1. Johanni 1:2 - O Debleskro Drom 2021 (Sinte)

² Awa, ko djipen was pash mende, un sikras pes mende. Mer dikam les. Doleske rakrah mer kolestar, kai dikam un shunam. Un mer penah tumenge, koon ko djipen della, hoi gar pre-herella. Kowa his pash peskro dadeste an o bolepen, un was pash mende.

O Debleskro Lab 2024 (Sinte-Manouche)

² Ava, ko djipen vas pash mende, oun sikras pes mende. Mer dikam les. Doleske rakrah mer kolestar, kay dikam oun shounam. Oun mer penah t'menge, koon ko djipen della, hoy gar pre-herella. Kova his pash peskro dadeste an o bolepen, oun vas pash mende.

1. Johanni 1:2 ပူးပေါင်းရင်းမြစ်များ

Johanni 1:18

Kek mensho dikas o Debles. O Debleskro tchawo kokres sikras men, koon o Dewel hi. Job hi jek o Debleha.

Johanni 1:4

An leste his o djipen. Un ko djipen his i bari momeli i menshenge.

Johanni 10:28

Un me dau len ko djipen, hoi gar pre-herella. Un jon djan gar nashedo. Un kek nai tserdell len dran miro wast win.

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Johanni 15:27

Ninna tumer, kai hans o tselo tsiro pash mande, penenn i menshenge mandar, hoi tumer dikan un shunan.”

Johanni 16:28

Me wom o dadestar, un wom ap kai phub. Un me mukau pale kai phub, un djau pash miro dadeste.”

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Johanni 17:5

Un kanna, tata, de man ko railepen un koi soor, hoi his man pash tute, har o bolepen un i phub gar koi his!

Johanni 19:35

Un kowa, kai dikas kowa halauter, penas i wawarenge, hoi job dikas. Un kowa, hoi job penas, hi tchatcho. Un job djinella, kai job o tchatchepen penella, te patsenn tumer ninna.

Johanni 21:14

Kowa his o triinto kopo, kai mukas pes o Jesus glan peskre malende te dikell pal kowa, har job i mulendar djido was.

Johanni 3:13

Me, o Mensheskro Tchawo kokres, nai penau, hoi an o bolepen hi. Me wom dran o bolepen.

Johanni 7:29

Me prindjrau les! Me wom lestar! Un job bitchras man!”

Johanni 8:38

Me penau tumenge kowa, hoi pash miro dadeste dikom. Tumer krenna, hoi shunan tumaro dadestar.”

Bičepangre 1:22

ko tsirestar, kai mukas job pes o Johannestar te taufrell, bis ap ko diwes, kai was lo mendar an o bolepen lino. Kau mursh hunte penell mentsa khetne i menshenge, kai o Jesus i mulendar pre stas.

Bičepangre 10:41

Job mukas pes gar i tsele menshendar te dikell. Na-a. Men rodas o Dewel win, te dikas les. Un har job i mulendar djido was, cham un pijam mer leha. Kowa penah i menshenge, un kowa hi tchatcho.

Bičepangre 2:32

Kau Jesuses mukas o Dewel i mulendar pre te stell. Kowa djinah mer. Mer halauter dikam les djido.

Bičepangre 3:15

Ko rajes, kai o djipen della, maran tumer. Koles mukas o Dewel i mulendar pre te stell. Kowa djinah mer, mer dikam les.

Bičepangre 5:32

Kowa dikam mer un penah nai tumenge, un o Debleskro Ducho ninna. Koles dell o Dewel kolende, kai shunenn ap leste.”

Remarja 8:3

O Moseskre laba nai dan ko djipen gar. I menshe nai kran kowa gar, hoi an o Moseskre lila tchinlo hi. Ko tchilatchepen, hoi an lende his, mukas len gar te krell, hoi o Dewel lendar kamas. Doleske penas o Dewel: “O tchilatchepen hunte merell.” Un job bitchras peskro tchawes, te well lo i mensho har mer, kai tchilatcho ham. Job las maro tchilatchepen ap peste un meras. Un jaake meras o tchilatchepen leha un nashras peskri soor pral mende.

Galatarja 4:4

Har ko tchatcho tsiro was, bitchras o Dewel peskro tchawes. Kowa was i mensho, un pandlo ap o Moseskre laba.

1. Timoteo 3:16

Tchatchepah, an maro patsepen hi i baro tchatchepen: O Debleskro tchawo was i mensho. Hoi job kras, hi tchatcho. Ko sikras men o Debleskro Ducho. I bolepangre dikan ap leste. An i tsele themma rakran le lestar. Ap i tseli phub patsan le ap leste. An o bolepen las les o Dewel pash peste.

2. Timoteo 1:10

Kanna was o Jesus Kristo, te sikrell lo men o Debleskro latchepen. O Jesus Kristo las men dran o tchilatchepen win, un kras, te well o merepen buder kek soor pral mende. Job anas menge ko djipen, hoi atchella, har peskro latcho lab penella.

Tito 1:2

Jon hunte djinenn, te lenn le o djipen, hoi gar pre-herella. Kowa penas o Dewel glan i rah tsiro. Un job chochella gar.

1. Petro 5:1

Kanna rakrau ap kolende, kai hi i phureder mank tumende. Me hom ninna i phureder, un dikom mire jakentsa, har o Jesus Kristo ap o trushel meras. Un ap ko diwes, kai well peskro tselo railepen diklo, hom me ninna pash leste. Tumenge penau soreles:

1. Johanni 1:1

Mer tchinah tumenge pral koleste, kai his hako tsiro koi. Mer shunam les, un dikam les. Awa, mer dikam les mare jakentsa, un tapram les mare wastentsa. Job hi ko lab, hoi o djipen della.

1. Johanni 2:25

Un tumer lenn ko djipen, hoi gar pre-herella. Kowa penas o Jesus Kristo menge.

1. Johanni 3:5

Tumer djinenna, kai o Jesus Kristo was, te lell lo ko tchilatcho koowa krik, hoi kram. Tumer djinenn ninna, kai an leste kek tchilatchepen hi.

1. Johanni 3:8

Kolla, kai djiwenn an o tchilatchepen, kolla hi o bengestar. O beng krella o tchilatchepen jaake rah, har job koi hi. Doleske was o Debleskro tchawo ap kai phub, te phagell lo o bengeskri soor.

1. Johanni 4:14

Mer dikam, kai o Dewel, maro dad, peskro tchawes bitchras. Doleske penah mer i menshenge, kai job kowa hi, kai lell len win dran o tchilatchepen un o merepen.

1. Johanni 4:2

Har nai djinah, te hi o Debleskro Ducho an jekeste? Hakeno, kai penell glan i menshende, kai o Jesus Kristo was i mensho dran mass un rat, koles hi o Debleskro Ducho.

1. Johanni 5:11

O Dewel penas tchatchepah, te dell lo men ko djipen, hoi gar pre-herella. Un ko djipen hi an peskro tchaweste.

1. Johanni 5:13

Me tchinom tumenge, te djinenn tumer, kai tumen ko djipen hi, hoi gar pre-herella. Ko djipen hi kolenge, kai ap o Debleskro tchaweste patsenna.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.