Zakarie 9:6 - O Debleskro Lab 2024 (Sinte-Manouche)

⁶ Menshe dran vavar themma venn an o foro Ashdod, te djivenn le koy. O baro Devel penell: “Kol pre-phourde Filistaryen krau me tikno.

O Debleskro Drom 2021 (Sinte)

⁶ Menshe dran wawar themma wenn an o foro Ashdod, te djiwenn le koi. O baro Dewel penell: “Kol pre-phurde Filistarjen krau me tikno.

Zakarie 9:6 ပူးပေါင်းရင်းမြစ်များ

Sikepaskro 6:2

Kote hi yek, koles kras o Devel baro oun an-diklo, das les bravlepen oun boud lačo koova. Yaake hi les halauter, hoy o dji kamella. Oun palle moukell les o Devel gar kolestar te rhal oun barhteles te vell. I vavar lell kova halauter oun rhal les pre. Savo koova hi ninna phares te hayvell oun krell man nasselo.

Jesaja 23:9

O baro Devel, ko ray pral o bolepen oun i phoub penas, te vell kova yaake. Yob kamas lenge ko tselo raylepen krik te lell, koleha yon pen yaake bares kran, oun kamas i an-dikle morshen ap i phoub tiknes te krell.

Jesaja 28:1

Djungeles djal touke, tou foro Samaria! Tou hal čiddo ap i berga, hoy hi tardo pral o bravelo them. Oun hal har i rayeskri stadi. I menshe dran o them Efrayim, kay i molyatar mate hi, sharenn pen touha. Tiro shoukapen hi har i bloume, hoy merell tele.

Jeremia 47:1

Glan ko tsiro, kay o Farao ko foro Gaza khetne das, rakras o baro Devel ap peskro rakepaskro, o Yeremia, pral i Filistarende.

Amos 1:8

Oun moukau i raya pral i forya Ashdod oun Ashkelon moulo te dell, oun dau o fores Ekron. Oun i tsele Filistarya, kay pral ačan, merenna.

Zefanja 2:10

Yaake lenn i menshe an i themma Moab oun Ammon pengri phagi. Yon his pre-phourdo oun praasan i menshen o baro Deblestar, kay hi o ray pral o bolepen oun i phoub, oun hadan pen pral lende.

Zefanja 2:4

O foro Gaza vell mouklo, oun o foro Ashkelon vell paash dino. I menshe an o foro Ashdod venn mashkral ap o dives dran o foro tradedo. Ninna kolla an o foro Ekron venn dran lengro foro vin tradedo.

Zakarie 9:5

I menshe an o foro Ashkelon shounenn kolestar oun trashenna, oun kolla an o foro Gaza lenn bari daar, ninna kolla an o foro Ekron. Len hi bouder kek, kay rikrell peskro vast pral lende. An o foro Gaza dell bouder kek baro ray, oun an o foro Ashkelon djivell bouder kek Israelitari.

Zakarie 9:7

Lendar tserdau ko ratlo mass dran lengro mouy vin, oun ko pale-čiddo mass mank lengre danda krik.” Palle venn kol Filistarya, kay pral ačenn, maro Debleskre menshe. Yon venn har i familya dran o kheer Youda. Oun i menshe dran Ekron djivenn yaake mank lende har i Yebousarya an Yerusalem.

1. Petro 5:5

Kol terne menshenge penau me: Krenn kova, hoy kol phoureder phrala t'menge penenna! Hakeneske penau: Kek te krell, har te vell lo bareder har ko vavar! O Devel hi gar ap i rig kolendar, kay krenn pen bares. Na-a, yob hi lačes kolenge, kay krenn pen gar bares.