menge. Mer lam o Debleskro djipen un hunte kras buder gar ko djungelo koowa, hoi i menshe ap kai phub jaake kamenna, un hoi anell lenge o merepen.

1. Johanni 2:28

Un kanna, mire tchawe, atchenn pash leste, te well men kek traash, te well job pale. Jaake hunte ladjas men gar glan leste.

1. Johanni 2:7

Kamle phrala, ko lab, hoi me tumenge kate tchinau, te krenn kowa, hi tumenge tchi newo. Na-a, kowa hi i phuro lab. Tumer shunan ko lab, har tumer patslo wan, un djinenn les.

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.

1. Johanni 3:10

Hakeno, kai gar kowa krella, hoi hi tchatcho glan o Debleskre jaka, kowa hi gar o Deblestar. Witar gar hi kowa o Deblestar, kai peskro phrales gar o djijestar kamella. Ap kowa dikell hakeno, koon o Debleskre tchawe hi, un koon o bengeskre tchawe hi.

1. Johanni 3:21

Latche phrala un phenja, te penell menge maro dji gar, te lam doosh ap mende, hi men kek traash, te was glan o Debleste.

1. Johanni 5:1

Kolla, kai patsenna, kai o Jesus o baro rai hi, kolestar o Dewel penas, te well job, kolla hi o Debleskre tchawe. Un hakeno, kai kamell o dades, kowa kamell ninna leskre tchawen.

Debleskro tsiro 2:28

Jaake har das man miro dad peskri soor, jaake dau koles miri soor. Ninna dau les ko bolepaskri momeli, hoi djal pre taissarlake ap o bolepen.

Debleskro tsiro 22:4

un dikenn les pengre jakentsa. Un leskro lab hi glan ap lengre shere tchinlo.